Sizin Reklam Burada

4 ölkə Türkiyəyə Aralıqda “meydan oxudu”…

4 ölkə Türkiyəyə Aralıqda “meydan oxudu”… Fransa, İtaliya, Yunanıstan və Cənubi Kiprin Şərqi Aralıq dənizində birgə hərbi təlimlər keçirməsi Türkiyə ilə davam edən gərginliyi artırmaqdan başqa bir işə yaramayacaq. Almaniya XİN başçısı Hayko Maasın Ankarada səfərdə olduğu bir zamanda belə bir addım atmaq Türkiyə ilə dialoqa hazır olduğunu deyən qüvvələrin əsl niyyətini göstərir.

Bu sözləri Axar.az-a politoloq İlqar Vəlizadə Fransa, İtaliya, Yunanıstan və Cənubi Kiprin Şərqi Aralıq dənizində 26 avqustda başlayan və 28 avqusta qədər davam edəcək hərbi təlimini şərh edərkən deyib.

O bildirib ki, bu təlimlər Türkiyə üçün qəbuledilməzdir:

“Ehtimal ki, buna cavab olaraq Türkiyə də genişmiqyaslı hərbi təlimlərə başlayacaq. Çünki beynəlxalq təcrübədə belə bir yazılmamış qayda var: rəqib güc nümayiş etdirərsə, qarşı tərəf də adekvat cavab verməlidir. Bu mənada yaxın günlərdə rəsmi Ankara bölgəyə öz donanmasını göndərəcək.

Afina hər nə qədər Ankaranı dialoq masasına dəvət etsə də, hərəkətləri heç də bu yöndə deyil. Fransa və İtaliyanın dəstəyilə Türkiyəyə meydan oxumaq danışıqlar prosesini iflasa uğradır. Türkiyə Xarici İşlər naziri Mövlud Çavuşoğlunun alman həmkarı Hayko Maasla görüşməsi kimin gərginliyi danışıqlar yolu ilə həll etmək istəməsini bariz şəkildə göstərir”.

Politoloq deyib ki, Fransa Şərqi Aralıq dənizində davam edən Yunanıstan-Türkiyə gərginliyini nizamlamaq əvəzinə daha da alovlandırır:

“Rəsmi Parisin mövqeyi yanlışdır. Şərqi Aralıq dənizində Yunanıstan və Türkiyə arasında davam edən bir anlaşılmazlıq var. Hər iki ölkə NATO üzvü və hər iki ölkə Avropa üçün vacibdir. Fransa NATO üzvü olaraq bu iki ölkənin danışıqlar masasında ortaq məxrəcə gəlmələri üçün səy göstərmək yerinə, Yunanıstanı dəstəkləyərək gərginliyi daha da artırır. Məsələ ondadır ki, Fransa istər avrozonada, istərsə də Aralıq dənizində özünü tək hegemon ölkə hesab edir. Lakin Türkiyə ilə bu kimi ritorikayla danışmaq heç bir fayda vermir, verməyəcək də”.

Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər