İcra başçısının qardaşına yüksək vəzifə verildi
Dərc olunub:
1-02-2021, 17:49
Milli Məclis Aparatında kadr dəyişiklikləri olub.
Avrasiya.net Bakıpost.az-a istinadən xəbər verir ki, Milli Məclis Aparatının İcra hakimiyyəti orqanları ilə əlaqələr şöbəsinin Yerli və mərkəzi icra orqanları ilə iş sektorunun müdiri Emin İmanov İcra hakimiyyəti orqanları ilə əlaqələr şöbəsinin müdir müavini təyin edilib.
Bundan əlavə, Milli Məclis Aparatının Katibliyinin keçmiş rəisi İlqar Əliyev Milli Məclisin Komitələrin və komissiyaların işinin təşkili şöbəsinin müdir müavini təyin olunub.
Milli Məclis Aparatının Katibliyinin rəisi vəzifəsi isə Teymur Tağıyevə həlavə olunub.
Xatırladaq ki, T.Tağıyev Yevlax Rayon İcra Hakimiyyətinin başçısı Anar Tağıyevin qardaşıdır.
Anar Tağıyev isə Bakı meri Eldar Əzizovun kürəkənidir.