Alman nazir: İran odla oynayır
Almaniyanın xarici işlər naziri Hayko Maas rəsmi Tehrana ölkəsinin nüvə müqaviləsinə edilən düzəlişlərin icrasını dayandıracağına dair xəbərdarlıq edib.
Avrasiya.net Teleqraf.com-a istinadla xəbər verir ki, ölkənin baş diplomatı İranın nüvə razılaşması əsasında üzərinə götürdüyü öhdəlikləri yerinə yetirməkdən boyun qaçırdığını bildirib.
Onun sözlərinə görə, İranın bundan imtina etməsi və Atom Enerjisi üzrə Beynəlxalq Agentliklə (MAQATE) dürüst əməkdaşlıq etməməsi, ABŞ-ın nüvə sazişinə qayıdışını sual altında qoyur və daha da çətinləşdirir.
Maas qeyd edib ki, hazırda İranla müzakirələr həddən artıq mürəkkəbləşib:
“Bunun da səbəbi odur ki, İran aşkar şəkildə nəinki mövcud gərginliyi aradan qaldırmaq niyyətində deyil, əksinə, mövcud gərginliyi daha da şiddətləndirir. Bu isə sadəcə olaraq odla oynamaq deməkdir”.
