Meşələrin yandırılması həm də ekoloji maarifləndirmənin yetərsiz olmasından qaynaqlanır. Meşələri yandırmağa cəhd göstərənləri bu cür şər əməldən çəkindirmək üçün mütləq maarifləndirmə işləri aparmaq lazımdır. Belələrinə başa salınmalıdır ki, sənin və sənin övladlarının, əzizlərinin sağlam yaşamı ilk növbədə təbiətdən, meşələrin mövcudluğundan asılıdır.

Şəhərlərimizdə parklar, yaşıllıqlar, kənd yerlərində isə bağ-bağatlar, meşələr olmasa ölkə quraqlığa təslim olar. Meşələri məhv edən cahillər bilməlidirlər ki, meşələr bizim "ağ ciyərlər"imiz sayılır. Çünki meşələr külək, nəmişlik, yağış və oksigen bolluğu yaratmaqla ətraf mühiti biz insanlar üçün yaşanılır hala gətirir və eyni zamanda bizi bir çox xəstəliklərdən qoruyur.

Ağacları kəsən, meşələri yandıran hər bir təbiət "terrorçu"suna bax bu adi həqiqətləri izah etmək, başa salmaq lazımdır. Başa düşmək istəməyənlər, meşələrimizə qənim kəsilənlər isə qanunun bütün sərtliyi ilə cəzalandırılmalıdır. Bir sözlə, meşə yanğınlarını önləmək üçün maarifləndirmə və cəzalandırma işlərini paralel aparmalıyıq.

Son günlər ölkəmizin bir sıra rayonlarında baş verən meşə yanğınları onu göstərir ki, meşələri qorumaq ümummilli məsələdir, hər birimizin vətəndaşlıq və insanlıq borcudur. Millətimizin sağlam gələcəyini təmin etmək üçün təbiətimizi, meşələrimizi qorumaq işində milli birlik nümayiş etdirməliyik.

Əlisahib Hüseynov,
Milli Həmrəylik Partiyasının sədri

Türkiyənin Qaziantep vilayətində dəhşətli avtomobil qəzası baş verib.

Magistral yolda qəza törətmiş avtomobildəki yaralılara müdaxilə üçün dayanan ambulansa, eyni zamanda yanğınsöndürən və “İhlas” xəbər agentliyinə məxsus maşına sərnişin avtobusu çırpılıb.

Qəza nəticəsində 15 nəfərin öldüyü bildirilir. Ölənlərdən 3-ü yanğınsöndürən briqadasının əməkdaşları, 3-ü tibb işçisi, 2-si isə jurnalist olub.

Hadisə zamanı 22 nəfər isə xəsarət alıb.

Faktla bağlı araşdırma aparılır.

Qusarda süni göldə azyaşlı batıb.

Bu barədə Avrasiya.net-ə Fövqəladə Hallar Nazirliyindən (FHN) məlumat verilib.

Bildirilib ki, nazirliyin "112" qaynar telefon xəttinə Qusar rayonunun Laza kəndi ərazisində yerləşən süni göldə 1 nəfər azyaşlının batması barədə məlumat daxil olub. Hadisə yerinə FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.

Saatlı prokurorluğu rayon ərazisində iki nəfərin boğularaq ölməsi hadisəsinin təfərrüatını açıqlayıb

Rayon rokurorluğundan "Report"a bildirilib ki, avqustun 19-u, saat 19 radələrində Saatlı rayonu Qıraqlı kənd sakinləri – 1979-cu il təvəllüdlü Sübhan və qardaşı oğlu 1992-ci il təvəllüdlü Əkrəm Astanovun suda boğularaq ölmələri barədə rayon prokurorluğuna məlumat daxil olub.

Araşdırmalarla müəyyən edilib ki, birlikdə Araz çayının rayonun Musalı kəndindən keçən hissəsində balıq ovu edən zaman Sübhan və Əkrəm sonuncunun suya düşən azyaşlı iki uşağını xilas edərkən özləri suda boğularaq ölüb.

Azyaşlılar yaxınlıqda balıq ovlayan şəxslər tərəfindən suda boğulmaqdan xilas edilərək xəstəxanaya yerləşdirilib, hazırda səhhətləri qənaətbəxşdir.

Faktla bağlı Saatlı Rayon Prokurorluğunda araşdırma aparılır.

Xarkovun şimalında - Ukrayna Silahlı Qüvvələrinin 127-ci briqadasının cəmləşdiyi ərazidə yüksək dəqiqlikli silahların zərbəsi nəticəsində 130-a qədər hərbçi məhv edilib.

Avrasiya.net xəbər verir ki, bu barədə Rusiya Müdafiə Nazirliyinin rəsmi nümayəndəsi general-leytenant İqor Konaşenkov bildirib.

“Silahlı Qüvvələrin ərazi müdafiəsi 127-ci briqadasının 27-ci taborunun şəxsi heyəti və hərbi texnikasının cəmləşdiyi əraziyə yerüstü yüksək dəqiqlikli silahdan endirilən zərbə ilə 130-a qədər yaraqlı və 8 ədəd xüsusi texnika məhv edilib"- o, brifinqdə deyib.

Rusiya Federasiyası Qara Dəniz Donanmasının Sevastopoldakı qərargahında yanğın baş verib.

Avrasiya.net xəbər verir ki, bu barədə Teleqram kanalları məlumat yayıb.

Məlumata əsasən, qərargahın damını pilotsuz təyyarə uçurub.

Xalq deputatı Aleksey Qonçarenkonun sözlərinə görə, polis donanmanın qərargahını mühasirəyə alıb. Səlahiyyətli şəxslər şəhər sakinlərindən yaxın gələcəkdə evlərini tərk etməməyi xahiş edir.

Yuxarı Qarabağ kanalında bir nəfər batıb.

Bu barədə Avrasiya.net-ə Fövqəladə Hallar Nazirliyindən məlumat verilib.

Nazirliyin "112" qaynar telefon xəttinə Yuxarı Qarabağ kanalının Yevlax şəhəri ərazisindən keçən hissəsində 1 nəfərin batması barədə məlumat daxil olub. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Əlavə məlumat veriləcək.

Dağıstanda “Qazel” markalı avtomobil yük maşını ilə toqquşub.

Axar.az xəbər verir ki, qəza nəticəsində biri uşaq olmaqla 7 nəfər ölüb, 5-i xəstəxanaya yerləşdirilib.

İlkin məlumata görə, qəzaya minik avtomobilinin 60 yaşlı sürücüsünün sükan arxasında yuxulaması səbəb olub.

Bildirilib ki, “Qazel”də olan sərnişinlər toya gedirmiş.

Şabran rayonunun Zeyvə kəndində baş vermiş yanğın söndürülüb.

Avrasiya.net xəbər verir ki, bu barədə Report-a Zeyvə kənd icra nümayəndəsi Cavid Məmmədov məlumat verib.

Onun sözlərinə görə, kənd ərazində təxminən 100 hektara yaxın meşə massivi, kol-kos yanıb:

"Evlərə ziyan dəyməyib. Yalnız meşə ərazilərinə ciddi ziyan dəyib. Həmin ərazilər də ötən gecə Fövqəladə Hallar Nazirliyinin əməkdaşları tərəfindən söndürülüb".

C.Məmmədov söyləyib ki, ötən gecədən kənd ərazisində elektrik təchizatı bərpa edilib:

"Bu gün isə qaz təchizatı bərpa olunacaq".

İcra nümayəndəsi bildirib ki, rayonun Pirəbədil, Sumağava, Sumağava Qazma Zöhramı kəndlərində baş verən yanğınlar da söndürülüb.

Fövqəladə Hallar Nazirliyinin ərazidə olan əməkdaşları isə deyib ki, Şabran rayonunda baş verən yanğınların çox hissəsi söndürülüb, yalnız Çuxurazəmi kəndindəki meşə massivində tədbirlər davam edir.

Qeyd edək ki, Şabran rayonu ərazisində yanğınlar avqustun 15-dən etibarən başlayıb.

Ölkəmizdə səfərdə olan İran İslam Respublikası Silahlı Qüvvələrinin nümayəndələrindən ibarət mütəxəssis heyəti Şəhidlər xiyabanını ziyarət edib.

Bu barədə Müdafiə Nazirliyindən məlumat verilib.

Qonaqlar Azərbaycanın müstəqilliyi və ərazi bütövlüyü uğrunda şəhid olan qəhrəman Vətən övladlarının xatirəsini ehtiramla anaraq, məzarları önünə gül dəstələri düzüblər, "Əbədi məşəl” abidəsinin önünə əklil qoyublar.