22 sen 09:40region

"Vaqner" muzdluları Azərbaycanda olub – Şərh

"Vaqner" muzdluları Azərbaycanda olub – ŞərhABŞ-ın Strateji və Beynəlxalq Araşdırmalar Mərkəzinin hesabatına görə, Rusiyanın məşhur “Vaqner” muzdlularının olduğu ölkələr içərisində Azərbaycanın da adı var. Mərkəzin iddiasına görə, “Vaqner” muzdluları 2016-cı ildə Serbiya və İndoneziya ilə yanaşı, Azərbaycanda da olublar.

Məsələ ilə bağlı Axar.az-a açıqlama verən politoloq İlqar Vəlizadə deyib ki, “Vaqner” muzdluları həqiqətən Azərbaycanda olub.

“Bu gün “Vaqner” muzduları Suriya, Liviya, Donbas kimi dünyanın ən qaynar münaqişə nöqtələrində döyüşür, savaşlarda iştirak edir. Bundan başqa, bəzi Afrika ölkəsində təhlükəsizliklə bağlı təlimlər keçirlər.

ABŞ-ın Stateji və Beynəlxalq Araşdırmalar Mərkəzinin hesabatına gəldikdə isə deyə bilərəm ki, hesabat həqiqəti əks etdirir. Lakin bir nüansı yanlış qeyd ediblər. Belə ki, “Vaqner” muzdluları dünya birliyi tərəfindən tanınan Azərbaycan ərazisində, lakin Bakının nəzarət edə bilmədiyi Qarabağda, Ermənistan rəhbərliyinin istəyi ilə olub. Yəni bu gün bu ərazilər hüquqi olaraq Azərbaycana məxsus olsa da, faktiki olaraq işğal edildiyi üçün Ermənistanın nəzarətindədir. Bu mənada “Vaqner” muzdularının bu ərazidə fəaliyyət göstərməsindən rəsmi İrəvan məsuliyyət daşıyır.

Digər tərəfdən, “Vaqner” muzdularının Azərbaycana gəlməsi üçün hər hansı bir səbəb görmürəm. Bizim nəinki “Vaqner” muzdularına, ümumiyyətlə heç bir kənar qüvvəyə ehtiyacımız yoxdur. Əgər nə zamansa kənar hərbi dəstəyə ehtiyacımız olsa, onda Türkiyə və Pakistan kimi qardaş dövlətlər hər zaman hazırdır”, - o bildirib.
XƏBƏR LENTİ

Jurnalist Böyükağa Mikayıllının "Dahi pedaqoqlar" silsiləsindən "Yanuş Korçak" adlı kitabını şəhərimizin kitab mağazalarından əldə edə, həmçinin müəlliflə əlaqə ( 050 344 96 76 ) saxlayıb onlayn sifariş verə bilərsiniz.