Maas Blinkenə məlumat verdi
Dərc olunub:
25-05-2021, 02:00
ABŞ Dövlət katibi Entoni Blinken və Almaniya xarici işlər naziri Hayko Maas arasında telefon danışığı baş tutub.
Avrasiya.net xəbər verir ki, bu barədə Almaniya XİN-nin məlumatında deyilir.
Rəsmilər Yaxın Şərqdəki vəziyyət və Minskdə “Ryanair”ə məxsus sərnişin təyyarəsi ilə bağlı baş vermiş insidenti müzakirə ediblər.
Maas ötən həftə İsrail və Fələstin tərəfi ilə apardığı danışıqlar barədə Blinkenə məlumat verib.
“Əsas hədəf – atəşkəsin və uzunvədəli həll yolunun sabitləşməsi... Həmçinin “Ryanair” insidenti ilə bağlı verilən reaksiyaların yaxından koordinasiya edilməsi barədə razılığa gəlindi”, - deyə bildirilib.
