Qaçqın və Məcburi Köçkün Qadınlar İB yeni layihə həyata keçirir
Qaçqın və Məcburi Köçkün Qadınların İnkişaf Mərkəzi İB yeni layihə həyata keçirir
Bu barədə Qaçqın və Məcburi Köçkün Qadınların İnkişaf Mərkəzi İctimai Birliyinin sədri Ülviyyə Mikayıllı məlumat verib.
O qeyd edib ki, Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə yardımı ilə həyta keçirilən layihə ciddi mənəvi və patoloji travmalara gətirib çıxaran skolioz xəstəliyi barədə müəllim və valideynləri maarifləndirmək, bu ciddi xəstəliyin yaranmaması, yaxud vaxtında aşkarlanıb aradan qaldırılması üçün təbliğati iş aparmaqdan ibarətdir. Maarifləndirmə işinin səmərəli təşkili məqsədilə skolios.az saytının yaradılması, eləcə də öyrədici çap məhsulları ilə təbliğat işinin həyata keçirilməsi nəzərdə tutulur, deyə təşkilatın rəhbəri Ülviyyə Mikayıllı vurğulayıb.
Üviyyə Mikayıllı qeyd edib ki, skolios.az saytı yalnız skolioz xəstəliyi barəsində deyil, insanların sağlamlığı ilə bağlı digər mühüm əhəmiyyətli tibbi məlumatları yayımlamağı da nəzərdə tutur. Ülviyyə Mikayıllının sözlərinə görə layihənin icra olunması 3 ay müddətində nəzərdə tutulsa da, sayt daimi olaraq fəaliyyət göstərəcək və tibbi maarifləndirmə işi aparacaq.
