Altun: HDP PKK-nın siyasi kuklasıdır!
HDP PKK deməkdir. HDP PKK-dan aldığı əmrlə hərəkət edən siyasi kukladır.
Axar.az xəbər verir ki, bu sözləri Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun paylaşımında yazıb.
“Burada gur səslə hayqırırıq: HDP elə PKK deməkdir. HDP PKK-dan aldığı təlimatlarla hərəkət edən siyasi kukladır. Bu həqiqətin bu gün bir daha şahidi olduq. HDP ilə olan ittifaqlarına xələl gəlməsin deyə PKK-nın adını çəkməyənləri (CHP nəzərdə tutulur – red.) də gördük”, - deyə bildirilib.
Qeyd edək ki, İraqın Qara bölgəsində 13 türk vətəndaşı PKK tərəfindən vəhşicəsində qətlə yetirilib. CHP-nin bununla bağlı verdiyi başsağlığı mesajında PKK-nın adını hallandırmaması diqqətdən yayınmayıb. HDP-yə gəldikdə isə bu siyasi təşkilatın terrorizmi açıq-aşkar dəstəklədiyi artıq heç kəsə sirr deyil.
