Siyəzənlilər YAP-ın namizədini coşqu ilə qarşılayıblar - FOTOLAR
Yeni Azərbaycan Partiyasının (YAP) 54 saylı Şabran-Siyəzən Seçki Dairəsindən deputatlığa namizədi Sadiq Qurbanov təbliğat, təşviqat kampaniyasını davam etdirir. Namizəd Gənclər Günü münasibətilə Siyəzən rayonu Gənclik qəsəbəsinin sakinləri ilə görüşə gedib.
Avrasiya.net xəbər verir ki, həmişə olduğu kimi bu dəfə də siyəzənlilər S.Qurbanovu böyük coşqu və mehribanlıqla qarşılayıblar.
YAP-ın namizədi seçki platrofması və deputat seçiləcəyi təqdirdə görəcəyi işlərdən bəhs edib. Daha sonra namizəd seçicilərin suallarını cavablandırıb.
Qəsəbə ağsaqqallarından Ruhumla kişi, Eldar kişi, Məhərrəm kişi öz xeyir-duasını verərək bu yolda Yeni Azərbaycan Partiyasının vahid namizədinə uğurlar arzulayıblar.
Elə həmin gün S.Qurbanov Siyəzən rayonu M.Ə.Sabir, Ə.Vahid və A.Qaradağlı küçələrinin sakinləri ilə görüş olub. Bu görüş də səmimi söhbət əsnasında keçib, seçicilər problemlərini, istək və təkliflərini S.Qurbanovun nəzərinə çatdırıblar. S.Qurbanov buradan da ağsaqqalların xeyir-duasını alıb və hamı yekdilliklə Yeni Azərbaycan Partiyasının namizədinə səs verəcəklərini bildiriblər.