“Türkmənlər hər zaman haqqın, Azərbaycanın yanındadırlar”
Ermənistanın Azərbaycana qarşı illərlə apardığı işğalçılıq siyasətini pisləyirəm və ermənilərdən işğal etdikləri Azərbaycan torpaqlarından çıxmalarının tələb edirik.
Bunu Avrasiya.net-ə İraq parlamentinin türkmən millət vəkili Seyid Muhtar Əl Musəvi bildirib.
O, qeyd edib ki, Azərbaycanın haqq işi uğrunda apardığı mücadiləni dəstəkləyirik və İraqda yaşayan türkmənlər Azərbaycandan olan qardaşlarının yanındadırlar:
“Azərbaycan suveren, demokratik və bütün beynəlxalq qanunlara riayət edən bir dövlətdir. Heç bir dövlətin ərazisində gözü yoxdur. Amma rəsmi Bakı heç bir zaman bir qarış torpağının belə işğalda qalmasına razı ola bilməzdi. 30 ildir Ermənistan Azərbaycan torpaqlarını işğal edib, soyqırımlar törədib, minlərlə günahsız insan öldürüb. Azərbaycan Dağlıq Qarabağ münaqişəsinin sülh yolu ilə həllinə çalışdı, lakin erməni tərəf işğalçılıq siyasətindən əl çəkmədi. Bu gün artıq zaman yetişib, Azərbaycan ordusu öz sözünü deyir. Biz türkmənlər də hər zaman haqqın, Azərbaycanın yanındayıq”.
