“Könüllülər Kuboku”nun Siyəzən rayonu üzrə atletika yarışı keçirilib
Sentyabrın 10-da şəhər stadionunda Azərbaycan Respublikası Gənclər və İdman Nazirliyi və "Azərbaycan İdman Könüllüləri" İctimai Birliyi tərəfindən təsdiq olunmuş "Könüllülər Kuboku"nun əsasnaməsinə uyğun olaraq ilə 16-29 yaşlı gənclər arasında atletika yarışı keçirilib.
Siyəzən Rayon Gənclər və İdman İdarəsinin təşkilatçılığı ilə keçirilən turnir gənclər arasında sağlam həyat tərzi və idman yarışları vastəsilə sosial fəaliyyətin artırılması, atletika idman növünün inkişafı və gənclər arasında təbliğ olunması məqsədi daşıyıb.
Estafet qaçışı üzrə yarışda “Pəhləvanlar” komandası I, “Qladiator” komandası II, “Qaya” komandası III olub. Atletlər arasında 400 metr məsafəyə yarışın nəticəsinə əsasən Əliyev Sənan I, Ağayev Tərlan II, Qasımov Kamran III yeri tutub.
Qaliblər "Könüllülər Kuboku" layihəsinin diplomları ilə təltif olunublar.
#könüllülərkuboku #asv #azsportsvolunteers #sportsvolunteers #idmankonulluleri #idmankonulluleriaz #həyatınıidmanlayaşa #SiyəzənGİİ #GənclərvəİdmanNazirliyi #MysGovAz #MysAz