Rusiya narkomanların sayına görə liderdir
Rusiyada narkotikdən istifadə edənlərin sayı Şərqi və Mərkəzi Avropa, eləcə də Mərkəzi Asiya ölkələrindən çoxdur.
Axar.az xəbər verir ki, bu barədə Narkotik Siyasəti üzrə Beynəlxalq Komissiya məlumat yayıb.
Məlumata görə, Şərqi və Mərkəzi Avropada, eləcə də Mərkəzi Asiyada üç milyon insan narkotikdən istifadə edir. Onlardan 1,8 milyonu Rusiyada, 317 mini Ukraynada, 94,6 mini Qazaxıstandadır. Vurğulanır ki, Rusiya məhbuslarının 25%-i narkotik cinayətlərinə görə məhkum edilib.
Hesabata görə, Rusiya, Azərbaycan, Gürcüstan, Estoniya, Macarıstan, Latviya və Moldovada narkotik vasitələrdən istifadə inzibati xəta hesab olunur.
Komissiya bildirib ki, Rusiyada narkotiklərlə mübarizədə hüquq-mühafizə orqanlarının fəaliyyətini tarazlaşdıra biləcək başqa cinayət mühakiməsi və ictimai səhiyyə proqramları yoxdur.