Azər Allahverənov vətəndaşların qəbulunu keçirib
Dərc olunub:
28-10-2024, 10:44
26 oktyabr 2024-cü il tarixdə Milli Məclisin deputatı Azər Allahverənov Kürdəxanı bələdiyyəsinin inzibati binasında Kürdəxanı qəsəbəsində yaşayan vətəndaşların qəbulunu keçirib.
Qəbulda iştirak edən qəsəbə sakinləri mənzil-məişət, yaşayış şəraiti, sosial və digər məsələlərlə bağlı müraciətlərini ediblər.
Qaldırılan məsələlər aidiyyəti üzrə baxılması üçün müvafiq qaydada qeydə alınıb.
Müraciət edən vətəndaşların diqqətinə çatdırılıb ki, hər bir məsələyə ayrı-ayrılıqda baxılacaq və onların həll olunması istiqamətində zəruri addımlar atılacaqdır.
Atılan bütün addımlar barədə vətəndaşlar aidiyyəti üzrə məlumatlandırılacaqlar. 
