Avtobuslarda gediş haqqı bahalaşacaq? - Açıqlama
Məhdudiyyətin aradan qaldırılması tam tətbiq olunduğu üçün Bakı Beynəlxalq Avtovağzal Kompleksindən regionlara ötən ilin mart ayından məhdudlaşdırmaya qədər hansı relslər mövcud idisə, hamısı bərpa olunur. Regionlardan Bakıya və regionlarası relslər də hamısı bərpa edilir.
Avrasiya.net xəbər verir ki, bunu Bakı.vs-ə Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bildirib.
O əlavə edib ki, gediş-gəliş iri tutumlu avtobuslarla bərpa olunur:
"Avtobuslarda qiymətlər dəyişməyib. Tarif Şurasının müəyyən etdiyi qiymətlər ötən ilin mart ayına qədər hansı formada idisə, eyni tariflər keçərli olacaq.
Bakı Beynəlxalq Avtovağzal Kompleksinin avtovagzal.az saytından onlayn bilet əldə etmək imkanları var. Bundan yararlanmaqla kassaların qarşısında növbələrin yaranmasının qarşısını almaq mümkündür"