Zelenski Baydeni Ukraynaya çağırdı
Dərc olunub:
14-02-2022, 01:48
Bu gün Ukrayna Prezidenti Volodimr Zelenski amerikalı həmkarı Co Baydenlə telefon danışığı aparıb.
Avrasiya.net xəbər verir ki, CNN telekanalı mənbələrinə istinadən telefon danışığının bəzi detallarını açıqlayıb.
Kanal bildirir ki, Zelenski söhbət zamanı Baydenə mümkün qədər tez bir zamanda Ukraynaya səfər etməyi təklif edib. Mənbənin dediyinə görə, Baydendən Zelenskinin dəvətinə hər hansı müsbət cavab gəlməyib.
Bundan başqa, Zelenski amerikalı həmkarına daha çox maliyyə və hərbi dəstək üçün müraciət edib.
