DGKA-nın kollektivi şəhid ailələrini ziyarət edib

Dövlət Gömrük Komitəsinin Akademiyasının (DGKA) kollektivi Ramazan və Novruz bayramları münasibətilə şəhid ailələrini və Akademiyanın dünyasını dəyişmiş əməkdaşının ailəsini ziyarət ediblər. Akademiyanın rəhbərliyi və əməkdaşları 44 günlük Vətən müharibəsi şəhidləri- Rəşad Quliyev, Elçin Mansurov, Tural Əsgərli, Əliağa Məmmədov, Ülvi Hüseynov, Həsənağa Abdullazadə, I Qarabağ müharibəsi şəhidi Veysəl Qasımov və Akademiyanın vəfat edən əməkdaşı İsrafil İsmayılovun ailələri ilə görüşərək onların bayramlarını təbrik ediblər.

Şəhid ailələri ilə görüşlərdə Akademiyanın rəisi, gömrük xidməti general-mayoru Qulu Novruzov və əməkdaşlar şəhidlərin xatirəsinin daim uca tutulacağını, şəhid ailələrə göstərilən qayğının davam edəcəyini və Zəfərimizin gələcək nəsillər üçün örnək olduğunu vurğulayıblar.

Cənnətdəki bayramınız mübarək, qəhrəman şəhidlərimiz!