ABŞ Suriyada ən böyük bazasını tikir
ABŞ rəhbərliyi Suriyanın şimal-şərqində içində hava limanı da olmaq böyük hərbi baza inşa edir.
Axar.az xəbər verir ki, bu barədə Türkiyənin “Milliyət” qəzeti məlumat yayıb.
Məlumata görə, Hasekenin Əl-Şəddadi qəsəbəsində inşa edilən baza artıq yekunlaşmaq üzrədir:
“İnşa işləri tamamlandıqdan sonra bu, ABŞ ordusunun Suriyadakı ən böyük bazası olacaq. Bu çərçivədə ABŞ Haseke ilə Deyr-əz-Zor rayonları da daxil olmaqla 145 kvadrat kilometr əraziyə nəzarət edə biləcək. Buraya bölgədəki neft yataqları da daxildir. Bir neçə gün əvvəl ABŞ qüvvələri başda “Şəddadi” bazası olmaqla, həm Haseke, həm də Deyr-əz-Zor rayonlarında yerləşən qərargahlarına yanacaq, avtomobillər, yük maşınları, qazma texnikaları və logistika materialları ilə yüklənmiş yüzlərlə maşın göndərmişdi. Məlumata görə, 2019-cu illə müqayisədə “Şəddadi” bazasında ABŞ hərbçilərinin sayı 2 dəfədən çox artırılıb”.