"Vətənin müdafiəsinə hazıram” - Rayon çempionatı keçirilib27 Sentyabr Anım gününə həsr olunmuş rayon tam orta məktəblərinin X-XI sinif şagirdləri arasında “Vətənin müdafiəsinə hazıram” poliatlon çoxnövçülüyü üzrə rayon çempionatı keçirilib.

Sentyabrın 26-da şəhər stadionunda Siyəzən Rayon Gənclər və İdman İdarəsi və Quba-Xaçmaz Regional Təhsil İdarəsinin Siyəzən sektorunun birgə təşkilatçılığı ilə keçirilən yarışda şəhər və kənd tam orta məktəblərinin 13 komandası iştirak edib.

Tədbirin açılış mərasimində Vətən müharibəsi şəhidlərinin xatirəsi bir dəqiqəlik sükutla yad olunub, iştirakçılara Vətən müharibəsinin tarixi əhəmiyyəti və yarışın qaydaları haqqında məlumat verilib. İştirakçı komandalar yarış ərzində çempionatın proqramına uyğun olaraq 100 metr məsafəyə qaçış, turnikdə dartınma və qumbara atma növləri üzrə qüvvələrini sınayıblar.

Çempionatın təşkili Vətən müharibəsi şəhidlərinin xatirəsinin yad edilməsi, gənclərin vətənpərvərlik ruhunda tərbiyə olunması, çağırışyaşlı gənclərin ordu sıralarına hazırlıq səviyyəsinin yüksəldilməsi, idman yarışlarının kütləviliyinin artırılması və gənclər arasında sağlam həyat tərzinin təbliğ olunması məqsədi daşıyıb.

Gərgin mübarizə şəraitində keçən yarışın nəticəsinə əsasən Gilgilçay stansiya tam orta məktəbin komandası I, şəhər 3 saylı tam orta məktəbin komandası II, şəhər 6 saylı məktəb-liseyin və Sədan kənd tam orta məktəbin komandaları isə III olub. Yer tutan komandalar Gənclər və İdman İdarəsinin fəxri fərmanları ilə təltif ediliblər.






#AnımGünü
#AZEsport
#AZEidman
#Gənclərİdman
#idmanhamıüçün
#sağlamhəyat
#Birkimibirlikdə
#SiyəzənGİİ
Tanınmış jurnalist xəstəxanaya yerləşdirildiTanınmış jurnalist Səbuhi Məmmədli xəstəxanaya yerləşdirlib.

Avrasiya.net Modern.az-a istinadən xəbər verir ki, S.Məmmədli Akademik Topçubaşov adına Elmi Cərrahiyyə Mərkəzinə yatırılıb. Ona yüksək şəkərli diabet və kəskin ürək çatışmazlığı diaqnozu qoyulub.

Hazırda onun vəziyyətinin qənaətbəxş olmadığı bildirilib.

Tarif Şurası hökumətə müraciət edəcəkSərnişindaşıma sahəsində fəaliyyət göstərən özəl nəqliyyat şirkətləri ictimai nəqliyyatda mövcud problemlərin aradan qaldırılması, nağdsız ödənişə tam keçidin sürətləndirilməsi və bu sahədə tarif (qiymət) siyasətinə yenidən baxılması barədə müraciət ediblər.

Avrasiya.net xəbər verir ki, bu barədə Axar.az-a Tarif Şurasından bildirilib.

Məlumata görə, müraciətdə göstərilən məsələrlə bağlı optimal qərarın verilməsində kompleks yanaşmanın tələb olunduğunu nəzərə alaraq, Nazirlər Kabineti tərəfindən Rəqəmsal İnkişaf və Nəqliyyat Nazirliyinə bu sahədə xidmətin davamlılığının və rəqabətin təmin edilməsi, xidmət səviyyəsinin yüksəldilməsi məqsədilə aidiyyəti dövlət qurumlarının, bu sahədə fəaliyyət göstərən iri təsərrüfat subyektlərinin nümayəndələrindən ibarət işçi qrupun yaradılması və qaldırılan məsələlərin həlli yollarının müəyyənləşdirilməsi üçün təkliflər hazırlanması tapşırılıb.

Təkliflər hazırlanaraq hökumətə təqdim olunacaq.
"Qarabağ"da şəhidlərimiz anılıb - FotolarNiderland Krallığının Rotterdam şəhərində fəaliyyət göstərən Benilüks Azərbaycanlılarının Konqresi, şəhidlərimizin anım gününə həsr edilmiş mərasim keçirmişdir.

Mərasim, Rotterdam şəhərində yerləşən “Qarabağ” idman klubunun ofisində baş tutmuşdur.

Mərasim, öz işini şəhidlərin ruhunun bir dəqiqəlik sükutu edilməsi ilə başladı.


Sonra, Azərbaycan Respublikasının Dövlət himni səsləndi.

44 günlük müharibəyə həsr edilən filmin nümayişindən sonra, iştirakçıların çıxışları səsləndi.

Hər bir iştirakçını qəhərləndirən şəhidlərimizin şücaəti anıldı, ruhlarına dualar oxundu.

Məclisə, bu ölkədə yaşayan Azərbaycan və türk icma və dərnəklərinin nümayəndələri qatılmışdılar.

Azərbaycan Niderland “Odlar Yurdu” Cəmiyuətinin üzvləri, Hollanda Batı Trakya Türk Kültür ve Dayanışma derneğinin başkanı İbrahim Paşalı və üzvləri, Hollanda Azərbaycan Türk Kültür dərnəyinin nümayəndələri və digərləri qatılmışdılar.



Çixişlardan sonra iştirakçılar ehsan süfrəsinə dəvət olundular.

Allah bütün şəhidlərimizə rəhmət etsin!
Şəhidlərimizin ruhları şad olsun, məkanları cənnət olsun!
Şəhidlər ölməz,
Vətən bölünməz!
Qazaxıstanı 40 mindən çox rusiyalı tərk edib“Rusiyalıların bir çoxu Qazaxıstanı digər ölkələrə getmək üçün tranzit olaraq istifadə edirlər”.

“Kommersant” xəbər verir ki, bu barədə Qazaxıstan DİN-in nümayəndəsi Adil Sarsenov bildirib.

Onun sözlərinə görə, son günlər ərzində Qazaxıstanı 40 min rusiyalı tərk edib. Məlumatda, həmçinin qeyd olunub ki, minlərlə şəxs Qazaxıstan vasitəsilə Qırğızıstan və Özbəkistana gedib.

Bununla yanaşı, Qazaxıstanın əmək naziri Tamara Duysenova bildirib ki, cari ilin əvvəlindən Rusiyadan Qazaxıstana 260 mindən çox insan gəlib.
ABŞ-ın bu cəhdi cavabsız qalmayacaq – İranABŞ-ın İranın suverenliyini pozmaq cəhdləri cavabsız qalmayacaq.

Bunu İran Xarici İşlər Nazirliyinin sözçüsü Nasir Kənani deyib.

“Vaşinqton həmişə İranın sabitlik və təhlükəsizliyini zəiflətməyə çalışsa da, uğursuzluğa düçar olub. ABŞ və Avropa ölkələrinin bəzi liderləri hakimiyyəti dəstəkləyən milyonlarla insanın meydanlarda olmasına baxmayaraq, faciəli hadisədən sui-istifadə edib iğtişaşçılara dəstək olur”, - o bildirib.
Avstriya tarixində bir ilk - Kilisədə Azərbaycan musiqisi səsləndirilibAvstriya Respublikasının paytaxtı Vyana şəhərində yerləşən,Vyananın ən qədim kilisəsi olan Müqəddəs Peter kilsəsində “Şuşa İli” və Diasporla İş üzrə Dövlət Komitəsinin yaradılmasının 20 illiyi münasibətilə “Azad Şuşa” adlı konsert keçirilib.

Avstriya Azərbaycanlıları Cəmiyyətindən Avrasiya.net-ə verilən məlumata görə, cəmiyyətin və Vyanada fəaliyyət göstərən ”Culture Meeting Point” təşkilatının təşkilatçılığı ilə baş tutan tədbirdə Vyanada akkreditasiya olunmuş diplomatik korpusun, yerli ictimaiyyətin və Azərbaycan diasporunun nümayəndələri iştirak ediblər.

Konsert öncəsi çıxış edən “Culture Meeting Point” qurumunun musiqi üzrə rəhbəri, incəsənət üzrə fəlsəfə doktoru, musiqişünas Fərəh Tahirova 2022-ci ilin Azərbaycanda “Şuşa İli“ elan olunduğunu bildirib. Qeyd edib ki, Azərbaycanın mədəniyyət paytaxtı Şuşa şəhəri Azərbaycan mədəniyyətinin inkişafında misilsiz rol oynayıb. Dahi bəstəkar Üzeyir Hacıbəyli başda olmaqla, Niyazi, Bülbül, Xan Şuşinski və digər tanınmış şəxsiyyətləri Azərbaycan musiqi mədəniyyətinə bəxş edib.

O, nəzərə çatdırıb ki, orqan konserti Şərqlə Qərb arasında musiqi körpüsü xarakteri daşıyır və bu konsert çərçivəsində Avstriyada ilk dəfə Azərbaycan muğam musiqisi orqan alətinin ifasında təqdim ediləcək.

Fərəh Tahirova bu konsertin ərsəyə gəlməsində göstərilən dəstəyə görə Diasporla İş üzrə Dövlət Komitəsinə, Avstriya Azərbaycanlıları Cəmiyyətinə və Müqəddəs Peter kilsəsinin direktorluğuna minnətdarlığını bildirib.

Sonra ABŞ-da yaşayan azərbaycanlı musiqiçi, Azərbaycan-Amerika Musiqi Fondunun təsisçisi və icraçı direktoru, professor Cəmilə Cavadova-Spitzberq çıxış edib. Tanınmış musiqiçinin ifasında Azərbaycan və alman bəstəkarları Qara Qarayev, Vasif Adıgözəlov, Aqşin Əlizadə, Yohann Ernst Eberlin, Georq Mufat və Yozef Rennerin əsərləri təqdim edilib.
Kremldən Blinkenin nüvə açıqlamasına CAVAB"Moskva və Vaşinqton arasında nüvə silahı ilə bağlı təmaslar arabir olsa da, lazımi səviyyədə gedir".

Avrasiya.net xəbər verir ki, bu barədə Kremlin sözçüsü Dmitri Peskov bildirib.

“İki ölkə arasında dialoq kanalları var, lakin çox azdır", - deyə Kreml sözçüsü vurğulayıb.

Qeyd edək ki, bir müddət əvvəl ABŞ dövlət katibi Entoni Blinken Rusiya lideri Vladimir Putinin nüvə silahı ilə bağlı bəyanatları fonunda Vaşinqtonun Moskva ilə daimi təmasda olduğunu açıqlayıb.
Qəbələ RLS-də mühafizəçi öldüQəbələ Radiolokasiya Stansiyasında mülki işçi cərəyan vurması nəticəsində ölüb.

Avrasiya.net Trend-ə istinadən xəbər verir ki, Qəbələ Radiolokasiya Stansiyasında mühafizəçi kimi çalışan 1981-ci il təvəllüdlü Sərvan Hüsyen oğlu Balasoltanovu cərəyan vurması nəticəsində hadisə yerində ölüb.

Faktla bağlı araşdırma aparılır.