ADU-da “BƏƏ-də Təhsil” mövzusunda tədbir keçirilib
Azərbaycan Dillər Universitetində Şeyx Zayed adına Ərəb dili Auditoriyasında Birləşmiş Ərəb Əmirliklərinin Bakıdakı səfirliyi və Universitet arasında əməkdaşlıq çərçivəsində Universitet müəllimlərinin və tələbələrin iştirakı ilə “BƏƏ-də Təhsil” mövzusunda tədbir keçirilmişdir.
İştirakçıları salamlayaraq, Birləşmiş Ərəb Əmirliklərinin Bakıdakı səfiri cənab Mohammed Al Blooshi tələbələrin bilikdən faydalandığı və məhsuldar şəbəkələşmə yaratdığı Şeyx Zayed Mərkəzinin təsis edilməsinin əhəmiyyətini vurğuladı. Daha sonra cənab səfir təhsilin mühümlüyü barədə mühazirə oxudu və BƏƏ-in təhsil strategiyası haqqında ətraflı məlumat verdi.
“Təhsil hər zaman BƏƏ-in ən uca prioritetlərindən biri olmuşdur,” deyən cənab səfir qeyd etdi ki, anlayışı artırmaq, fürsətlər yaratmaq və cəmiyyəti irəli aparmaq üçün BƏƏ təhsilin gücünə inanır.
Səfir Mohammed Al Blooshi iştirakçılarla BƏƏ-dəki universitetlər haqqında məlumatı paylaşdı, 1976-cı ildə təsis edilmiş ilk Birləşmiş Ərəb Əmirlikləri Universiteti (UAEU), həmçinin BƏƏ-in təhsil sahəsindəki nailiyyətlərindən bəhs etdi.
Tədbir tələbələrin ərəb dilində performansları, səfir ilə sual-cavab sessiyası və UAEU-ya həsr edilmiş film ilə davam etdi.
