Haftar Türkiyə səfirliyi yaxınlığına raket atdı: ölənlər var

Liviyada qiyamçı Xəlifə Haftara bağlı qüvvələr paytaxt Tripolinin müxtəlif yaşayış məntəqələrinə raket zərbələri endirib.

Axar.az xəbər verir ki, hücum nəticəsində 3 nəfər ölüb, 4 nəfər isə yaralanıb.

Məlumata görə ölən şəxslərin ikisi mühafizəçi olub.

Məsələ ilə bağlı açıqlama verən Milli Razılıq Hökumətinin Xarici İşlər naziri Məhəmməd ət-Tahir Səyyalə raket zərbələrinin Türkiyə və İtaliya səfirlikləri yaxınlığındakı sahil yoluna düşdüyünü deyib.

XİN rəhbəri bu hücumun beynəlxalq qanunlara zidd olduğunu bildirib.