Türk polisi 3 il öncə Lotu Qulini necə xilas etmişdi?
Dərc olunub:
21-08-2020, 06:53
Xəbər verdiyimiz kimi, kriminal aləmdə “Lotu Quli” ləqəbi ilə tanınan Nadir Səlifov Türkiyənin Antalya şəhərində qətlə yetirilib.
Axar.az xəbər verir ki, Nadir Səlifova qarşı illər öncə də sui-qəsd cəhdləri olub.
Belə ki, 2017-ci ildə İstanbul polisi Baxçalıevlərdə yerləşən “Ömür Plaza”da Nadir Səlifovu öldürmək üçün plan cızan bir qrupa qarşı basqın həyata keçirmişdi. Həmin basqın zamanı Rövşən Canıyevin (Lənkəranski) qardaşı və ən yaxın adamı Hacıbaba Talibxanlı, o cümlədən “Şirin” ləqəbi ilə tanınan cinayətkar təşkilatın rəhbəri Məhməd Sabri Şirin də daxil olmaqla, 13 şübhəli saxlanılmışdı.