Aqil Məmmədov seçicilərlə görüş keçirdi - Goranboyda
123 saylı Kəlbəcər seçki dairəsindən namizədliyi Yeni Azərbaycan Partiyası tərəfindən irəli sürülmüş Məmmədov Aqil Sadiq oğlu növbəti təbliğat kompaniyasını Goranboy rayon ərazisində davam etdirmişdir.
Aqil Məmmədov kəlbəcərli məcburi köçkünlərin sıx məskunlaşdığı Goranboy rayon Veyisli qəsəbəsində, Goranboy rayonda yerləşən yeni məcburi köçkün qəsəbəsində, Qaraçinar və Böyrü kəndlərində məskunlaşan məcburi köçkünlərlə görüşmüşdür. Görüşdə çıxış edən Aqil Məmmədov seçkilərə Yeni Azərbaycan Partiyasının "Daha güclü Azərbaycan naminə" şüarı ilə qoşulduğunu bildirərək deyib ki, millət vəkili seçilərsə kəlbəcərlilərin haqq səsi olacağını, daima onların yanında olub onlar üçün çalışacağını, ölkəmizin inkişafı üçün var gücü ilə xidmət edəcəyini qeyd etmişdir.
Görüşdə iştirak edən sakinlər çıxış edərək, Parlament seçkilərində fəal iştirak edəcəklərini, birmənalı olaraq Yeni Azərbaycan Partiyasının namizədini dəstəkləyəcəklərini ifadə ediblər.
