BƏƏ regiondakı müharibədə qalib gəlib
Dərc olunub:
Dünən, 12:15
BƏƏ Prezidentinin diplomatik müşaviri Ənvər Qarqaş ölkəsinin Yaxın Şərqdəki müharibədə "qalib gəldiyini" bəyan edib.
O, bu barədə sosial media hesabında yazıb.
"BƏƏ səmimi qəlbdən qaçmağa çalışdığımız müharibədə qalib gəldi və biz suverenliyimizi və ləyaqətimizi qoruyan və xain təcavüz qarşısında nailiyyətlərimizi müdafiə edən möhtəşəm milli müdafiə sayəsində qalib gəldik. Gücümüz, möhkəmliyimiz və sarsılmazlığımız BƏƏ-nin dirçəliş modelini gücləndirib".
Xatırladaq ki, ötən gecə ABŞ və İran Pakistanın vasitəçiliyi ilə iki həftəlik atəşkəs elan ediblər. Münaqişə tərəfləri arasında danışıqlar 10 aprel cümə günü Pakistanın İslamabad şəhərində keçiriləcək.
