İki ay əvvəl toyu olmuşdu, 16 yaşlı qızla meyiti tapıldı

Şəmkirdə bədbəxt hadisə baş verib.

Avrasiya.net Oxu.az-a istinadla xəbər verir ki, hadisə rayonun Düyərli kəndində qeydə alınıb.

Kənd ərazisində 2008-ci il təvəllüdlü Pərvin Habil qızı Nəsibovanı və 1993-cü il təvəllüdlü Hümbət İkram oğlu İsmayılovu elektrik cərəyanı vuraraq öldürüb.

Məlumata görə, səhər saat 8 radələrində həmin evdə yanğın olması ilə bağlı məlumat daxil olub. Müvafiq qurumun əməkdaşları hadisə yerinə gedərək yanğını söndürüblər. Bundan sonra adıçəkilən şəxslər evdə təmizlik işləri aparan zaman bədbəxt hadisə baş verib.

Hadisə yerinə hüquq-mühafizəorqanlarının əməkdaşları cəlb olunublar.

***

Baş verən faciəli hadisə ilə bağlı bəzi məqamlar bəlli olub.

Belə ki, həyatını itirən 16 yaşlı Pərvin Nəsibova ev sahibinin qonşusu idi. 31 yaşlı Hümbət İsmayılov isə təxminən iki ay əvvəl ev sahibinin qızı ilə ailə qurmuşdu.

Hadisə ilə bağlı araşdırmalar davam edir.