"Tezliklə Xankəndidə də Azərbaycanın suverenliyi, yurisdiksiyası bərpa olunacaq"Azərbaycanın Qarabağ regionunda yaşayan bəzi ermənilər Robert Köçəryan-Serj Sərkisyan bandasının revanşist çağırışlarının təsiri altına düşərək "Biz Azərbaycan vətəndaşı deyilik" şüarı ilə aksiyalar keçirməyə çalışırlar. Təəssüf ki, istər Ermənistanın siyasi elitasında, istərsə də Xankəndidəki ermənilər arasında adekvat düşünən, yeni hərbi-siyasi reallıqları qəbul edən, qondarma "dqr"in müstəqilliyinin mümkün olmadığı faktı ilə barışan realist, sağlam düşüncəli ermənilərin sayı potensial qüvvə kimi qəbul ediləcək həddə deyil.

Əgər onların sayı arzuolunan səviyyədə olsaydı, heç olmasa, onlar özlərini Azərbaycan vətəndaşı hesab etməyən və yaxud etmək istəməyən inkarçı-radikal soydaşlarına düzgün yol göstərər, Azərbaycan vətəndaşlığını qəbul edib Azərbaycan qanunları ilə yaşamaqdan başqa daha yaxşı alternativlərinin olmadığını revanşist soydaşlarına başa salardılar.

Onsuz da onlar Azərbaycan torpağında, Xankəndidə başqa qanunlarla yaşamağın mümkünsüzlüyünü tez ya gec dərk edəcəklər. Əks təqdirdə isə, biz günün birində onlara deyəcəyik ki, madam ki, özünüzü Azərbaycan vətəndaşı hesab etmirsinizsə, o zaman Azərbaycan torpağında nə işiniz var?

Xankəndidə və digər ərazilərimizdə yaşayan heç bir erməni rəsmi İrəvanın və yaxud, böyük dövlətlərin onlara sahib çıxacağına və Azərbaycan torpaqlarında qanunsuz yaşamalarına şərait yaradacağına ümid bəsləməməlidir. Bu mümkün deyil. Prezident İlham Əliyev də son çıxışlarında bu məsələyə dəfələrlə aydınlıq gətirib və birmənalı surətdə bildirib ki, "Azərbaycanın Qarabağ regionunda yaşayan erməni əhalisi bizim vətəndaşlarımızdır və biz onların həyatını necə qaydaya salacağımızı heç bir beynəlxalq mərkəzlə müzakirə etməyəcəyik".

Cənab Prezident bu fikri Ağdamda keçirilən Azərbaycan Milli Şəhərsalma Forumundakı çıxışında səsləndirdi. Lakin bir gün sonra (oktyabrın 6-da) dövlət başçımız Praqada Azərbaycan televiziya kanallarına müsahibəsi zamanı yenidən bu məsələyə qayıtdı və bir daha altını cızaraq vurğuladı ki, "Qarabağda yaşayan ermənilər bizim vətəndaşlarımızdır və onların taleyini, onların gələcək həyatını hər hansı bir ölkə ilə, o cümlədən Ermənistanla müzakirə etmək fikrində deyilik".

Vəssalam, bununla da Azərbaycan tərəfi bu məsələyə ən yüksək səviyyədə nöqtə qoydu, mövzu qapandı. İndi də seçim ermənilərindir. Ya onlar Azərbaycan vətəndaşlığını qəbul edib bütün azərbaycanlılarla eyni hüquqlara malik vətəndaşlarımız kimi yaşayacaqlar, yadaki kim istəmir, buyurub ərazilərimizi tərk edə bilər.

Baxın, məsələ bu qədər aydın və konkret şəkildə qoyulub. Bu da ondan ötrüdür ki, 30 ildir Xankəndidə və ətraf ərazilərdə davam edən separatçılığa, özbaşınalığa, anarxiyaya, terror təhdidlərinə nəhayət ki, son qoyulsun. Azərbaycan öz daxilində dərəbəylik və bölücülük, separatçılıq hallarının hökm sürdüyü ərazilərin mövcudluğu ilə barışmaq fikrində deyil. Tezliklə Xankəndidə də Azərbaycanın suverenliyi, yurisdiksiyası bərpa olunacaq.

Əlisahib Hüseynov,
Milli Həmrəylik Partiyasının sədri
İranda rəis müavini və “Bəsic”in 3 üzvü öldürüldüİranda bir neçə hökumət məmuru öldürülüb. Onların etirazçılar tərəfindən qətlə yetirildiyi iddia olunur.

Axar.az xəbər verir ki, bu barədə “Azad İran” Teleqram kanalı məlumat yayıb.

Bildirilib ki, Zəngan şəhərində kütləvi etirazlar zamanı İran İnqilab Keşikçiləri Korpusuna (SEPAH) bağlı yarımhərbi radikal "Bəsic" birləşməsinin üzvü Qulamrza Bamdadi öldürülüb.

Bununla yanaşı, Tehranda Salman Əmirəhmədi adlı "Bəsic" üzvünün də qətlə yetirldiyi bildirilir.

İran mediasının verdiyi xəbərə görə, Kürdüstan əyalətinin Sənəndəc şəhər polis idarəsi rəisinin müavini Rəsul Bərzuyi də həyatını itirib.

Tehran şəhərinin 9-cu bölməsinin 209-cu “Bəsic” bölməsinin komandiri Əlirza Həbibzadeqanın da öldürüldüyü qeyd olunur.

Sözügedən şəxslər son 2 gündə həlak olublar və bir sıra məlumatlara görə, onlardan ikisi xüsusi təyinatlı qüvvələrin xalqa atəş açdığı zaman güllə yarası alaraq ölüblər.
“Araz” şəbəkəsinin “endirim” tələsi – Aldanmayın!Ölkənin ən geniş mağazalar şəbəkəsinə sahib “Araz” supermarketinin şöbələrində alıcılar üçün yeni kampaniyalar nədənsə çox vaxt “tələyə” çevrilir.

Avrasiya.net Yenipress.az-a istinadən xəbər verir ki, bu marketdə “endirim kampaniyası” adı ilə yalnız zay məhsullar və yaxud satışdan çıxarılmalı olanlar təklif edilir.

Məsələn, çay paketi (reklam olmaması üçün adını yazmırıq – red.) vaxtaşırı olaraq 5,29 qəpikdən 3,80-ə endirilir. Çaylara diqqət etdikdə isə həmin çayların əhəmiyyətli hissəsinin artıq toz olduğu aşkarca görünür. Bu məhsullar satışdan çıxarılmalı olduğu halda niyə endirimlə alıcıya təklif edilməlidir?

Eyni zamanda, vaxtaşırı olaraq piştaxtada yazılan qiymətlərlə kassadakı qiymətlər arasında ciddi uyğunsuzluq müşahidə edilir. Xüsusilə bu, “endirim kampaniyası” zamanı baş verir.

Piştaxtada 8,9 manata təklif edilən “endirimli” 3 kq-lıq yuyucu tozun kassada 18 manat olduğu “üzə çıxır”. Səbəbini soruşduqda isə 18 manatlıq 3 kq-lıq yuyucu tozun endirimli qiymətinin yalnız 30 manatdan çox, həm də “Araz” bonus kartı ilə alver edənlərə şamil olunduğu bildirilir.

Kassada, arxada növbə düzülmüş halda necə aldığın məhsulları 30 manata çatdırmaq mümkündür? Ən yaxşı halda kassadan siqaret istəyə bilərsən. Bu zaman isə bəlli olur ki, siqaret 30 manatlıq “alverə” daxil deyil, yəni sayılmır. Səbəb isə odur ki, siqaret üçün ƏDV qaytarılması ləğv edilib.

ƏDV – müştərinin özünə qaytarılır, bu ƏDV-nin qaytarılıb-qaytarılmamasının mağazaya nə aidiyyəti var? Mağaza ümumiyyətlə, bu cür kampaniyalarda niyə əvvəlcədən elan yerləşdirmir və yalnız kassada bunlar üzə çıxır?

Yeri gəlmişkən, “Araz” marketlə son aylar əməlli-başlı rəqabətə girməyə çalışan “Bravo”da endirim “adam kimidir”. Burda məhsulun üzərinə endirim yazılıbsa, birmənalı olaraq endirim edilir və bunu fəxrlə elan da edirlər: “30 manatlıq alverin buna nə dəxli? Biz “Araz”-zadıq? Endirim varsa, demək, birbaşa tətbiq edilir”.

Daha bir müqayisə: piştaxtada ikiqat endirim edilən tualet kağızı alıb, “Bravo” kassasına yaxınlaşanda bəlli oldu ki, kampaniya bitib. “Ancaq siz orda endirim olduğunu yazmısınız” iradımıza administrator dərhal reaksiya verdi, sözügedən piştaxtaya yaxınlaşıb, endirimli qiyməti görən kimi kassadan məhz endirimli qiymətlə satılmasına göstəriş verdi və anlaşılmazlığa görə üzr istədi.

“Araz” şəbəkəsində bu münasibəti görməzsən!

P.S. Bu mövzuda bundan öncəki yazımıza “Bravo”nun sifarişi” deyə cəfəng şərhlər gəlmişdi. Əmin olun ki, sifariş deyil! Biz yalnız rəqabətin tərəfindəyik və “Araz”ın da daha yaxşı xidmət etməsini arzulayırıq, rəhbərliyin bu cür çatışmazlığı aradan qaldırmasını istəyirik – bu marketə hər gün müraciət etdiyimiz üçün...
SEPAH “Peyğəmbər” təlimlərinə başladıİran İslam İnqilabı Keşikçiləri Korpusu (SEPAH) sərhədçilər və İran ordusu ilə birgə “Məhəmməd Peyğəmbər” adlı hərbi dəniz təliminə başlayıb.

Bu barədə “Fars” xəbər agentliyi məlumat yayıb.

Məlumata görə, təlimlər Fars körfəzində keçirilir.

SEPAH-ın nümayəndəsi, polkovnik Yadullah Şərifinin sözlərinə görə, təlimlər sərhəd qoşunlarının imkanlarını artırmaq və dəniz sahillərində “xarici təcavüzə” qarşı SEPAH və ordu qüvvələrini koordinasiya etmək məqsədi daşıyır.
Məşhur müğənninin gömrükçü qardaşı işdən çıxarıldıMəşhur vokal ifaçısı, müğənni Lətifə Soyuözün yüksək vəzifədə işləyən qardaşı işdən çıxarılıb.

Avrasiya.net Qaynarinfo.az-a istinadən xəbər verir ki, Dövlət Gömrük Komitəsi sədrinin birinci müavini, sədr vəzifəsini müvəqqəti icra edən general-leytenant Şahin Bağırovun əmri ilə gömrük xidməti polkovniki Səttar Fətəliyev vəzifəsindən azad edilərək, təqaüdə göndərilib.

Səttar Fətəliyev Dövlət Gömrük Komitəsinin Narkotiklərlə Mübarizə şöbəsinin rəisi olub.

Qeyd edək ki, polkovnik Səttar Fətəliyevin anası da uzun illər Dövlət Gömrük Komitəsində yüksək vəzifədə çalışıb və hazırda təqaüddədir.
Kəlbəcərdə aktiv yerüstü geoloji axtarış-kəşfiyyat işləri aparılır“AzerGold” Qapalı Səhmdar Cəmiyyəti (QSC) Azərbaycan Respublikasının Prezidentinin 16 mart 2020-ci il tarixli 1941 nömrəli Sərəncamı ilə təsdiq edilmiş “Yerin təkinin geoloji öyrənilməsinə və mineral xammal bazasından səmərəli istifadəyə dair 2020-2024-cü illər üçün Dövlət Proqramı”nın həyata keçirilməsi üzrə tədbirlər planı çərçivəsində müvafiq fəaliyyətini davam etdirir.

QSC-dən verilən məlumata görə, sözügedən tədbirlər planına əsasən, Şərqi Zəngəzur və Qarabağ iqtisadi rayonlarının Kiçik Qafqazın mərkəzi və cənub hissəsində nəcib və əlvan metal perspektivli sahələrdə geoloji-axtarış işlərinin aparılması Ekologiya və Təbii Sərvətlər Nazirliyinə və “AzerGold” QSC-yə həvalə edilib. Bu çərçivədə Cəmiyyətin geoloji kəşfiyyat qrupu cari ilin iyun ayından etibarən “Tutxun” nəcib metal təzahürləri sahəsində mərhələli axtarışlar aparır. Cəmiyyət tərəfindən 2022-2025-ci illər üzrə tərtib edilmiş kəşfiyyat proqramlarına uyğun olaraq geoloji heyət tərəfindən Tutxun çayının hövzəsinin mina və partlamamış hərbi sursatlardan təmizlənmiş Başlıbel-Xanlanlı, Oruclu-Ağyataq-Çorman sahələrində yerüstü aktiv axtarış-kəşfiyat işləri sürətlə davam etdirilir. Bununla yanaşı, araşdırmalar çərçivəsində Kəlbəcər və Laçın rayonlarını əhatə edən 1624 km2 sahədə Qafqaz regionunda ilk dəfə olaraq innovativ axtarış metodlarından sayılan qeyri-invaziv hiperspektral peyk görüntülərinin çəkilişləri də həyata keçirilməkdədir. Tutxun hövzəsi təzahür sahələrində bütövlükdə geoloji kəşfiyyat işlərinin aparılması məqsədilə sözügedən ərazilərin mina və partlamamış hərbi sursatlardan tam olaraq təmizlənməsi istiqamətində müvafiq qurumlar tərəfindən zəruri addımlar atılır.

Qeyd edək ki, “Tutxun” sahəsi Kəlbəcər rayonunun ərazisində, Tərtərçayın sağ qolu olan Tutxun çayının hövzəsində yerləşir. 1958-1990-cı illərə aid geoloji materialların araşdırılması və rəqəmsallaşdırılmasının nəticələrinə əsasən, sahədə qızıl, gümüş və qismən sənaye əhəmiyyətli mis metallaşmasının olduğu proqnozlaşdırılır.
Praqada təşkil olunmuş görüşlərdə ölkəmizin milli maraqları təmin olunduÇexiyanın paytaxtı Praqa şəhərində Azərbaycan və Ermənistan liderlərinin, eləcə də Fransanın dövlət başçısı və Avropa İttifaqı Şurasının Prezidentinin iştirakı ilə baş tutan dördtərəfli görüşdə cənab Prezident İlham Əliyevin qətiyyətli mövqeyi ilə Azərbaycan diplomatiyası növbəti uğura imza atdı. Görüşün yekunlarına dair Bəyanatda isə bir sıra mühüm məsələlər öz əksini tapmış oldu. Belə ki, 10 noyabr tarixli üçtərəfli Bəyanatın imzalandığı vaxtdan bu günədək Ermənistan siyasi-hərbi rəhbərliyi sülh müqaviləsinin imzalanması prosesini yubatmağa çalışsa da Praqada baş tutan dördtərəfli görüş bütün bu cəhdlərin son nöqtəsi oldu. Görüşün yekununa dair Bəyanatda da qeyd olunduğu kimi Azərbaycan və Ermənistan bir-birilərinin ərazi bütövlüyü və suverenliyini tanıdı. Həmçinin BMT Nizamnaməsi isə bu məsələdə əsas sənəd kimi götürüldü.

Bu isə mahiyyət etibarı ilə Qarabağın Azərbaycanın ayrılmaz hissəsi olduğunun növbəti dəfə yüksək səviyyədə təsdiqi idi. Belə bir platformada təcavüzkar Ermənistan tərəfindən Azərbaycanın ərazi bütövlüyünün tanınması Azərbaycan diplomatiyasının, Azərbaycan Prezidentinin ən böyük uğuru və 44 günlük Vətən müharibəsində əldə edilmiş qələbənin məntiqi nəticəsi idi.

Bəyanatda diqqət çəkən digər mühüm məqamlardan biri isə ilk dəfə olaraq Avropa İtifaqının mülki missiyasının bölgədə yerləşdirilməsi məsələsinin müzakirəyə çıxarılması oldu. Ancaq bu dəfə də Azərbaycanın maraqları cənab Prezident tərəfindən layiqincə qorundu. Azərbaycanın qəti mövqeyindən sonra belə razılaşdırıldı ki, Avropa İttifaqının mülki missiyası 2 ay müddətində yalnız Ermənistan ərazisində yerləşdirilsin. Beləliklə Ermənistanın daha bir cəhdi, bölgəyə üçüncü qüvvələri cəlb etmək planı iflasa uğradı.

Xüsusi olaraq qeyd etməliyik ki, II Qarabağ müharibəsində işğalçı Ermənistana verilən dəstək və son illərdə Azərbaycana qarşı nümayiş etdirilən qərəzli mövqe, eləcə də 12-14 sentyabr təxribatının ardınca Paşinyan başda olmaqla bir qrup Ermənistan rəhbərliyində təmsil olunan siyasətçilərin Fransaya səfərləri və verilən açıqlamalar əslində Fransanın ənənəvi ermənipərəst siyasətindən xəbər verir. Bu mövqedən yanaşsaq Fransanın da iştirakı ilə keçirilən dördtərəfli görüşdə Azərbaycan üçün müxtəlif tələ və hiylələrin hazırlandığını güman etmək olardı. Lakin cənab Prezidentin qətiyyəti nəticəsində bütün bu cəhdlər də boşa çıxdı. Artıq Avropa İttifaqının qurucu üzvlərindən biri olan Fransa da Cənubi Qafqazda dəyişən geosiyasi reallıqları qəbul etmək məcburiyyətindədir.

Nəticə etibarilə 5 saatdan artıq davam edən və iki hissədən ibarət olan dördtərəfli görüşlə Azərbaycan diplomatiyası növbəti qələbəsini qazanaraq bölgədə uzun müddətli və dayanıqlı sülhün əldə olunması istiqamətində daha bir vacib addım atdı. Ermənistan isə öz növbəsində sərhəd missiyasına razılıq verməklə öz zəifliyini bir daha nümayiş etdirmiş oldu.

Rəşad Rəhmanov
Siyəzən şəhər 2 saylı tam orta məktəbin direktoru
Kəlbəcərdə aktiv yerüstü geoloji axtarış-kəşfiyyat işləri aparılır“AzerGold” Qapalı Səhmdar Cəmiyyəti (QSC) Azərbaycan Respublikasının Prezidentinin 16 mart 2020-ci il tarixli 1941 nömrəli Sərəncamı ilə təsdiq edilmiş “Yerin təkinin geoloji öyrənilməsinə və mineral xammal bazasından səmərəli istifadəyə dair 2020-2024-cü illər üçün Dövlət Proqramı”nın həyata keçirilməsi üzrə tədbirlər planı çərçivəsində müvafiq fəaliyyətini davam etdirir.

QSC-dən verilən məlumata görə, sözügedən tədbirlər planına əsasən, Şərqi Zəngəzur və Qarabağ iqtisadi rayonlarının Kiçik Qafqazın mərkəzi və cənub hissəsində nəcib və əlvan metal perspektivli sahələrdə geoloji-axtarış işlərinin aparılması Ekologiya və Təbii Sərvətlər Nazirliyinə və “AzerGold” QSC-yə həvalə edilib. Bu çərçivədə Cəmiyyətin geoloji kəşfiyyat qrupu cari ilin iyun ayından etibarən “Tutxun” nəcib metal təzahürləri sahəsində mərhələli axtarışlar aparır. Cəmiyyət tərəfindən 2022-2025-ci illər üzrə tərtib edilmiş kəşfiyyat proqramlarına uyğun olaraq geoloji heyət tərəfindən Tutxun çayının hövzəsinin mina və partlamamış hərbi sursatlardan təmizlənmiş Başlıbel-Xanlanlı, Oruclu-Ağyataq-Çorman sahələrində yerüstü aktiv axtarış-kəşfiyat işləri sürətlə davam etdirilir. Bununla yanaşı, araşdırmalar çərçivəsində Kəlbəcər və Laçın rayonlarını əhatə edən 1624 km2 sahədə Qafqaz regionunda ilk dəfə olaraq innovativ axtarış metodlarından sayılan qeyri-invaziv hiperspektral peyk görüntülərinin çəkilişləri də həyata keçirilməkdədir. Tutxun hövzəsi təzahür sahələrində bütövlükdə geoloji kəşfiyyat işlərinin aparılması məqsədilə sözügedən ərazilərin mina və partlamamış hərbi sursatlardan tam olaraq təmizlənməsi istiqamətində müvafiq qurumlar tərəfindən zəruri addımlar atılır.

Qeyd edək ki, “Tutxun” sahəsi Kəlbəcər rayonunun ərazisində, Tərtərçayın sağ qolu olan Tutxun çayının hövzəsində yerləşir. 1958-1990-cı illərə aid geoloji materialların araşdırılması və rəqəmsallaşdırılmasının nəticələrinə əsasən, sahədə qızıl, gümüş və qismən sənaye əhəmiyyətli mis metallaşmasının olduğu proqnozlaşdırılır.
Ərdoğan Putinə Rusiya ilə Qərb arasında vasitəçilik təklif edibRusiya prezidenti Vladimir Putinlə Türkiyə prezidenti Rəcəb Tayyib Ərdoğanın telefon danışığında Ankaranın Moskva ilə Qərb arasında Ukrayna üzrə danışıqlar aparmaq təklifi müzakirə olunub.

Bunu Rusiya Prezidentinin mətbuat katibi Dmitri Peskov deyib.

Türkiyə və Avropa İttifaqındakı müştərək parlament komitəsinin sədri İsmayıl Emrah Karayel RİA Novosti-yə bildirib ki, İstanbul Rusiya ilə dörd Qərb ölkəsi arasında danışıqların keçirildiyi məkana çevrilə bilər. Əvvəllər məlum olub ki, Türkiyə Rusiya ilə ABŞ, Fransa, Almaniya və Böyük Britaniya arasında danışıqlar təşkil etməyi planlaşdırır, müvafiq təklif diplomatik kanallar vasitəsilə Vaşinqtona təqdim edilib.
Məşhur prokuror çılpaq fotoları ilə şantaj EDİLİBMəşhur prokuror Tariyel Qurbanovu şantaj etməkdə ittiham olunan Ümman Əliyev, Natiq Nuriyev, Pərvin Yusifov, Ələkbər Nuriyev, İlqar Əliyev, Elnur Eldarov və Sahilə Məmmədovanın cinayət işi üzrə məhkəmə prosesi başlayıb.

Avrasiya.net musavat.com-a istinadən xəbər verir ki, Bakı Ağır Cinayətlər Məhkəməsində hakim Azər Paşayevin sədrliyi ilə baş tutan prosesdə Ümman Əliyev ifadə verib. O, elan olunmuş ittiham üzrə özünü qismən təqsirli bilərək deyib ki, prokurora hədə-qorxu gəlməsi və ondan pul tələb etməsi ilə bağlı işdə heç bir sübut yoxdur. Ümman Əliyev özünü dələduzluq etməkdə təqsirli bilib: “Mən xəstəlik adı ilə Tariyel Qurbanovdan pul almışam. Bu səbəbdən də istintaqa verdiyim ifadəmi təsdiq etmirəm. Həmin ifadəmi təzyiq altında vermişəm. İndi həqiqəti məhkəmədə danışacam”.

Ümman Əliyev deyib ki, 2001-ci ildə yaşadığı Quba rayonunun Nic kəndindən işləmək məqsədilə paytaxta gəlib. Onun sözlərinə görə, onun ilk iş yeri Bakıxanov qəsəbəsində yerləşən “Hamam Plaza” olub: “Mən orada ofsiant işləyirdim. Hamama gələn şəxslərə çay, meyvə verirdim. Bir sözlə, onlara belə qulluq edirdim. Tariyel Qurbanovu da orada tanımışam. Tariyel müəllimlə ilk tanışlığım 2006-cı ildə olub. Tariyel müəllim hamama gəlib, ona bir ilə yaxın orada qulluq etmişəm”.

Ümman Əliiyevin sözlərinə görə, qardaşı Vüsal epilepsiya xəstəsi olub: “Onun müalicəsi adı ilə Tariyel müəllimdən ilk dəfə 1800 manat aldım. Qardaşımın müalicəsinə həmin pulu xərcləmədim. Amma faktiki olaraq həmin pulu müalicə adı ilə almışam. Bunu da Tariyel müəllim bilməyib. Həmin pulu Tariyel müəllim mənə poçt vasitəsi ilə göndərdi. Həmin pulu götürərək şəxsi ehtiyaclarıma xərclədim. Həmin dövrdə hamamdan çıxmışdım, işsiz idim. Buna görə də pula ehtiyacım var idi. İkinci dəfə 2021-ci ilin noyabrında qardaşımın xəstəliyi ilə bağlı yenə də Tariyel müəllimdən 1800 manat aldım. Həmin pulu da Tariyel müəllim poçt vasitəsi ilə göndərdi. Qubada həmin pulu poçtdan götürdük”.

Ümman Əliyev bildirib ki, onunla birlikdə müttəhimlər kürsüsündə əyləşən Pərvin Yusifovu cəzaçəkmə müəssisəsindən tanıyıb: “Növbəti dəfə pulu Tariyel müəllimdən Pərvinin kartı vasitəsi ilə almışam. Həmin puldan da Pərvinə dost kimi vermişəm. Pərvin Tariyel müəllimdən pulu hansı məqsədlə aldığımı bilməyib. Ümumiyyətlə o, Tariyel müəllimi tanımayıb. Pərvinə şəxsi pulum olduğunu demişəm. O da göndərilən pulu çıxararaq mənə verib”.

Ümman Əliyevin sözlərinə görə, Tariyel Qurbanovdan 2021-ci ilin sentyabrından 2022-ci lin fevralına kimi pul alıb. O deyib ki, müxtəlif vaxtlarda aldığı pulların ümumi məbləği yadında qalmayıb. Bildirib ki, Tariyel Qurbanovu hamam fotoları ilə şantaj etməyib, ifadəsinin həmin hissəsini müstəntiqin təzyiqi altında verib.

Ümman Əliyev qeyd edib ki, Tariyel Qurbanovdan pul alan zaman heç kimlə əlbir olmayıb. O bildirib ki, pulları tək özü istəyib və alıb.

İbtidai istintaq zamanı Ümman Əliyev ifadəsində göstərib ki, Tariyel Qurbanovla əlaqə saxlayıb, onun çılpaq fotoları olduğunu deyib və pul tələb edib. Hakimin səsələndirdiyi bu ifadəsini təqsirləndirilən şəxs məhkəmədə təsdiq etməyib. O bildirib ki, Tariyel Qurbanovun hər hansı bir formada onda fotosu olmayıb və ona da belə bir foto göstərməyib.

İstintaq ifadəsinə görə, Ümman Əliyev növbəti günlər də Tariyel Qurbanovdan daha dörd dəfəyə pul alıb. Həmin ifadəyə görə, Ümman Əliyev ondan 8 min manat bir, 15 min 400 manat bir, 20 min manat bir, 20 min manat isə sonuncu dəfə alıb. Onun sözlərinə görə, qeyd olunan məbləğləri Tariyel Qurbanovdan iş qurmaq adı ilə alıb.

Daha sonra ifadə verən digər təqsirləndirilən Pərvin Yusifov da özünü təqsirli bilməyib. O deyib ki, Ümman ilə eyni cəzaçəkmə müəsisəsində cəza çəkiblər: “Biz eyni regiondan olduğumuz üçün orada münasibətimiz yarandı. Həbsdən azad olunandan sonra da görüşməyə başladıq. Bir gün Ümman ilə çayxanada olan zaman dedi ki, kartın var, ona pul atsınlar. Mən də anamın kartı olduğunu bildirdim. Ondan pulun problemli olub-olmadığını soruşdum. Dedi ki, heç bir problem yoxdur. Anama məxsus məndə olan kartın şəkilini çəkdim və Ümmana göndərdim. Ümman da həmin kartı kimisə yolladı. İki dəfəyə həmin karta pul göndərildi. İlk dəfə 900 manat, sonra isə 1200 manat göndərilmişdi. Mən də həmin pulları kartdan çıxararaq Ümmana verdim. Buna görə də Ümman mənə xərcləmək üçün pul verdi”.

Pərvin Yusifovun sözlərinə görə, növbəti dəfə “Azərsu”yun qarşısında Ümmanın göstərişi ilə Tariyel Qurbanovdan 1150-1200 manat alıb: “Həmin vaxt Tariyel Qurbanova zəng etmişəm. Telefon nömrəsini mənə Ümman vermişdi. Zəng etməkdə məqsədim deyilən yerə çatdığımı bildrmək olub. Mənim başqa məqsədim olmayıb. Ümmanla Tariyel Qurbanovun münasibətlərindən də xəbərim olmayıb. Həmin gün Ümman mənə zəng etdi və dedi ki, ona pul göndəriblər, xəstə olduğu üçün götürməyə gedə bilmir. Məndən həmin pulu götürərək ona çatdırmağımı istədi. Mən də Ümmanın dediyi kimi etdim və qeyd olunan yerdən pulu götürdüm. Həmin vaxt ora Tariyel Qurbanovun özü gəlmişdi. Tariyel Qurbanova Ümmanın xəstə olması barədə heç nə demədim”.

Təqsirləndirilən şəxsin sözlərinə görə, növbəti dəfə “Avesta Konserni”nin binasının yaxınlığında yenə də pul götürmək üçün Tariyel Qurbanovla görüşüb: “Tariyel Qurbanovun məndən Ümmanın səhhətini soruşdu. Mən də dedim ki, inşallah, yaxşı olar. Tariyel Qurbanov mənə 3 min manat verdi. Həmin pulu da Ümmana çatdırdım. Bu zaman Ümman mənə 500 manat verdi ki, xərcləyim. Mən də ondan həmin pulu götürdüm və şəxsi ehtiyaclarıma xərclədim”.

Təqsirləndirilən şəxs deyib ki, Ümman Əliyevlə birlikdə Tariyel Qurbanova hədə-qorxu gəlməyib, ona çılpaq fotolarını göstərməyib və pul tələb etməyib. Onun sözlərinə görə, Ümmanın belə hərəkət etməsindən isə xəbəri olmayıb.

Pərvin Yusifov deyib ki, Tariyel Qurbanovadan pul tələb etməməsinə baxmayaraq ona dəymiş ziyanın 6350 manatın 1700 manatını ödəyib: “Həmin pul da Baş Prokurorluğun depozit hesabına köçürülüb. Bundan başqa, dəymiş ziyanın 25 faiz miqdarında isə dövlət büdcəsinə ödəniş etmişəm. Həmçinin Tariyel Qurbanovla barışıq əldə etmişik. O da məndən şikatyətçi deyil”.

Növbəti proses oktyabrın 28-də davam edəcək.

İstintaq orqanı tərəfindən Natiq Nuriyev, Ümman Əliyev, Pərvin Yusifov, Ələkbər Nuriyev, İlqar Əliyev, Elnur Eldarov və Sahilə Məmmədovanın barəsində Cinayət Məcəlləsinin 182.2.1 (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə) maddəsi ilə ittiham elan edilib.
İttihama görə, dəstə üzvləri Tariyel Qurbanovun hamamda çəkilmiş fotolarını ona göndəriblər və pul verməsini tələb ediblər. Əks halda həmin fotoları sosial şəbəkələrdə yaymaqla hədələyiblər.

Qeyd edək ki, Tariyel Qurbanov Qaradağ və Hacıqabul rayonlarında prokuror olub. Daha sonra isə o, Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini olub.

Bu ilin mart ayında vəzifəsindən azad olunan Tariyel Qurbanov sonradan Abşeron rayon prokurorunun böyük köməkçisi təyin olunub.

Tariyel Qurbanov həmçinin Dini Qurumlarla İş üzrə Dövlət Komitəsinin sədri Mübariz Qurbanlının qardaşıdır.

Xatırladaq ki, Tariyel Qurbanov bir vaxtlar sol əllə hərbi salam verməsi ilə gündəmə gəlmişdi.