Rusiyada 500 jurnalist koronavirusa yoluxdu - 5-i vəfat etdi
Dərc olunub:
3-06-2020, 10:31
Rusiya Rabitə və Kütləvi Kommunikasiyalar nazirinin müavini Aleksey Volin koronavirusa yoluxmuş rusiyalı jurnalistlərin sayını açıqlayıb.
Bu barədə “RİA Novosti” məlumat yayıb.
A.Volinin sözlərinə görə, Rusiyada 500 KİV nümayəndəsində COVID-19 aşkarlanıb. Onlardan 5-i dünyasını dəyişib.
Ən son məlumatlara əsasən, Rusiyada 423,7 min koronavirusa yoluxma halı qeydə alınıb, 5 037 pasiyent vəfat edib.
Bununla yanaşı, xəstəlikdən sağalanların sayı 186,9 minə yüksəlib.