Sadiq Qurbanov seçicilərinə müraciət edib - Sözümün üstündə duracağam
Yeni Azərbaycan Partiyasının 54 saylı Şabran-Siyəzən Seçki Dairəsindən deputatı seçilən Sadiq Qurbanov seçicilərinə müraciət edib.
Avrasiya.net deputatın müraciətini təqdim edir:
Əziz şabranlılar və siyəzənlilər!
Dünən baş tutan parlament seçkiləri ölkəmizin demokratiya adına daha bir şərəfli tarix kimi yazılaraq ən inkişaf etmiş ölkələrdən heç bir sahədə geri qalmadığımızın sübutu oldu.
Azərbaycan xalqı hər zaman olduğu kimi yenə də öz müstəqilliyini qorumaq, əbədi etmək üçün soyuq hava şəraitinə baxmayaraq sivil qaydada, seçkiyə gələrək öz sözünü dedi. Bu münasibətlə bütün xalqımızı təbrik edirəm!
Şabran və Siyəzən seçicilərinə isə xüsusi olaraq dərin minnətdarlığımı bildirirəm! Qisa bir müddətdə keçmişdən,gələcəkdən,problemlərdən danışdıq,səmimi olduq, doğmalaşdıq və mənə inandılar, etibar etdilər. Bu doğmalıq və səmimiyyətə görə, hər kəsə bir daha təşəkkür edirəm. Bir daha söz verirəm ki, SİZİ Milli Məclisdə layiqincə təmsil edəcəyəm!