18 ilin böyük tarixi uğurlarıBu gün 11 aprel 2018-ci il prezident seçkilərində İlham Əliyevin qalib gəlməsindən dörd il ötür. İstər son 4 il ərzində, istərsə də ümumiyyətlə 18 illik hakimiyyəti dönəmində Prezident İlham Əliyev ölkə üçün çox iş görüb. Bu danılmaz həqiqəti hansı siyasi mövqelərdə dayanmağımızdan asılı olmayaraq biz hamımız etiraf etməliyik.

Son 18 il ərzində İlham Əliyev Azərbaycanın iqtisadi inkişafı və regionun liider dövlətinə çevrilməsi istiqamətində həqiqətən də olduqca uğurlu və effektiv siyasət yürüdüb. Bu illər ərzində aparılan quruculuq işləri və əldə edilən uğurlu nəticələr barəsində çox geniş danışmaq olar. Lakin bu uğurların ən möhtəşəmi 30 il həsrətində olduğumuz Qarabağımıza, Şərqi Zəngəzurumuza yenidən qovuşmağımızdır.

Bu torpaqlar öz azadlığına, bizsə bu torpaqlara qovuşduq. Bu isə Şanlı Azərbaycan Ordusunun Müzəffər Ali Baş Komandanımızın rəhbərliyi altında 44 gün davam edən Vətən Müharibəsində göstərdiyi rəşadət nəticəsində mümkün oldu. Həmin günlərdə böyük təşkilatçılıq və sərkərdəlik məharəti göstərən İlham Əliyev məhz uğurlu komandanlığı sayəsində bir zamanlar Ulu Öndərin səsləndirdiyi uca həqiqəti - “Şuşasız Qarabağ, Qarabağsız Azərbaycan yoxdur” həqiqətini əməli olaraq təsdiqlədi, "Qarabağ Azərbaycandır!", "Əziz Şuşa, sən azadsan!" nidalarını qürurla və vüqarla bütün dünyaya bəyan etdi.

Mən son il yarım ərzində Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin təşkilatçılığı ilə həm Ağdamda, həm də Şuşada olmuşam, erməni vandalizminin ağır nəticələrinin aradan qaldırılması, işğaldan azad edilən ərazilərin bərpası və yenidən qurulması istiqamətində görülən işləri yaxından müşahidə etmişəm. Bu dəqiqə Qarabağda və Şərqi Zəngəzurda sürətli quruculuq işləri həyata keçirilir.

Bu işlərin miqyasını sözlə təsvir etmək, real təsəvvür yaratmaq mümkünsüzdür, əyani surətdə görmək lazımdır. Mən inanıram ki, biz tezliklə Qubadlımıza, Zəngilanımıza, Füzulimizə, Kəlbəcərimizə, Cəbrayılımıza, Laçınımıza, Xankəndimizə, Ağdamımıza, Şuşamıza köçəcəyik, məcburi köçkünlük həyatının acılarına həmişəlik son qoyacayıq. Prezident bunun üçün əlindən gələni edir.

İnşAllah Azərbaycan tezliklə Böyük Qayıdışa şahidlik edəcək. İşğalın nəticələri tamamilə aradan qaldırılacaq, Qarabağ və Şərqi Zəngəzur yenidən inşa edilərək Azərbaycanın ən baxımlı məkanlarından birinə çevriləcək, ölkəmiz yeni inkişaf mərhələsinə qədəm qoyacaq. Biz bu yolda Prezident İlham Əliyevə uğurlar diləyir, xalqımıza isə xoş günlər arzulayırıq!

Əlisahib Hüseynov,
Milli Həmrəylik Partiyasının sədri
İran səfirliyindən Azərbaycanı təhdid edən kanalla bağlı açıqlamaİran səfirliyi “Sepah_Pasdaran” teleqram kanalında Azərbaycanla bağlı yayılan videogörüntülərə münasibət bildirib.

Avrasiya.net "Report"a istinadən xəbər verir ki, səfirlikdən bununla bağlı araşdırma aparıldığı qeyd edilib.

Vurğulanıb ki, teleqram kanalının İslam İnqilabı Keşikçiləri Korpusu (SEPAH) ilə heç bir əlaqəsi yoxdur: "Hər halda belə məlumatlar İran, Azərbaycan, Türkiyə və Ermənistan arasında münasibətləri korlayır”.

Xatırladaq ki, “Sepah_Pasdaran” teleqram kanalında, mütəmadi olaraq, Azərbaycan və Türkiyənin ünvanına təhdidlər səsləndirilir. Erməni mənbələri də bu kanalı İslam İnqilabı Keşikçiləri Korpusunun rəsmi kanalı kimi təqdim edir.
Cavid Hüseynov
ADPU-nun mətbuat katibi
Bu gün Azərbaycan dünyada idman ölkəsi kimi tanınıb

Son illər ərzində Azərbaycan Respublikasının Prezident cənab İlham Əliyevin uğurla həyata keçirdiyi iqtisadi, siyasi, idarəçilik islahatları ölkənin həyatında yeni meyil və təşəbbüslərin əsasını qoymaqla yanaşı, Azərbaycanın beynəlxalq imicinin əhəmiyyətli dərəcədə yaxşılaşmasına təkan vermişdir.

Məhz buna görə bu gün Azərbaycan dünyada sürətlə inkişaf edən ölkə kimi tanınır və dünyada nadir ölkələrdəndir ki, öz taleyini özü həll edir, müəyyən edir, öz siyasətini müstəqil şəkildə aparır və istər döyüş meydanlarında, istər siyasi arenalarda qələbə qazanır.Azərbaycanın hərtərəfli inkişafı üçün idman potensialının güclənməsi çox böyük əhəmiyyət daşıyır. Çünki idman ictimai həyatın mühüm hissəsidir. Ölkəmizdə tikilən idman qurğuları, sosial infrastrukturun yenilənməsi bütün bunlar idmanın inkişafı üçün aparılan sosialyönümlü tədbirlərdir.
Hələ 1995-ci il martın 5-də Ümummilli lider Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis etdi. Bununla da ölkəmizdə bədən tərbiyəsi və idmanın inkişafında yeni strategiyanın təməli qoyuldu.

Azərbaycanda bütün sahələrdə olduğu kimi idman sahəsində də böyük uğurlar qazanılır. İdman siyasətinin düzgün müəyyən olunması sayəsində bu sahədə uğurlarımız ildən-ilə artır. Ölkəmiz artıq beynəlxalq səviyyədə idman tədbirlərinin keçirildiyi bir ölkəyə çevrilmişdir. Fərəh hissi ilə qeyd etmək lazımdır ki, bu gün Azərbaycan dünyada idman ölkəsi kimi tanınıb, beynəlxalq idman ailəsində layiqli yerini tutub. Bu barədə Ölkə rəhbəri cənab İlham Əliyev demişdir: ”Bu gün Azərbaycan dünyada idman ölkəsi kimi tanınır. Bizim idman sahəsində nəticələrimiz, uğurlarımız, qələbələrimiz, eyni zamanda idmana dövlət tərəfindən göstərilən dəstək, dövlət proqramlarının icrası, əlbətdə ki, beynəlxalq idman qurumları tərəfindən də yüksək qiymətləndirilir. Təsadüfi deyil ki, Beynəlxalq Olimpiya Komitəsi, Avropa Olimpiya Komitəsi, beynəlxalq federasiyalar bizim fəaliyyətimizə çox yüksək qiymət verirlər”.

Budapeştdə keçirilmiş Avropa çempionatında güləşçilərimiz bir daha xalqımızı sevindirmişlər, böyük qələbə ilə Vətənə qayıtmışlar. 16 medal qazanmış idmançılar bir daha Azərbaycanın idman şöhrətini yüksəklərə qaldırmışlar. Aprelin 8-də Azərbaycan Respublikasının Prezidenti cənab İlham Əliyev Macarıstanda keçirilmiş Güləş üzrə Avropa çempionatında iştirak edən Azərbaycan millisinin üzvlərini qəbul edərkən qeyd etmişdir: “Əminəm ki, böyüklər arasında keçirilmiş çempionatda bizim idmançılarımız da eyni fikirlə, eyni duyğu ilə yarışlara çıxırdılar və bu yüksək məsuliyyəti dərk edirdilər. Çünki doğrudan da, cəmi 44 gün ərzində böyük tarixi Qələbə qazanmış xalqı təmsil etmək həm böyük qürurdur, həm də böyük məsuliyyətdir. İdmanın inkişafı və idman nailiyyətləri təkcə ölkəmizi dünyada təbliğ etmir, gücümüzü göstərmir, eyni zamanda, cəmiyyətdə vətənpərvərlik hisslərini gücləndirir. Məhz vətənpərvərlik, Vətənə olan sədaqət, fədakarlıq bizi Qarabağın azad olunması uğrunda müharibədə irəliyə aparırdı”.

Bu gün Ölkə rəhbərliyinin göstərişi ilə azad olunmuş bütün şəhərlərin baş planları hazırlanmış, uzun illər işğal altında qalan yurd yerlərində həyatın bərpası, müasir infrastruktur layihələrin reallaşması üşün hazırlıq işləri görülür. Görülən işlər çərçivəsində azad olunmuş ərazilərdə idman sahəsin sürətli inkişafı üçün də layihələr hazırlanır. İstər idman, istər döyüş meydanında qazanılan bütün bu uğurlar Azərbaycanda əsası Ümummilli lider Heydər Əliyev tərəfindən qoyulmuş orduya, idmana, gənclərimizin sağlamlığına yüksək diqqət və qayğı siyasətinin Prezident İlham Əliyevin rəhbərliyi ilə uğurla davam və inkişaf etdirilməsi sayəsində əldə olunub. İdman sahəsində həyata keçirilən ardıcıl tədbirlər, idmançılara göstərilən diqqət, ölkəmizdə ən yüksək standartlara cavab verən mükəmməl idman infrastrukturu qarşıdakı illərdə daha böyük nailiyyətlərin qazanılacağına güclü zəmin formalaşdırır.
Azərbaycanda son sutkada 16 nəfər koronavirusa yoluxub, ölən olmayıbAzərbaycanda koronavirus (COVID-19) infeksiyasına 16 yeni yoluxma faktı qeydə alınıb, 19 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 0 nəfər vəfat edib.

İndiyədək ölkədə ümumilikdə 792 253 nəfərin koronavirus infeksiyasına yoluxması faktı müəyyən edilib, onlardan 782 351 nəfər müalicə olunaraq sağalıb, 9 703 nəfər vəfat edib. 199 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 2 624, bu günə qədər isə ümumilikdə 6 746 085 test icra olunub.
Pakistanın yeni Baş naziri məlum olduPakistanın yeni Baş nazirinin kimliyi məlum olub.

Bu gün ölkə parlamentində keçirilən səsvermədə Şahbaz Şərif Baş nazir postuna layiq görülüb. O, üçdə iki səs çoxluğu ilə Pakistanın 23-cü Baş naziri seçilib.

Qeyd edək ki, ölkənin ana müxalifət lideri olan Şahbaz Şərif Pakistan Müsəlman Liqasının sədridir. O, daha əvvəl iki dəfə Baş nazir vəzifəsində çalışmış Nəvaz Şərifin qardaşıdır.

Nəvaz Şərif "Panama Papers" işi üzrə rüşvət və korrupsiyada ittiham edildiyi üçün vəzifəsindən azad edilmiş və 2017-ci ildə Ali Məhkəmə tərəfindən dövlət orqanlarında çalışması qadağan olunmuşdu.
Ukraynada tutulan iş adamı: 15 ilimi verin, çıxım gedimBakı Ağır Cinayətlər Məhkəməsində Ukraynada tutularaq Azərbaycana gətirilən iş adamı Maqsud Mahmudovun barəsindəki cinayət işi üzrə məhkəmə prosesi davam etdirilib.

Avrasiya.net Trend-ə istinadən xəbər verir ki, hakim Faiq Qəniyevin sədrlik etdiyi prosesdə vəkil bildirib ki, o, mart ayında ekspertiza keçirilməsi ilə bağlı verdiyi vəsatət baxılmamış saxlanılıb. Vəkil xahiş edib ki, həmin vəsatətə baxılsın.

Hakim bildirib ki, indiki mərhələdə baxılması mümkün deyil. Sənədlərin tədqiqi mərhələsində vəsatətə baxılacaq.

Prosesdə Maqsud Mahmudov etiraz edib. O bildirib ki, vəsatətə baxılmır və proses uzadılır: "Niyə uzadırsınız? Əgər baxmaq istəmirsinizsə, 15 ilimi verin çıxım gedim".

Qeyd edək ki, M.Mahmudova Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) , 182.2.2 ( (təkrar hədə-qorxu ilə tələb etmə) və 183.2.2 (xüsusi dəyəri olan əşyaları talama - təkrar törədildikdə) maddələri ilə ittiham elan olunub. Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu ötən ilin iyul ayında Ukrayna ərazisində tutulub. O, sentyabrın 18-də Ukraynadan Azərbaycana gətirilərək istintaqa təhvil verilib.

İş üzrə 91 nəfər zərərçəkmiş tanınıb.
Yeni baş bankir kim olacaq? - DOSYEBu gün Milli Məclisin İqtisadi siyasət, sənaye və sahibkarlıq komitəsinin iclasında Elman Rüstəmovun Mərkəzi Bankın idarə Heyətinin üzvlüyündən azad edilməsi, Taleh Kazımovun isə Mərkəzi Bankın İdarə Heyətinin üzvü vəzifəsinə təyin edilməsi haqqında Azərbaycan Respublikası Prezidentinin təqdimatları müzakirə edilib.

Hər iki təqdimata müsbət rəy verən İqtisadi siyasət, sənaye və sahibkarlıq komitəsi onları Milli Məclisin plenar iclasında müzakirə üçün tövsiyə edib.

Mərkəzi Bankın İdarə Heyətinin üzvü vəzifəsinə namizəd olan Taleh Kazımovun dosyesini təqdim edirik:

T.Kazımov 11 sentyabr 1983-cü ildə anadan olub.

Azərbaycan Texniki Universitetinin “Avtomatika və hesablama texnikası” fakültəsinin bakalavr pilləsini bitirib, daha sonra Azərbaycan Dövlət Neft Akademiyasında MBA dərəcəsi və Georgia State University-də kommersiya üzrə dərəcə alıb.

2013 ildə T.Kazımov London Business School (Böyük Britaniya) və Harvard Business School (ABŞ) məzunu olub.

Peşəkar fəaliyyətə 2001-ci ildən başlayıb. 2004-cü ildən 2006-cı ilədək davam edən dövrdə “Bank Standard” QSC-də müxtəlif vəzifələrdə, o cümlədən Xəzinədarlıq departamentinin aparıcı mütəxəssisi, İdarəetmə uçotu və büdcə planlaşdırılması istiqamətinin rəhbəri, Korporativ kreditləşmə istiqamətinin direktor müavini vəzifələrində işləyib. 09.2006-cı ildən 01.2007-ci ilədək “Ernst & Young” şirkətində auditor vəzifəsini tutub. 01.2007-ci ildən 07.2007-ci ilədək “FinEko” İAA-nın Baş direktoru vəzifəsini tutub.

Taleh Kazımov 07.2007-ci ildən “PAŞA Bank”da Risklərin İdarəedilməsi Departamentinin meneceri vəzifəsində işləməyə başlayıb, 2009-ci ilin avqustundan isə Bankın Xəzinədarlıq Departamentinin direktoru vəzifəsini tutub.

7 dekabr 2011-ci ildən “PAŞA Bank”ın İdarə Heyətinin üzvü seçilib.

Korporativ və biznes-bankinq istiqamətləri, investisiya bloku, ticarət maliyyələşdirməsi, maliyyə institutları və kredit menecmenti sahələri onun kurasiyasında olub.

Elman Rüstəmovun gedişindən sonra Azərbaycanın baş bankiri postuna Taleh Kazımovun gətiriləcəyi gözlənilir.
Elman Rüstəmov Mərkəzi Bankın sədri vəzifəsindən çıxarılırBu gün Milli Məclisin İqtisadi siyasət, sənaye və sahibkarlıq komitəsinin iclasında Elman Rüstəmovun Mərkəzi Bankın İdarə Heyətinin üzvlüyündən azad edilməsi, Taleh Kazımovun isə Mərkəzi Bankın İdarə Heyətinin üzvü vəzifəsinə təyin edilməsi haqqında Azərbaycan Respublikası Prezidentinin təqdimatları müzakirə edilib.

Avrasiya.net xəbər verir ki, hər iki təqdimata müsbət rəy verən İqtisadi siyasət, sənaye və sahibkarlıq komitəsi onları Milli Məclisin Plenar İclasında müzakirə üçün tövsiyə edib.

Qeyd edək ki, E.Rüstəmov hazırda Mərkəzi Bankın İdarə Heyətinin üzvü və sədridir. O, İdarə Heyətinin üzvlüyündən azad edilməklə həm də MB sədrliyindən də azad olunacaq.
“Qaçqınkom”un tikdirdiyi evlər satışa çıxarılır - SİYAHIƏmək və Əhalinin Sosial Müdafiəsi Nazirliyi tərəfindən mənzillərin satışı və satışdan əldə olunan vəsaitdən istifadə Qaydası açıqlanıb.

Avrasiya.net-in xəbərinə görə, bu sənəd “Şəhid ailəsi statusu almış şəxslərin və müharibə ilə əlaqədar əlilliyi müəyyən edilmiş şəxslərin sosial-məişət şəraitinin yaxşılaşdırılması haqqında” Azərbaycan Respublikası Prezidentinin 2021-ci il 16 dekabr tarixli 1487 nömrəli Fərmanının 2.1-ci bəndinin icrasını təmin etmək məqsədilə hazırlanıb.

Sənəd Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin sifarişi əsasında Bakı şəhəri Sabunçu rayonunun Ramana qəsəbəsində, Qaradağ rayonunun Ümid qəsəbəsində, Binəqədi rayonunun Хocəsən qəsəbəsində, Abşeron, Lənkəran və Samux rayonlarında inşa edilmiş çoxmənzilli binalarda, həmçinin Bakı şəhəri Sabunçu rayonunun Kürdəxanı qəsəbəsində və Abşeron rayonunda inşası davam etdirilən çoxmənzilli binalarda yerləşən mənzillərin satışı və satışdan əldə olunan vəsaitdən istifadə qaydasını müəyyən edir.

Mənzillərin satışını Əmək və Əhalinin Sosial Müdafiəsi Nazirliyi həyata keçirəcək.

Fərmanın 4-cü hissəsinin tələbləri nəzərə alınmaqla, satışına yol verilən mənzillərin sayını Nazirlik müəyyən edir və bu barədə məlumatı özünün rəsmi internet saytında yerləşdirməklə ictimaiyyətə açıqlayır.
Hacıyevə 1 milyondan artıq rüşvət vermişəm – Şirkət rəhbəriBu gün Bakı Ağır Cinayətlər Məhkəməsində İmişli Rayon İcra Hakimiyyətinin (RİH) həbsdə olan sabiq başçısı Vilyam Hacıyevin cinayət işi üzrə məhkəmə iclasında şahidlər dindirilib.

Hakim Azər Paşayevin sədrliyi ilə keçirilən prosesdə şahid Şahin Nuriyev bildirib ki, 5 hektarlıq torpaq sahəsində tikinti işlərinin aparması üçün İmişli RİH-in əməkdaşı Cəmil Musayevə 5 min manat pul verib.

Şahid Əliağa Abdullayev isə İmişli rayonunda bələdiyyə sədri işləyini deyib. Onun sözlərinə görə, rayonda abadlıq işləri üçün V.Hacıyev ondan 2 min manat pul istəyib:

“İmkanım isə 1 000 manata çatdı”.

Şahid Tofiq Rüstəmov sahibkarlıqla məşğul olduğunu bildirib. O qeyd edib ki, vəfat edən atasının adına olan torpağı öz adına keçirmək üçün İmişli Rayon İcra Hakimiyyətinin hüquq şöbəsində çalışan İbrahim Zahidova 1 000 manat pul verib.

Daha sonra digər şahid Qulu İsmayılov ifadə verib. O, Kristal-2 MMC-nin icraçı direktoru olduğunu söyləyib:

"2013-cu ildə Vilyam Hacıyevdən əvvəlki icra başçısının vaxtında Qaragüvənli kəndində məktəb tikirdik. Sonra Vilyam Hacıyevin dövründə icra hakimiyyətinə çağırıldım və tikinti işlərinin davam etdirilməsini bildiridlər. Lakin məktəbin tikintisini davam etdirmək üçün ora ayrılan pulun 20 faizini verməli idim. Buna görə Vilaym Hacıyevə 251 min 330 manat rüşvət vermişəm. Daha sonra digər məktəbinin tikintisi yarımçıq olduğuna görə mənə tapşırldı. Şirkətin hesabına işi yekunlaşdırdım. İmişli rayonu Tərlan İsmayılov adına Cəfərli kənd 1 saylı tam orta məktəbinin tikintisi üçün isə 1 milyon 600 min manat vəsait ayrılmışdı. Həmin puldan 440 min manatı Vilyam Hacıyevə vermişəm. 2018-ci ildə beşmərtəbəli binanın tikintisi üçün isə 2 milyon 440 min manat pul köçürülmüşdü. Lakin həmin pulun 460 min manatını isə icra hakimiyyətinə verdim".

Prosesdə V.Hacıyevin sosial məsələlər üzrə müavini Hüseyn İbrahimov da dindirilib.

Onun sözlərinə görə, 2019-cu ildə 140 şəxsin adına olan kartlardan müəyyən məbləği çıxarıb İmişli RİH-in baş mühasibi Cəmil Musayevə verib:

"Həmin əmək haqqı kartı məndə olurdu. Təxminən içərisində 230 manat pul vardı. Vilyam Hacıyev deyirdi ki, pulları Cəmil Musayevə təqdim edək".

Məhkəmənin növbəti iclası aprelin 15-nə təyin edilib.