İran və ABŞ arasında yeni insident - Pentaqon qırıcıları sərnişin təyyarəsinə hücum çəkdi (VIDEO)

İki amerikan qırıcı təyyarəsi İran sərnişin təyyarəsinin yaxınlığında təhlükəli və aqressiv manevrlər apararaq, təyyarədə olan onlarla mülki şəxsin həyatını təhlükəyə atıb.

Avropa xəbər verir ki, Mehr agentliyinin məlumatına görə, hadisə cümə axşamı günü iki qırıcının və Tehrandan çıxaraq Livan paytaxtına doğru gedən Mahan Air 1152 təyyarəsinin iştirakı ilə baş verib. İran təyyarəsi dayanmayıb, Beyruta uçuşunu davam etdirib və Livan paytaxtına etibarlı şəkildə enib.

IRIB News Amerika qırıcılarının manevrlərini, İran sərnişin təyyarəsinin pilotunu birdən-birə sərnişinə xəsarət yetirməsi ilə nəticələnən "təxribatçı və təhlükəli" bir hərəkət kimi izah edib.

ABŞ Mərkəzi Komandanlığı bir F-15 qırıcısının hərbi bazada "koalisiya personalının təhlükəsizliyi üçün beynəlxalq standartlara uyğun olaraq" İran təyyarəsini "vizual yoxlama"dan keçirdiyini söylədi. Komandanlıq, Amerikanın F-15 təyyarəsinin Suriyada "müntəzəm hava missiyası" apardığını və "Mahan Air" sərnişin təyyarəsini təxminən 1000 metr təhlükəsiz bir məsafədə müntəzəm olaraq vizual müayinə etdiyini iddia edib.

İran Xarici İşlər Nazirliyinin sözçüsü Abbas Musavi hadisənin "araşdırıldığını" deyib: "Məlumat alındıqdan sonra müvafiq siyasi və hüquqi tədbirlər görülməlidir."