"Bakı Evi"nin qarşısında dava: erməni öldürüldü
Dərc olunub:
10-05-2022, 01:42
Rusiyanın paytaxtı Moskvada baş verən dava nəticəsində bir erməni öldürülüb, digər ikisi isə xəsarət alıb.
Avrasiya.net xəbər verir ki, yaralıların əkiz qardaşlar olduğu bildirilib.
Məlumata görə, hadisə bazar günü gecə Rusakovskaya küçəsində baş verib. Saat 03.30 radələrində "Bakı Evi" (Bakinski Domik) restoranının yaxınlığında şəxslər arasında münaqişə başlayıb və bıçaqlı davaya çevrilib. Nəticədə ikisi 30 yaşlı əkiz qardaş olmaqla, erməni əsilli üç şəxs ağır yaralanıb. Onlardan biri ertəsi gün xəstəxanada ölüb.
Hadisəni Qafqaz əsilli 25-30 yaşlı şəxsin törətdiyi ehtimal edilir. Araşdırma başladılıb.