İradə Polad Hacıqabulda Qarabağ qaziləri, şəhid ailələri ilə görüşüb

58 saylı Hacıqabul-Kürdəmir Seçki dairəsindən deputatlığa namizəd olan Nəsirova İradə Polad qızı (İradə Polad) Seçki qərargahının üzvləri ilə birlikdə Hacıqabulda növbəti görüşünü keçirib.

Görüşdə İ.Poladı Qarabağ qaziləri, şəhid ailələri üzvləri müşayət ediblər.

Namizəd əvvəlcə Hacıqabulda ümummi lider H.Əliyevin abidəsini ziyarət edib önün gül dəstələri düzüb. Daha sonra namizəd onu müşayət edən heyətlə H.Əliyev adına mərkəzə yollanıb.

İ.Polad əvvəlcə mərkəzdə yaradılan şəraitlə tanış olub, ümummillilider H.Əliyevin həyat və yaradıcılığını özündə əks etdirən foto stendlərlə, 20 yanvar faciəsi ilə bağlı foyedə təşkil olunan foto-sərgilərlə tanış olub.

Daha sonra dəyirmi masa ətrafında görüş keçirilib. İ.Polad əvvəlcə dövlətimizin Dağlıq Qarabağ döyüşlərində həlak olan, yaralanan oğullarımıza, şəhid ailələrinə diqqət və qayğısından bəhs edib. Bildirib ki, hər bir namizədin platformasını bu kateqoriyaya aid olan vətəndaşlarımıza dəstək başlıca prinsip təşkil etməlidir.

İ.Polad qeyd edib ki, o, həmişə Azəraycanın bütövlüyü uğrunda şəhid olanların, döyüşlərdə yaralanan, əlil olan vətəndaşlarımızın, şəhid ailələrinin yanında olub: "Onlar bizim qürur, fəxr yerimizdirlər. Mən hər zaman onlara arxalanıb, onlardan dəstək, güc almışam. Bunun nəticəsidir ki, bu gün həmin vətəndaşlar yanımdadırlar və sonadək bu mübarizədə yanımda olacaqlar".

İ.Polad onu da əlavə edib ki, Milli Məclisə deputat seçiləcəyi təqdirdə bəzi deputatlardan fərqli olaraq həmişə seçicilərinin yanında olacaq.

Sonda İ.Polad seçki platformasından, deputat seçildikdən sonra görəcəyi işlərdən danışıb, tədbir iştirakçılarının suallarını cavablandırıb.