Oqtay Gülalıyevin oğlu qəzaya düşdü
Dərc olunub:
26-05-2021, 00:40
Hüquq müdafiəçisi Oqtay Gülalıyevin oğlu Təbriz Gülalıyev qəzaya düşüb.
Avrasiya.net Unikal.org-a istinadən xəbər verir ki, o, avtomobilin sükanı arxasında olub və qarşıdan gələn avtomobillə toqquşub.
"Qarşıdan gələn avtomobil məhdudlaşdırıcı xətti keçdi və biz toqquşduq", - Gülalıyev bildirib.
Məlumata görə, onun burnu sınıb, kəllə-beyin xəsarəti alıb. Həkimin sözlərinə görə, başın sol tərəfində şişkinlik müşahidə olunur. Diz nahiyəsi zədələnib. Vəziyyəti orta ağırdır.
Təbriz Gülalıyev Bakı Sağlamlıq Mərkəzinə gətirilib.
