Xainlərin xisləti heç vaxt dəyişmir - MHP sədriKollektiv Təhlükəsizlik Müqaviləsi Təşkilatına (KTMT) üzv dövlətlərin onlayn formatda keçirilən bugünkü görüşündə Ermənistanın baş naziri Nikol Paşinyanın növbəti dəfə siyasi tərbiyəsizliyə yol verməsi, korazehinlik nümayiş etdirməsi bütövlükdə Ermənistan adına növbəti biabırçılıqdır. Onun sözügedən onlayn toplantıda Rusiya prezidenti Vladimir Putinin Qazaxıstandakı olaylarda Qərb faktoruna işarə edərək, “rəngli inqilab"ların qarşısını almaq üçün KTMT üzvləri arasında əməkdaşlığı gücləndirməyin vacibliyini vurğulamasını yanlış anlaması və Qazaxıstandakı son olaylarla İkinci Qarabağ müharibəsi arasında paralel apararaq, hər iki situasiyada "xarici terrorist" amilinin mövcudluğunu iddia etməsi eyni zamanda bu adamın xəstə təfəkkürünün göstəricisidir.

Aradan bir ildən də çox vaxt keçməsinə baxmayaraq Nikol Paşinyan hələ də 44 günlük müharibədəki məğlubiyyətinin psixoloji travması ilə yaşayır. Məhz bu səbəbdən o, KTMT-nın bugünkü sammitində müharibə zamanı Ermənistanın "propaqanda maşını"nın guya "Dağlıq Qarabağa 44 günlük müharibədə kənardan terrorçuların gətirilməsi" barədə tirajladığı ağ yalanı həyasızcasına təkrarlamaqdan utanmadı. Belə ki, Ermənistanın baş naziri bildirdi ki, “Qazaxıstanda olduğu kimi Dağlıq Qarabağda 44 günlük müharibədə kənardan terrorçular gətirilmişdi. Biz beynəlxalq terrorçularla üz-üzə qalmışdıq. Kollektiv Təhlükəsizlik Müqaviləsi Təşkilatına üzv dövlətləri yeni təhlükələrlə üz-üzə qala bilər”.

Paşinyanın bu ağ yalanı sözügedən sammitdə səsləndirməsi bir tərəfdən fürsətçilikdirsə, digər yandan isə növbəti dəfə Azərbaycan və Türkiyəni qaralamaq cəhdidir. Eyni zamanda o, bununla bəri başdan KTMT-nın (konkret olaraq Rusiyanın) qarşısında şərt qoyur ki, gələcəkdə Ermənistanın Azərbaycana qarşı törədəcəyi növbəti təxribatlar zamanı bu hərbi alyansdan dəstək ala bilsin. Zatən Ermənistan kimi terrorçu, təxribatçı bir dövlət üçün və Paşinyan kimi avantürist bir hökumət başçısı üçün KTMT-nı Azərbaycana qarşı istifadə etməkdən ötrü təxribat törətmək, silahlı toqquşmalara rəvac vermək heç də çətin deyil.

Çox güman ki, Ermənistan nə vaxtsa belə bir "kart"dan yararlanmağa çalışacaq. Hər halda bugünkü sammitdəki məlum açıqlaması ilə Ermənistan hökumətinin səbatsız başçısı gələcəkdə bu istiqamətdə hərəkətə keçə biləcəyinin təməlini qoydu və anonsunu verdi. Onun bu hərəkəti həm də Rusiya liderinə yarınmaq cəhdi kimi qiymətləndirilməlidir. Ermənilər tarix boyu belə olublar. Onlar hər fürsətdə böyük güclərə yarınıb, bizi hədəf göstəriblər, bizi satıblar və başqasının əli ilə bizi vurmağa çalışıblar. İndi də bu adam KTMT-nın dönəm sədri olması imkanından maksimum yararlanmağa çalışmaqla bizi bu qurumun hədəfinə gətirməyi düşünür. Xainlərin xisləti heç vaxt dəyişmir.

Əlisahib Hüseynov,
Milli Həmrəylik Partiyasının sədri
Dünyanın müsəlman gəncləri Pakistana toplaşırPakistanda Müsəlman Dünyası İslam Gəncləri Baş Assambleyasının forumu keçiriləcək.

Bu barədə İslam Gənclər Təşkilatının prezidenti Hamad Kakar məlumat verib.

O, qeyd edib ki, bu tarixdə ilk forum olacaq. Foruma İslam Gənclərinin Baş Assambleyası, İslam Gəncləri Assambleyası gənc liderləri, millət vəkilləri və beynəlxalq gənclər təşkilatlarının rəhbərləri qatılacaq.

Bir sıra məsələlər, xüsusilə Əfqanıstandakı gənclərin vəziyyəti müzakirə olunacaq. Gündəlikdə dünyada artan İslam fobiyasına qarşı strategiya qurmaq, Kəşmirdə Hindistan zülmü və barbarlığına və İsrailin Fələstini qeyri-qanuni işğalına qarşı səsini ucaltmaq kimi məsələlər də yer alacaq: “Forumun məqsədi müsəlman gəncləri üçün çətin anlarda bir yerdə olduğumuzu ictimailəşdirməkdir”.

Qeyd edək ki, forum fevral ayında 4 gün Pakistanın Qvetta şəhərində keçiriləcək.

Mahir Emreli "Legiya"nı məhkəməyə veribAzərbaycan millisinin futbolçusu Mahir Emreli Polşa "Legiya"sını məhkəməyə verib.

"Report" xarici KİV-ə istinadən xəbər verir ki, 25 yaşlı hücumçu Varşava təmilçisinin ona olan borcuna görə bu addımı atıb.

Forvard paytaxt klubundan həm məvacibinin qalan hissəsini, həm də müqaviləsinə xitam verilməsini tələb edir.

Qeyd edək ki, "Legiya"dan ayrılmaq istəyən Mahir Emreli komandanın təlim-məşq toplanışına qoşulmayıb. ABŞ-dan hüquqşünas tapan hücumçu müqaviləsinin qarşılıqlı razılıq əsasında pozulmasına kömək istəyib. O, belə bir addımı atmasında "Legiya"nı günahlandırıb. Forvard azarkeşlərin məlum hücumu nəticəsində psixoloji zərbə aldığını deyərək, avtobus insidentindən sonra Varşava komandasında çıxışını davam etdirməsini qeyri-mümkün sayıb.
Qazaxıstanda universitet rektorunun oğlu avtomobilində öldürüldüQazaxıstan Milli Universitetinin rektoru Janseyit Tuymebayevin oğlu Almatıda etiraz aksiyaları zamanı öldürülüb.

Avrasiya.net xəbər verir ki, bu barədə “Qazaxıstan Teleqraf Agentliyi” məlumat yayıb.

Bildirilir ki, gənc öz avtomobilində güllələnib.

“Əl-Farabi” adına Qazax Milli Universiteti rektorun oğlunun güllə yarasından öldüyünü təsdiqləyib”, - deyə məlumatda bildirilir.
Kamran Ağayev karyerasını bitirirKamran Ağayev karyerasını bitirirKamran Ağayev
Azərbaycan millisinin sabiq qapıçısı Kamran Ağayev karyerasını bitirmək istəyi ilə "Səbail" klubuna müraciət edib.

Bu barədə "Report"a paytaxt təmsilçisinin baş məşqçisi Aftandil Hacıyev məlumat verib.

Onun sözlərinə görə, 36 yaşlı qolkiper qapıçılarla iş üzrə məşqçi Fərhad Vəliyev vasitəsi ilə xəbər göndərib: "Özüm Kamranla görüşməmişəm. Bu gün axşam məşqində onunla bu barədə danışacağam".

Qeyd edək ki, Kamran Ağayev 2020-ci ilin avqustunda "dənizçilər"lə müqavilə imzalayıb. Təcrübəli oyunçu 2008 - 2018-ci illərdə Azərbaycan yığmasının formasını geyinib.
Prezident daha bir səfiri qəbul etdiPrezident İlham Əliyev yanvarın 10-da Koreya Respublikasının Azərbaycana yeni təyin olunan fövqəladə və səlahiyyətli səfiri Li In-Yonqun etimadnaməsini qəbul edib.

Avrasiya.net xəbər verir ki, səfir Li İn-Yonq etimadnaməsini Prezident İlham Əliyevə təqdim edib.

Sonra Azərbaycan Prezidenti İlham Əliyev səfirlə söhbət edib.

Prezident İlham Əliyev iki ölkə arasında əlaqələrin möhkəm təməllər üzərində qurulduğunu bildirərək, müstəqillik illərində münasibətlərimizin çox uğurla inkişaf etdiyini vurğulayıb. Dövlət başçısı Azərbaycanla Koreya Respublikası arasında uzun illər müxtəlif sahələrdə fəal əməkdaşlığın həyata keçirildiyini bildirib, siyasi əlaqələrin inkişafından məmnunluğunu ifadə edib. Bu baxımdan Koreyanın yüksək səviyyəli rəsmilərinin Azərbaycana səfərlərinin münasibətlərimizin inkişafına töhfə verdiyini bildirib. Prezident İlham Əliyev iqtisadi sahədə əməkdaşlığa toxunaraq, Koreyanın bir çox şirkətinin ölkəmizdə müxtəlif sahələrdə, o cümlədən infrasktrur və inşaat layihələrində uğurla iştirak etdiklərini vurğulayıb. Dövlət başçısı birgə investisiya sahələrinin, ixrac-idxal əməliyyatlarının artırılmasının, insanlar arasında təmasların genişlənmədirilməsinin əhəmiyyətinə toxunub. Prezident İlham Əliyev əlaqələrimizin bundan sonra da inkişaf edəcəyinə əminliyini ifadə edib.

Səfir Li İn-Yonq son 30 il ərzində Azərbaycan Respublikası ilə Koreya Respublikası arasında əlaqələrin inkişaf etdiyini vurğluyaraq, iqtisadi əməkdaşlığın və insanlar arasında əlaqələrin ölkələrimizin potensialına uyğun olaraq daha da möhkəmləndirilməsinin vacibliyini bildirib və səfir fəaliyyəti dövründə bu istiqamətdə səylərini əsirgəməyəcini qeyd edib.

Görüşdə Azərbaycanın işğaldan azad olunmuş ərazilərində həyata keçirilən bərpa və yenidənqurma işlərində Koreya şirkətlərinin mümkün iştirakı ilə bağlı fikir mübadiləsi aparılıb.
Vüqar Səfərli bəraət istəyirLəğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) həbsdə olan sabiq icraçı direktoru Vüqar Səfərli Bakı Ağır Cinayətlər Məhkəməsinin hökmündən apelyasiya şikayəti verib.

Avrasiya.net xəbər verir ki, şikayət Bakı Apelyasiya Məhkəməsinə təqdim edilib.

Apelyasiya şikayətində Vüqar Səfərliyə bəraət hökmünün çıxarılmasını və əmlakları üzərinə qoyulan həbsin götürülməsi istənilib.

Cinayət işi üzrə eyni ittihamla təqsirli bilinərək 6 il azadlıqdan məhrum edilmiş Nadir Məmmədov da hökmdən apelyasiya şikayəti verib.

Qeyd edək ki, Bakı Ağır Cinayətlər Məhkəməsinin qəbul etdiyi hökmə əsasən, Vüqar Səfərli 10 il 6 ay, onunla birlikdə saxlanılan Nadir Məmmədov 6 il müddətinə azadlıqdan məhrum edilib.

Cinayət işi üzrə digər təqsirləndirilənlər - Bünyamin İsmayılov, Ədalət Vəliyev, Namiq Hacıyev, Bəxtiyar Fətullayev, Təmkin Xəlilov, Telman Tahirov, Valeh Orucov, Şahin İbrahimov və Təhminə Yaqubovaya sınaq müddəti seçilməklə şərti cəza verilib.

Xatırladaq ki, ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun vəzifəli şəxslərinin qanunsuz əməllərinə dair Korrupsiyaya qarşı Mübarizə Baş İdarəsində aparılmış istintaq tədbirləri ilə Fondun sabiq icraçı direktoru Vüqar Səfərlinin müvafiq vəzifələrdə çalışmış Bünyamin İsmayılov, Ədalət Vəliyev, Nadir Məmmədov və digər 7 nəfər şəxslə qabaqcadan əlbir olub vəzifə səlahiyyətlərindən sui-istifadə edərək dövlət satınalmalarına dair qanunvericiliyin tələblərinin pozulması, dövlət vəsaitlərinin təyinatı üzrə istifadə edilməməsi, tikinti normalarına əməl olunmamaqla iş həcmləri və qiymətlərinin şişirdilməsi yolu ilə dövlətə məxsus ümumilikdə 18 milyon 500 min manat məbləğində pul vəsaitinin mənimsəmə və israf etmə yolu ilə talanmasına, rəsmi sənədlərə bilə-bilə yalan məlumatlar daxil etməklə vəzifə saxtakarlığı törədilməsinə, habelə cinayət yolu ilə əldə edilmiş 5 milyon 700 min manat pul vəsaitinin leqallaşdırmasına əsaslı şübhələr müəyyən edilib.

Toplanmış sübutlar əsasında Vüqar Səfərli və digərlərinə müvafiq olaraq Cinayət Məcəlləsinin 179.4 (mənimsəmə-xüsusilə külli miqdarda ziyan vurmaqla törədildikdə), 193-1.3.2 (cinayət yolu ilə əldə edilmiş pul vəsaitlərini leqallaşdırma-külli miqdarda törədildikdə), 308.2 (vəzifə səlahiyyətlərindən sui-istifadə etmə-ağır nəticələrə səbəb olduqda), 313 (vəzifə saxtakarlığı) və digər maddələri ilə ittiham elan edilib, Vüqar Səfərli və Nadir Məmmədov barəsində məhkəmənin qərarı ilə həbs, digər şəxslər barəsində isə polisin nəzarəti altına vermə qətimkan tədbiri seçilib.

İbtidai istintaq zamanı cinayətin törədilməsi nəticəsində vurulmuş maddi ziyanın bir hissəsinin ödənilməsi təmin edilmiş, habelə təqsirləndirilən şəxslərə məxsus olan daşınarə daşınmaz əmlak və bank əmanətlərinin üzərinə həbs qoyulub.

Cinayət işi üzrə Medianın İnkişafı Agentliyi (MEDİA) zərərçəkmiş qismində tanınıb.

Nöqsanlara görə 5 prokuror işdən çıxarılıb - 30 nəfərə töhmət verilibÖtən il xidməti fəaliyyətində yol verdikləri nöqsanlara görə 52 prokurorluq əməkdaşı intizam məsuliyyətinə cəlb edilib.

Avrasiya.net-in xəbərinə görə, bu barədə ötən ilin yekunları ilə bağlı Baş Prokurorluqda keçirilən əməliyyat müşavirəsində deyilib.

Bildirilib ki, onlardan 2-si prokurorluq orqanlarından xaric edilib, 5 nəfər vəzifədən azad edilib, 30 nəfərə töhmət və ya şiddətli töhmət, 15 nəfərə isə irad intizam tənbehi tədbiri tətbiq edilib.
2 yaşlı Məhəmmədi oğurlayanlar - FotoXəbər verdiyimiz kimi, 10 gündür oğurlanan 2 yaşlı Məhəmməd Elgün oğlu Şıxəliyev tapılıb. Onu oğurlamaqda şübhəli bilinən Gültəkin Muradova və Şamil Əliyev saxlanılıblar.

Bəs onlar 2 yaşlı Məhəmmədi hansı məqsədlə oğurlamışdılar?

Məsələ ilə bağlı Daxili İşlər Nazirliyinin (DİN) KİV və ictimaiyyətlə əlaqələr şöbəsinin rəisi Elşad Hacıyev bildirilib ki, hazırda məsələ ilə bağlı istintaq hərəkətləri aparılır:

“Nəticəsi barədə ictimaiyyətə məlumat veriləcək”.

Qeyd edək ki, uşağın tapılması üçün Sabunçu Rayon Polis İdarəsi və 12-ci Polis Şöbəsinin əməkdaşları tərəfindən əməliyyat həyata keçirilib.

İntensiv əməliyyat-axtarış tədbiri nəticəsində 2021-ci il dekabrın 29-da Sabunçu qəsəbəsində oğurlanan 2 yaşlı Məhəmməd Elgün oğlu Şıxəliyev tapılıb.

Onu oğurlamaqda şübhəli bilinən Gültəkin Muradova və Şamil Əliyev saxlanılıblar.
101 milyon manatlıq əmlakın üzərinə həbs qoyuldu2021-ci ildə korrupsiya hüquqpozmasına yol verən 492 şəxs barəsində 301 cinayət işinin istintaqı tamamlanaraq baxılması üçün məhkəmələrə göndərilib.

Avrasiya.net xəbər verir ki, bu barədə Baş Prokurorluqda keçiirlən əməliyyat müşavirəsində bildirilib.

Qeyd edilib ki, 39 milyon 224 min manat məbləğində ziyanın ödənilməsi təmin edilib, həmçinin 101 milyon 373 min manat dəyərində əmlak üzərinə həbs qoyulub, eləcə də cinayət məsuliyyətindən azad olunmuş şəxslər tərəfindən mövcud qanunvericiliyin tələbinə uyğun olaraq dövlət büdcəsinə əlavə olaraq 2 milyon 195 min manat məbləğində pul vəsaitinin ödənilməsi təmin olunub.