Əmircan sakinlərindən Ramil Kərimliyə dəstək
“Mən və komandam “Əmircan qəsəbəsinin maddi-mədəniyyət nümunələrinin təbliği (Xilə)” Əmircan İctimai Təşkilatının 2 fevral Gənclər Günü münasibətilə təşkil etdiyi gənc rəssamların onlayn müsabiqəsi laureatlarının sərgisini ziyarət etdik”.
Bu fikirləri Suraxanı 32 ci seçki dairəsindən deputatlığa namizəd Ramil Kərimli öz facebook səhifəsində qeyd edib. Deputatlığa namizəd əlavə edib ki, nümayiş etdirilən işlər həm texniki icrası, həm ideyası, həm də doğma rayona məhəbbətin tərənnümü ilə olduqca xoş təəssürat oyatdı, axı iştirakçıların əksəriyyəti doğma yerlərdən ilham alıb bu rəsmləri çəkiblər:
“Qaliblərə diplomların təqdim edilməsi mərasimində gözləmədiyim bir hadisə baş verdi. Məni Əmircanın fəxri vətəndaşı adına layiq görüb xatirə lövhəciyi və medal təqdim etdilər. Göstərilən ehtiram və etimada görə minnətdaram. Bundan sonra da doğma ocağımıza və burada yaşayan insanlara faydalı olmağa səy göstərəcəyəm”.