Müxalifət İrəvanda etiraz aksiyalarını bu gün də davam etdirəcək
Dərc olunub:
11-05-2022, 09:07
Bu gün saat 12:00-da İrəvanın müxtəlif istiqamətlərində avtoyürüşlər təşkil olunacaq.
Ermənistan KİV xəbər verir ki, bunu Müqavimət Hərəkatının mitinqində parlamentin müxalifətdən olan vitse-spikeri, “Daşnaksütyun” partiyasının nümayəndəsi İşxan Saqatelyan deyib.
O, vətəndaşları 2-3 maşında avtomobil yürüşləri təşkil etməyə çağırıb.
İşxan Saqatelyan paralel olaraq itaətsizlik aksiyalarının davam edəcəyini deyib. O bildirib ki, saat 16:00-da müxalifət yenidən Fransa meydanına toplaşacaq.
