BMT Ukraynadakı mülki itkiləri elan edib: 516 ölü, 908 yaralı

Birləşmiş Millətlər Təşkilatı İnsan Haqları üzrə Ali Komissarlığının məlumatına görə, Ukraynada dinc əhali arasında itkilər çoxdur.

Müharibə başlayandan bəri Ukraynada 516 dinc sakin həlak olub, daha 908 nəfər yaralanıb.

“UNİAN” xəbər verir ki, bu barədə BMT Monitorinq Missiyasının məlumat qeydində deyilir.

“Rusiya Federasiyasının Ukraynaya silahlı hücumu başladığı 24 fevral 2022-ci il səhər saat 4:00-dan 8 mart 2022-ci il gecə yarısına qədər (yerli vaxt) Birləşmiş Millətlər Təşkilatının İnsan Hüquqları üzrə Ali Komissarlığı Ukraynada 1424 mülki vətəndaşın ölümü və yaralanması faktını qeydə alıb: 516 ölü və 908 yaralı”, - hesabatda deyilir.

Ölən 516 nəfərdin 98-i kişi, 60-ı qadın, 23-ü uşaq və 321-i yaşlılardı.

908 yaralının isə 78-i kişi, 57-si qadın, 34-ü uşaq və 723-ü yaşlılardı.

Eyni zamanda, Donetsk və Luqansk vilayətlərində 111 ölü və 462 yaralının şəxsiyyəti müəyyən edilib.

Ukraynanın digər bölgələrində (Kiyev, Çerkassı, Çerniqov, Xarkov, Xerson, Kiyev, Nikolayev, Odessa, Sumi, Zaporojye və Jitomir vilayətləri) - 405 ölü və 446 yaralı qeydə alınıb

“Qeyd edilmiş mülki itkilərin əksəriyyəti geniş təsir sahəsinə malik partlayıcı silahların istifadəsi, o cümlədən ağır artilleriya və çoxsaylı reaktiv yaylım atəşi sistemlərindən atəşə tutulması, həmçinin raket və hava zərbələri nəticəsində baş verib”, - məlumatda deyilir.


Bununla yanaşı, BMT-nin İnsan Hüquqları üzrə Ali Komissarlığının İdarəsi hesab edir ki, real itkilər daha çoxdur.

Xatırladaq ki, rus qoşunları fevralın 24-də səhər tezdən Ukrayna ərazisinə hücum edib. O, əvvəlcə hərbi obyektləri bombalayıb, sonra isə dinc yaşayış məntəqələrinə, xüsusən Kiyev, Xarkov, Çerniqov və Mariupol ərazilərinə hücum edib.