Azərbaycanlı avtoritetin qətli üçün 1.5 milyon ödənilib“Albert Rıjiy” ləqəbli “qanuni oğru” Əli Heydərovu öldürməkdə şübhəli bilinən Mətləb Sultanovun bunu pul müqəbilində etdiyi məlum olub.

Avrasiya.net Oxu.az-a istinadən xəbər verir ki, bu barədə Rusiyanın Ren TV kanalı məlumat yayıb.

Saxlanılan vaxt açıqlama verən M.Sultanov “Albert Rıjiy”ni sifariş əsasında öldürmədiyini bildirib. O, qətli törətməyin ilkin səbəbi kimi kriminal avtoritetin ona söyüş söyməsini göstərib.

Lakin telekanalın verdiyi məlumata əsasən, Əli Heydərovun qətli üçün Mətləbə 1.5 milyon rubl (təxminən 34 min manat) verilib. O, bu vəsaitlə Albertin yaşadığı “Al yelkənlər” yaşayış kompleksində mənzil kirayələyib, özü və rəfiqəsini binadakı idman zalına yazdırıb. Həmçinin, qatil cinayətdən sonra gizlənmək üçün ehtiyat mənzil də kirayələyib və elə həmin mənzildə də saxlanılıb.

“112” “Teleqram” kanalının məlumatına görə, qatil mərhumu bir il ərzində izləyib və şifarişçilərdən əmr gözləyərək uyğun anı seçib.

O, bu müddət ərzində şəxsi həyatına da vaxt ayırmağı unutmayıb. Belə ki, Əli Heydərovla eyni binada qalan Mətləb həmin mənzildə yaxın münasibətlərdə olduğu xanımla birlikdə yaşayıb. Qadın Sultanovun əslində kim olduğunu bilməyib. Mətləb özünü ona iş adamı kimi təqdim edib. Hazırda xanımın hamilə olduğu bildirilib.
Bizim münasibətlər zamanın sınağından çıxıb - PrezidentAleksandr Qriqoryeviç, Sizi Azərbaycanda bir daha səmimi qəlbdən salamlayıram. Sizin səfəriniz ölkələrimiz arasında dostluq münasibətlərinin daha da inkişaf etməsi üçün çox böyük əhəmiyyətə malikdir. Səfər dünən başlanıb. Dünən biz ətraflı söhbət apardıq, ikitərəfli gündəliyə aid praktiki olaraq bütün məsələləri, habelə regional problemləri müzakirə etdik. Mən Dağlıq Qarabağ münaqişəsi həll ediləndən sonra yaranmış vəziyyət barədə Aleksandr Qriqoryeviçi məlumatlandırdım. Müzakirə etdiyimiz bütün məsələlər barədə tam qarşılıqlı anlaşma var.

Avrasiya.net xəbər verir ki, bu sözləri Azərbaycan Respublikasının Prezidenti İlham Əliyev Belarus Respublikasının Prezidenti Aleksandr Lukaşenko ilə mətbuata bəyanatla çıxış edərkən deyib.

“Bu gün danışıqlar davam etdi. Biz xarici işlər nazirlərinin, habelə nümayəndə heyətlərinin üzvlərinin iştirakı ilə geniş tərkibdə ətraflı söhbət apardıq. Bizim münasibətlərimiz artıq zamanın sınağından çıxıb. Bu münasibətlərin çox yaxşı tarixi var. Biz qarşılıqlı əlaqələrimizin bütün dövründə həmişə münasibətlərimizin inkişafı ilə bağlı məsələləri həll etmişik. Bizim aramızda heç vaxt həll edilməmiş və ya hansısa operativ müdaxilə tələb edən məsələlər olmayıb. Biz hədəflərimizi çox dəqiq müəyyən etmişik, icraçılara konkret tapşırıqlar vermişik və qarşıya qoyulmuş məsələlərin reallaşdırılmasına nəzarət etmişik. Bundan ötrü müntəzəm görüşlər keçirmişik və keçiririk. Mən dəfələrlə Belarusa, Aleksandr Qriqoryeviç isə Azərbaycana səfər edib. Bizim görüşlərimiz müntəzəm xarakter daşıyır və yenə də belə olacaq. Pandemiya ilə əlaqədar bir qədər fasilə yaranıb, lakin vəziyyət imkan verən kimi biz Aleksandr Qriqoryeviçi salamlamağa çox şadıq və Azərbaycana səfər etməsi barədə dəvətimizi qəbul etdiyi üçün ona təşəkkürümü bildirmək istərdim.

Siyasi baxımdan müntəzəm surətdə həm dövlət başçıları, həm də xarici siyasət idarələrinin başçıları səviyyəsində məsləhətləşmələr aparılır. Biz fəal əməkdaşlıq edirik, beynəlxalq strukturlarda bir-birimizi dəstəkləyirik və gələcəkdə də belə edəcəyik”, - İlham Əliyev bildirib.
Dövlət başçısı: "Qarabağın bərpası layihələrində üç dost ölkədən olan şirkətlər artıq işləyirlər""Bu ilin birinci rübündə xam neftin çatdırılması daha böyük həcmdə davam edib və düşünürəm ki, keçənilki həcmi əhəmiyyətli dərəcədə üstələyəcəyik. Marşrut artıq testlənib, layihə qarşılıqlı faydalıdır. Təbii ki, biz bu sahədə əməkdaşlığı genişləndirmək, məhz energetika sahəsində əməkdaşlığın genişləndirilməsi məsələlərini nəzərdən keçirmək niyyətindəyik, yəni Belarusun neftayırma zavodlarına təkcə xam neft çatdırmaqla kifayətlənməyəcəyik".

"Report" xəbər verir ki, bu sözləri Azərbaycan Respublikasının Prezidenti İlham Əliyev Belarus Respublikasının Prezidenti Aleksandr Lukaşenko ilə mətbuata bəyanatla çıxış edərkən deyib.

Azərbaycan Prezidenti bildirib:

"Biz Qarabağda işğaldan azad olunmuş ərazilərin bərpasında bir sıra istiqamətlər üzrə - həm şəhərsalma, həm infrastrukturun yaradılması, kənd təsərrüfatının inkişafı sahələrində Belarus şirkətlərinin gələcək iştirakı ilə bağlı məsələləri ətraflı müzakirə etdik. Biz dünən də, bu gün də Belarusun aqroşəhərciklər yaradılması sahəsində təcrübəsini geniş müzakirə etdik. Mən Aleksandr Qriqoryeviçə məlumat verdim ki, Qarabağ “yaşıl enerji” zonası elan edilib və birinci “ağıllı kənd” layihəsi praktiki olaraq həyata keçirilməyə hazırdır. Əlbəttə, bu sahədə Belarusun təcrübəsi nəzərə alınmaqla bu istiqamətdə işləmək çox maraqlı olardı. Mən daha sonra dedim ki, biz ərazilərin bərpası işlərinə yalnız dost ölkələrdən olan şirkətləri cəlb edəcəyik. Belarus da Azərbaycan üçün belə ölkədir. Qarabağın bərpası layihələrində üç dost ölkədən olan şirkətlər artıq işləyirlər. Ümidvarıq ki, dördüncü ölkə Belarus olacaq. Biz bu sahədə məsləhətləşmələri davam etdirmək üçün Azərbaycan hökumətinin üzvlərinin Belarusa səfərləri barədə artıq razılıq əldə etmişik.

Sənaye kooperasiyası bizim münasibətlərin çox böyük seqmentidir. Hökumətlərarası komissiyanın həmsədrləri layihələrin uğurla həyata keçirilməsi barədə bizə məruzə ediblər. Aleksandr Qriqoryeviç ilə biz bu layihəni Belarus traktorlarının yığılmasından başladıq, sonra başqa istehsalatlara –avtomobillər, yük maşınları, kombaynlar, avtobuslar və bizim “Yaşıl Qarabağ zonası” konsepsiyası çərçivəsində işimizə çox yarayacaq elektrobuslar istehsalını da nəzərdə tuturuq. Alternativ enerji mənbələri yaradılmasında Belarus şirkətlərinin iştirakı ilə bağlı məsələləri də müzakirə etdik. Bir sözlə, görüləsi işlər çoxdur. Mən bu gün də, dünən də qonaqlara dedim ki, erməni işğalından azad edilmiş ərazilərin sahəsi Lüksemburqdan dörd dəfə böyükdür. İşin həcmini təsəvvür edə bilərsiniz. Bu ərazidə hər şey dağıdılıb".
Azərbaycan Prezidenti: "Zəngəzur dəhlizi reallığa çevrilir""Aleksandr Qriqoryeviç, Sizi Azərbaycanda bir daha səmimi qəlbdən salamlayıram. Sizin səfəriniz ölkələrimiz arasında dostluq münasibətlərinin daha da inkişaf etməsi üçün çox böyük əhəmiyyətə malikdir. Səfər dünən başlanıb. Dünən biz ətraflı söhbət apardıq, ikitərəfli gündəliyə aid praktiki olaraq bütün məsələləri, habelə regional problemləri müzakirə etdik. Mən Dağlıq Qarabağ münaqişəsi həll ediləndən sonra yaranmış vəziyyət barədə Aleksandr Qriqoryeviçi məlumatlandırdım. Müzakirə etdiyimiz bütün məsələlər barədə tam qarşılıqlı anlaşma var".

"Report" xəbər verir ki, bu sözləri Azərbaycan Respublikasının Prezidenti İlham Əliyev Belarus Respublikasının Prezidenti Aleksandr Lukaşenko ilə mətbuata bəyanatla çıxış edərkən deyib.

Azərbaycan Prezidenti bildirib:

"Bu gün danışıqlar davam etdi. Biz xarici işlər nazirlərinin, habelə nümayəndə heyətlərinin üzvlərinin iştirakı ilə geniş tərkibdə ətraflı söhbət apardıq. Bizim münasibətlərimiz artıq zamanın sınağından çıxıb. Bu münasibətlərin çox yaxşı tarixi var. Biz qarşılıqlı əlaqələrimizin bütün dövründə həmişə münasibətlərimizin inkişafı ilə bağlı məsələləri həll etmişik. Bizim aramızda heç vaxt həll edilməmiş və ya hansısa operativ müdaxilə tələb edən məsələlər olmayıb. Biz hədəflərimizi çox dəqiq müəyyən etmişik, icraçılara konkret tapşırıqlar vermişik və qarşıya qoyulmuş məsələlərin reallaşdırılmasına nəzarət etmişik. Bundan ötrü müntəzəm görüşlər keçirmişik və keçiririk. Mən dəfələrlə Belarusa, Aleksandr Qriqoryeviç isə Azərbaycana səfər edib. Bizim görüşlərimiz müntəzəm xarakter daşıyır və yenə də belə olacaq. Pandemiya ilə əlaqədar bir qədər fasilə yaranıb, lakin vəziyyət imkan verən kimi biz Aleksandr Qriqoryeviçi salamlamağa çox şadıq və Azərbaycana səfər etməsi barədə dəvətimizi qəbul etdiyi üçün ona təşəkkürümü bildirmək istərdim.

Siyasi baxımdan müntəzəm surətdə həm dövlət başçıları, həm də xarici siyasət idarələrinin başçıları səviyyəsində məsləhətləşmələr aparılır. Biz fəal əməkdaşlıq edirik, beynəlxalq strukturlarda bir-birimizi dəstəkləyirik və gələcəkdə də belə edəcəyik.

Bu gün hökumətlərarası komissiyaların həmsədrləri və nümayəndə heyətlərinin üzvləri görülmüş işlər barədə məruzə etdilər. Nazirlər və nümayəndə heyətlərinin üzvləri dünən görüşüblər. Beləliklə, dünənki gün həm də münasibətlərimizin daha da möhkəmlənməsi məsələlərinə həsr edilib, əmtəə dövriyyəsinin şaxələndirilməsi və artırılması çərçivəsində gələcək əməkdaşlığın konkret istiqamətləri müəyyən edilib. Ötən il əmtəə dövriyyəsi xeyli artıb, lakin bu əsas etibarilə Belarusa xam neftin çatdırılması hesabına mümkün olub.

Bu ilin birinci rübündə xam neftin çatdırılması daha böyük həcmdə davam edib və düşünürəm ki, keçənilki həcmi əhəmiyyətli dərəcədə üstələyəcəyik. Marşrut artıq testlənib, layihə qarşılıqlı faydalıdır. Təbii ki, biz bu sahədə əməkdaşlığı genişləndirmək, məhz energetika sahəsində əməkdaşlığın genişləndirilməsi məsələlərini nəzərdən keçirmək niyyətindəyik, yəni Belarusun neftayırma zavodlarına təkcə xam neft çatdırmaqla kifayətlənməyəcəyik.

Biz Qarabağda işğaldan azad olunmuş ərazilərin bərpasında bir sıra istiqamətlər üzrə - həm şəhərsalma, həm infrastrukturun yaradılması, kənd təsərrüfatının inkişafı sahələrində Belarus şirkətlərinin gələcək iştirakı ilə bağlı məsələləri ətraflı müzakirə etdik. Biz dünən də, bu gün də Belarusun aqroşəhərciklər yaradılması sahəsində təcrübəsini geniş müzakirə etdik. Mən Aleksandr Qriqoryeviçə məlumat verdim ki, Qarabağ “yaşıl enerji” zonası elan edilib və birinci “ağıllı kənd” layihəsi praktiki olaraq həyata keçirilməyə hazırdır. Əlbəttə, bu sahədə Belarusun təcrübəsi nəzərə alınmaqla bu istiqamətdə işləmək çox maraqlı olardı. Mən daha sonra dedim ki, biz ərazilərin bərpası işlərinə yalnız dost ölkələrdən olan şirkətləri cəlb edəcəyik. Belarus da Azərbaycan üçün belə ölkədir. Qarabağın bərpası layihələrində üç dost ölkədən olan şirkətlər artıq işləyirlər. Ümidvarıq ki, dördüncü ölkə Belarus olacaq. Biz bu sahədə məsləhətləşmələri davam etdirmək üçün Azərbaycan hökumətinin üzvlərinin Belarusa səfərləri barədə artıq razılıq əldə etmişik.

Sənaye kooperasiyası bizim münasibətlərin çox böyük seqmentidir. Hökumətlərarası komissiyanın həmsədrləri layihələrin uğurla həyata keçirilməsi barədə bizə məruzə ediblər. Aleksandr Qriqoryeviç ilə biz bu layihəni Belarus traktorlarının yığılmasından başladıq, sonra başqa istehsalatlara –avtomobillər, yük maşınları, kombaynlar, avtobuslar və bizim “Yaşıl Qarabağ zonası” konsepsiyası çərçivəsində işimizə çox yarayacaq elektrobuslar istehsalını da nəzərdə tuturuq. Alternativ enerji mənbələri yaradılmasında Belarus şirkətlərinin iştirakı ilə bağlı məsələləri də müzakirə etdik. Bir sözlə, görüləsi işlər çoxdur. Mən bu gün də, dünən də qonaqlara dedim ki, erməni işğalından azad edilmiş ərazilərin sahəsi Lüksemburqdan dörd dəfə böyükdür. İşin həcmini təsəvvür edə bilərsiniz. Bu ərazidə hər şey dağıdılıb.

Bizim hazırladığımız ilk nəşrin bir nüsxəsini Aleksandr Qriqoryeviçə təqdim etdim. Həmin nəşrdə bizim azad etdiyimiz şəhərlərin işğaldan əvvəlki fotoşəkilləri və erməni işğalçılar tərəfindən həmin torpaqlarda törədilmiş vandalizmin və barbarlığın fotoşəkilləri var.

Hesab edirəm ki, münaqişədən sonrakı inkişafla bağlı vəziyyət bütövlükdə müsbət səciyyələndirilə bilər. Mən münaqişədən sonrakı vəziyyətin inkişafına bizim yanaşmalarımız və bu haqda bizim təsəvvürümüz barədə Aleksandr Qriqoryeviçi məlumatlandırdım. Şübhəsiz, Azərbaycanın mövqeyini bildirim ki, biz belə hesab edirik və reallıq da belədir ki, Dağlıq Qarabağ münaqişəsi nizamlanıb. Azərbaycan onu müstəqil surətdə nizamlayıb, BMT Təhlükəsizlik Şurasının 4 qətnaməsini yerinə yetirib. Bu qətnamələr 27 il ərzində kağız üzərində qalıb və təəssüf ki, onların implementasiyası mexanizmi işə salınmayıb. Minsk qrupunun həmsədr ölkələrinin erməni tərəfinə müraciətlə işğala son qoymaq çağırışları da yerinə yetirilməyib. Həmsədrlərin status-kvonun qəbuledilməzliyi barədə bəyanatları erməni tərəfindən eşidilməyib.

Ermənistanın başına gələnlərin təqsirkarı məhz 20 il ərzində ölkəni uçuruma aparan Ermənistan rəhbərliyidir. İkinci Qarabağ müharibəsi Ermənistan ordusunun alçaldıcı məğlubiyyəti və tamamilə darmadağın edilməsi ilə başa çatıb. Bunun əsas təqsirkarları Ermənistanda bundan əvvəl hakimiyyətdə olanlardır. Biz tarixin bu səhifəsini çevirmək istəyirik, biz etimad tədbirlərinin möhkəmlənməsinə və bu gün həm Azərbaycan-Ermənistan-Rusiya baş nazirlərinin müavinləri səviyyəsində üçtərəfli işçi qrupu çərçivəsində, həm də qonşu ölkələr – Türkiyə və İran ilə bizim məsləhətləşmələrimiz çərçivəsində müzakirə edilən nəqliyyat-logistika layihələrinə istiqamətlənmişik. Beləliklə, Zəngəzur dəhlizi reallığa çevrilir. Biz çoxtərəfli əməkdaşlığa ümid bəsləyirik.

Əlbəttə, Belarus bizim dostumuz, sınaqdan çıxmış tərəfdaşımızdır. Təbii ki, biz onun təkcə işğaldan azad edilmiş ərazilərin bərpasında fəal iştirakına yox, həm də Ermənistanın tərəfdaşı, Ermənistanla bərabər Avrasiya İqtisadi Birliyinin və Kollektiv Təhlükəsizlik Müqaviləsi Təşkilatının üzvü, eləcə də Azərbaycanın yaxın dostu, dünyada nüfuzlu ölkə kimi fəal iştirakına ümid bəsləyirik. Əlbəttə, mən əminəm ki, o, gələcəkdə Ermənistan ilə Azərbaycan arasında əlaqələrin nizamlanmasında mühüm rol oynaya bilər.

Mən Aleksandr Qriqoryeviçə onu da dedim ki, Minsk şəhəri ilə bağlı bir format artıq keçmişdə qalıb. Minsk qrupu mövcuddur, lakin münaqişə nizamlanıb. Minsk qrupunun nə ilə məşğul olacağı bizə hələ məlum deyil. Biz onlardan kreativ ideyalar gözləyirik. Bizim xarici işlər naziri mənə bu gün məruzə etdi ki, Minsk qrupunun fəaliyyəti ilə bağlı mənim dünənki şərhimdən sonra həmin qrup bəyanat verib. Təbii ki, mən o bəyanatla tanış olacağam. Lakin necə deyərlər, ümidvaram ki, Minsk şəhəri ilə bağlı bütün başqa formatlar sülh yolu ilə nizamlanacaq. Biz Ermənistanla münaqişəni demək olar 30 il müddətində sülh yolu ilə nizamlamaq istədik. Danışıqlar prosesinə sadiq olmağımız da bizim niyyətlərimizə dəlalət edir. Buna görə də münaqişənin hərbi-siyasi yolla nizamlanmasında təqsirkar, əlbəttə, işğalçı ölkədir. Əgər onlar müharibədən əvvəl və hətta müharibə dövründə də bizim ərazilərimizi tərk etmək barədə mənim çağırışlarıma, israrlı tələblərimə qulaq assaydılar, müharibənin nəticələri Ermənistan üçün bu dərəcədə ağrılı olmazdı. Bütün təqsirlər onlardadır. Biz ədaləti, o cümlədən tarixi ədaləti, beynəlxalq hüququ bərpa etdik və BMT Təhlükəsizlik Şurasının qətnamələrini yerinə yetirdik.

Beləliklə, Aleksandr Qriqoryeviç, Sizi bir daha ürəkdən salamlayıram. Sizin rəhbərliyinizlə qardaş Belarus xalqına yeni uğurlar, yeni zəfərlər diləmək istəyirəm. Siz öz ölkənizi inkişaf, tərəqqi yolu ilə inamla irəli aparır, sabitliyi təmin edirsiniz. Biz də dostlarınız kimi həmişə Sizin yanınızdayıq və həmişə Sizin yanınızda olacağıq.

Bir daha xoş gəlmisiniz və Sizə xoş əhval-ruhiyyə arzu edirəm. Düşünürəm ki, bu gün komandalarımıza verdiyimiz impulslar bizi daha genişmiqyaslı əməkdaşlığa aparacaq. Sağ olun".
Bakıda məktəb müəllimi 40 yaşında koronavirusdan öldü - FOTOBakıda daha bir müəllim koronavirusdan vəfat edib.

20 nömrəli məktəb-liseyin ingilis dili müəllimi Lalə Kərimova 40 yaşında dünyasını dəyişib.

O, bir müddət əvvəl COVID-19-a yoluxubmuş.

Qeyd edək ki, Kərimova Lalə Rafiq qızı 1981-ci ildə anadan olub. 1998-2002-ci illərdə Müstəqil Azərbaycan Universitetində təhsil alıb.

Xatırladaq ki, aprelin 10-da 20 nömrəli məktəb-liseyin riyaziyyat müəllimi İradə Tağıyeva da koronavirusdan dünyasını dəyişib (report).

Dünyanın ən güclü donanmasını qururuq - PutinRusiya dünyanın ən güclü buzqıran donanması qurmaq üçün mübarizə aparır.

Axar.az xəbər verir ki, bunu Rusiya Prezidenti Vladimir Putin deyib.

“Arktikanın iqtisadi inkişafına doğru getdikcə daha fəal şəkildə irəliləyirik. Çox yaxın gələcəkdə şimal dəniz yolu boyunca fəaliyyət yaxın illərdə ilboyu ola bilər", - Putin qeyd edib.
Baş nazir “Raisina” dialoqunda müraciət edibBaş nazir Şri Narendra Modi 13 aprel tarixində virtual formatda təşkil olunmuş “Raisina” dialoqunun açılış mərasimində fəxri qonaqlar qismində iştirak edən Ruanda Prezidenti Zati-aliləri Paul Kaqame və Danimarkanın Baş naziri Zati-aliləri Mette Frederiksen ilə birlikdə müraciət edib.

Hindistanın Azərbaycandakı səfirliyinin mətbuat xidmətindən Avrasiya.net-ə verilən məlumata görə, Xarici İşlər Nazirliyi və Müşahidəçi Araşdırmalar Fondu tərəfindən ortaq şəkildə təşkil edilən mühüm əhəmiyyət kəsb edən “Raisina” Dialoqunun 6-cı buraxılışı 13-16 aprel, 2021-ci il tarixində virtual formatda təşkil olunacaq.

2021-ci il buraxılışı “#VirusluDünya: pandemiyanın baş verməsi, fərqli tərəfləri and nəzarətdən çıxması ” mövzusunda olacaq.

Baş nazir Modi, "Raisina Dialoqu" nun cari buraxılışının bir ildən çox davam etməkdə olan, dünyanı məhv edən COVID-19 pandemiyası fonunda bəşər tarixinin mühüm dəyişiklərin olduğu bir anda baş verdiyini bildirib. Baş nazir qlobal ictimaiyyəti indiki vəziyyətlə əlaqəli bəzi məsələləri araşdırmağa çağırıb.

Baş nazir yalnız simptomları deyil, eyni zamanda əsas səbəbləri aradan qaldırmaq üçün qlobal sistemlərin vəziyyətə uyğun dəyişdirilməli olduğunu vurğulayıb. Baş nazir insanları düşüncələrimizin və fəaliyyətimizin mərkəzində saxlamağı və bu günün problemləri və sabahın çətinlikləri ilə mübarizə apara biləcək sistemlərin yaradılmasının vacib olduğunu bildirib.

O, Hindistanın həm ölkə daxilində, həm də digər ölkələrə yardım şəklində pandemiyaya qarşı mübarizə səylərinə dair ətraflı məlumat verib. Baş nazir pandemiyanın yaratdığı müxtəlif problemlərin öhdəsindən gəlmək üçün birgə səy göstərməyə çağırdı və Hindistanın qlobal rifah üçün güclərini bölüşəcəyini bildirib.
Çexiya şirkətləri Qarabağda bərpa prosesinə maraq göstərirlərAzərbaycan-Çexiya parlamentlərarası əlaqələr üzrə işçi qrupunun fevralın 25-də keçirilmiş görüşündə qərara gəlmişdik ki, növbəti toplantımızda daha geniş tərkiblə iştirak edək və potensial iqtisadi münasibətlərimizi müzakirə edək. #Çexiya şirkətləri işğaldan azad olunmuş #Azərbaycan ərazilərinin bərpası prosesinə maraq göstərirlər və bu səbəbdən, həmkarlarımızla əsas müzakirə obyektimiz məhz bu məsələ oldu.

Avrasiya.net xəbər verir ki, bunu Azərbaycan-Çexiya parlamentlərarası əlaqələr üzrə işçi qrupunun rəhbəri Elnur Allahverdiyev sosial səhifəsində yazıb.

Millət vəkili qeyd edib ki, Çexiyadan olan parlamentarilərin diqqətinə çatdırdıq ki, Azərbaycan Respublikasının Prezidenti cənab İlham Əliyevin quruculuq və bərpa konsepsiyasına görə, Qarabağda ən müasir texnoloji nailiyyətlər və şəhər, kəndsalma prinsiplərindən istifadə olunmalıdır. Bölgə bütövlükdə “Yaşıl ərazi” elan olunub və burada “ağıllı şəhər” və “ağıllı kənd” konsepsiyaları əsasında yaşayış məntəqələri salınacaq. Elektrik enerjisinin külək, su və günəş enerjisindən əldə olunması üçün müvafiq texnologiyalar quraşdırılacaq. Bölgənin kənd təsərrüfatı potensialı olduqca böyükdür. Bu baxımdan, kənd təsərrüfatı sahəsində, xüsusilə müasir texnoloji nailiyyətlərin tətbiq olunması ilə geniş əməkdaşlıq imkanları mövcuddur:

"Qarabağın turizm potensialı zəngindir. Həm təbiəti, həm tarixi, həm tarixi abidələri bölgənin turizm cəlbediciliyini artırır. Qarabağ zəngin təbii sərvətlərə malikdir və bu istiqamətdə müalicəvi mineral suları qeyd etməliyik. Hələ keçmiş SSRİ illərində burada bütün ölkədə məşhur olan müalicəvi sanatoriyalar fəaliyyət göstəriblər. Təəssüf ki, Ermənistanın işğalı dövründə bu tibb ocaqları tamamilə dağıdılmış, talan edilmişdir. Biz bu vandalizmin fəsadlarını aradan qaldırmaq və Qarabağın müalicəvi potensialını yenidən bərpa etmək niyyətindəyik".

Çexiya tərəfindən qrup rəhbəri Zdenek Ondraçek bildirdi ki, ölkəsini təmsil edən şirkətlər Qarabağın bərpası layihələrinə maraq göstərirlər. Bu səbəbdən, çalışır ki, həmin şirkətlərin Azərbaycana səfərini təşkil etsin. Artıq həmin şirkətlər Azərbaycan tərəfindən bərpa ediləcək sahələr barədə ətraflı məlumatlar alıblar:

"Görüşdə 44 günlük Vətən müharibəsi və nəticələri barədə də çexiyalı həmkarlarımıza məlumat verdik. Ermənistanın kapitulyasiyasını əks etdirən 10 noyabr bəyanatının imzalanmasından xeyli müddət keçməsinə baxmayaraq, Ermənistan hələ də Azərbaycan tərəfinə minalanmış ərazilərin xəritəsini təqdim etmir. Bu səbəbdən müharibənin bitməsinə və sülh rejiminin bərqərar olmasına baxmayaraq, azad edilmiş ərazilərdə indiyədək onlarla hərbi və mülki şəxs həlak olmuş və ya yaralanmışdır. Aydındır ki, bu, hərbi cinayətdir və beynəlxalq birlik bu problemə öz kəskin münasibətini bildirməlidir. Ermənistan Birinci Qarabağ müharibəsində itkin düşmüş 4000-dək Azərbaycan vətəndaşı barədə də hər hansı bir məlumat verməkdən boyun qaçırır. Hesab edirik ki, aramızda olan dostluq münasibətləri, Çexiya dövlətinin beynəlxalq humanitar hüquq və prinsiplərinə sadiqliyi baxımından, bu problemlərin Çexiya qanunverici orqanında müzakirəyə çıxarılması bu hüquq və prinsiplərə, habelə aramızda olan dostluq münasibətlərinin ruhuna hörmət və ehtiramın daha bir göstəricisi ola bilər".

AKP Nəriman Nərimanovun anadan olmasının 151-ci ildönümü ilə bağlı video-konfrans  keçiribAzərbaycan Kommunist Partiyasının Mərkəzi Komitəsi peşəkar inqilabçı, yazıçı - publisist, dövlət xadimi, Azərbaycan xalqının görkəmli oğlu Nəriman Nərimanovun ad gününün 151-ci ildönümü münasibəti ilə 14 aprel 2021-ci il tarixində video-konfrans keçirib.

Partiyanın mətbuat xidmətindən Avrasiya.net-ə verilən məlumata görə, konfransı KPİ- Sov.İKP Mərkəzi Şurasınız üzvü, AKP MK sədri Rauf Qurbanov açıq elan edərək tədbir iştirakçılarına öz səmimi salamlarını çatdırıb və konfransın işinə uğurlar arzulayıb.

Tədbirdə AKP MK-nın Müğan zonası üzrə səlahiyyətli nümayəndəsi, AKP Sabirabad RK-nin birinci katibi Nazim Ağayev "Azərbaycan dövlət quruculuğunda Nəriman Nərimanovun rolu" mövzusunda geniş məruzə edib.

Məruzə ətrafında KPİ-Sov.İKP MNTK üzvü, AKP Mərkəzi Nəzarət-Təftiş Komissiyasının sədri Ələddin Bağırov, AKP Mingəcevir ŞK –nin birinci katibi Günəş Şəfəqətov, Azərbaycan LKGİ MK-nın birinci katibi Orxan Muxtarov, AKP Sumqayıt ŞK-nin birinci katibi Sabir Hüseyinov, AKP Lənkəran RK-nın birinci katibi Namiq Bağırov, AKP Nizami RK-nin birinci katibi N. Abbasov çıxış etmişlər. Konfransın işində ziyalılar və ictimaiyyətin nümayəndələri də iştirak edib.

Tədbirn sonunda Azərbaycan kommunistlərinin lideri Rauf Qurbanov yekun nitqi ilə çıxış etmiş və bununlada N.Nərimanovun 151-ci ildönümünü həsr olunmuş video- konfrans öz işini yekunlaşdırıb.
Neftçalada içməli su problemi ilə bağlı - Rəsmi açıqlama“Azərsu” Açıq Səhmdar Cəmiyyəti (ASC) Neftçala rayonunun içməli sudan əziyyət çəkən kənd və qəsəbələrində yeni layihənin icrasına başlayır.

ASC-dən Avrasiya.net-ə verilən məlumata göeə, layihə 12 yaşayış məntəqəsini (Mirqurbanlı, Həsənabad, Qoltuq, Uzunbabalı, Mirzəqurbanlı, Tatarməhlə, Abbaslı, Kürqarabucaq, Birinci Qaralı, İkinci Qaralı, Qədimkənd, Yuxarı Qaramanlı kəndləri) əhatə edir. İndiyədək bu yaşayış məntəqələrinin içməli su təchizatı modul tipli sutəmizləyici qurğular hesabına aparılırdı. Qlobal iqlim dəyişikilyi nəticəsində Kür çayında suyun azalması və Xəzər dənizi suyunun çay istiqamətində axması səbəbindən ilin isti dövrlərində həmin qurğuları xam su ilə təmin etmək mümkün olmur.

Yeni layihəyə əsasən, rayonunun 5 kəndini (Kürqarabucaq, Birinci Qaralı, İkinci Qaralı, Qədimkənd, Yuxarı Qaramanlı kəndləri) içməli su ilə təmin etmək məqsədilə 450 mm diametrli polietilen borularla 11 km uzunluğunda magistral su kəmərinin tikintisi nəzərdə tutulub. Eyni zamanda, yeni çəkiləcək magistraldan kəndlərdəki modul tipli sutəmizləyici qurğulara qədər 6 km paylayıcı su xətləri çəkiləcək. Yaradılacaq yeni infrastruktur içməli su ilə ötən il istismara verilmiş Şirvan-Muğan qrup su kəmərindən Neftçala şəhərinə çəkilmiş magistraldan təmin olunacaq.

Mirqurbanlı və Həsənabad kəndlərinin, həmçinin Qoltuq məhəlləsinin su təchizatı Neftçala şəhərinin şəbəkəsi hesabına aparılacaq. Bu məqsədlə şəhər şəbəkəsindən həmin kəndlərə 5,7 km uzunluğunda yeni xətlər inşa olunacaq.

Şirvan-Muğan qrup su kəmərindən Neftçalaya çəkilmiş magistral kəmərin marşrutu boyu yerləşən Uzunbabalı, Mirzəqurbanlı, Tatarməhlə və Abbaslı kəndlərinə isə içməli su birbaşa magistraldan veriləcək. Bu kəndlərdəki modul tipli təmizləyici qurğuların təmiz su anbarına qədər ümumilikdə 3,8 km uzunluğunda yeni xətlər çəkiləcək.

7 yaşayış məntəqələsində tikinti-quraşdırma işlərinin 45 günə, digər 5 kənddə isə 75 günə yekunlaşacağı planlaşıdırılır. Tikinti-quraşdırma işləri başa çatdıqdan sonra bu yaşayış məntəqələrinin 20 minə qədər sakini dayanıqlı və keyfiyyətli içməli su ilə təmin olunacaq. Rayonun digər kəndlərinin içməli su tələbatı isə müvəqqəti olaraq sudaşıyan maşınlar hesabına təmin ediləcək. Maşınlarla daşınan su həmin yaşayış məntəqələrindəki mövcud modul tipli təmizləyici qurğuların təmiz su çənlərinə doldurularaq ümumi istifadə üçün quraşdırılmış bulaqlara ötürüləcək.

Qeyd edək ki, son illər müşahidə olunan qlobal iqlim dəyişmələri nəticəsində Kür çayında suyun səviyəsinin azalması Neftçala şəhəri, həmçinin rayonun 38 kənd və qəsəbəsinin içməli su təchizatında ciddi çətinliklər yaradıb. Yaranmış problemin aradan qaldırılması məqsədilə “Azərsu” Açıq Səhmdar Cəmiyyəti tərəfindən Şirvan-Muğan qrup su kəmərindən Neftçala rayonuna 2 magistral su kəmərinin tikintisi layihələndirilib. Bu kəmərlərdən biri Neftçala şəhərinin, digəri isə rayonun kənd və qəsəbələrinin su təminatı üçün nəzərdə tutulub.

Prezident İlham Əliyevin xüsusi tapşırıqlarına uyğun olaraq 2020-ci ilin iyun ayında Şirvan-Muğan qrup su kəmərindən Neftçala şəhərinə 40 km uzunluğunda magistral kəmərin və Salyan şəhəri yaxınlığında həcmi 7500 kubmetr olan su anbarının tikintisinə başlanılıb. 2020-ci ilin noyabr ayında yeni infrastrukturdan Neftçala şəhərinə suyun verilməsi təmin edilib. Hazırda şəhər əhalisi dayanıqlı içməli su ilə təmin olunur. Rayonun 38 kənd və qəsəbəsini içməli su ilə təmin edəcək, eləcə də Neftçala şəhəri üçün alternativ olacaq ikinci magistral kəmərin tikintisi ilə rayonun içməli su problemi tam həllini tapacaq.