Prezidentlə görüşdə iştirak edən bir gəncin təəssüratlarıPrezidentlə görüşdə iştirak edən Azərbaycan Skautlar Assosiasiyasının Baş Katibi Ülvi Məmmədovun təəssüratları

Fevralın 2-də Bakıda Azərbaycan Gəncləri Gününün 25 illiyinə həsr olunmuş Gənclər Forumu keçirilib. Azərbaycan Respublikasının Prezidenti İlham Əliyev Forumda iştirak edib.

Ölkədə müxtəlif sahələr üzrə uğurlu gənclər Cənab Prezidentlə görüşüblər. Azərbaycan Skautlar Assosiasiyasının Baş katibi Ülvi Məmmədov (Camalsoy) da həmin forumda iştirakçı kimi yer alırdı. Ülvi Camalsoy öz təəssüratlarını belə ifadə etdi:

"Gülüstan sarayında təşkil olunan Gənclər Forumunda iştiraka məni layiq görən şəxslərə təşəkkürümü bildirirəm. Bu böyük nailiyyətdir. Azərbaycan Gəncləri Günü 25 il öncə - 1997-ci ildə Ulu öndər Heydər Əliyevin sərəncamı ilə təsdiq olunub. Bu, Heydər Əliyevin gəncilyə göstərdiyi diqqət və qayğının bir nümunəsi idi. Gənclər günü MDB məkanında və Şərqi Avropa ölkələri arasında ilk dəfə olaraq Azərbaycanda qeyd olunub. Bu cür möhtəşəm gündə, günün 25 illiyində 3 milyona yaxın gəncdən Forumda iştirak üçün layiq görülən təqribən 200-ə yaxın gəncdən biri olmaq çox qürurverici idi. Məhz bu Forumda 25 il öncə təsis edilən sanballı, beynəlxalq statuslu bir təşkilatı - Azərbaycan Skautlar Assosiasiyasını təmsil etmək fəxarət hissi idi.

Bütün dünyada Skautinq hərəkatı uşaq, yeniyetmə və gənclərin kamil vətəndaş kimi yetişməsinə dəstək göstərir. Skaut fəaliyyəti mənsub olduğu yaş qruplarının 6 istiqamət üzrə: fiziki, sosial, əqli, psixoloji, sosial və xarakter inkişafını təmin edir. Cari zaman üzrə dünyada 57 milyon insan skautdur. Onlar daha yaxşı dünya yaratmaq üçün çalışır. Edərək öyrənir, cəmiyyətin malik olduğu problemlərin həlli üçün çalışırlar.

Məhz cənab Prezidentin Forum zamanı biz gənclərə verdiyi nəsihətlər də bu istiqamətdə idi. Fiziki inkişafla bağlı Azərbaycan Rus Gəncləri Assosiasiyasının üzvü, dostum Denis Quzlayevin cənab Prezidentə verdiyi suala cavab olaraq İlham Əliyev deyir:
"Əziz dostlar, əziz gənclər, məsləhət görürəm ki, idmanla məşğul olun, fiziki sağlamlığınızı qoruyun, gücləndirin. Bu, mümkündür. Məşq etmək lazımdır və hədəfə çatmaq üçün, necə deyərlər, tər tökmək lazımdır. Bunsuz həyatda heç nə alınmır."

Məndən başqa Azərbaycan Skautlar Assosiasiyasının rəhbəri olduğum Müvəkkillər Şurasının Beynəlxalq fəaliyyətlər üzrə Müvəkkili Fərid Süleyman və Lənkəran rayonu üzrə Müvəkkili Orucəli Abbaszadə də forumda iştirak edirdilər. Onlar da mənsub olduğu digər təşkilatları təmsil edirdilər. Heç kimə sirr deyil ki, Azərbaycan Skautlar Assosiasiyasının bir qism böyükyaşlı üzvləri II Vətən Müharibəsi zamanı istər ön, istərsə də arxa cəbhədə Vətənə xidmət etmişlər. Vətən müharibəsi qazisi, gənclər üçün Prezident mükafatçısı Orucəli Abbaszadə dediklərimə misal ola bilər. Forum zamanı onun "Milli ruhda yetişən bu gənclər bundan sonrakı dövrdə hansı addımlar atmalıdır ki, mənfur düşmənin Azərbaycan xalqının başına gətirdiyi bu bəlalar bir də təkrarlanmasın və müasir Azərbaycan gənci nələr etməlidir ki, ölkəmizin inkişafı üçün daha çox töhfə vermiş olsun?" sualına Prezident İlham Əliyev cavab verir:

"...Bu gün bizim qəhrəman gənclərimiz - dövlət tərəfindən yüksək orden, medallarla təltif edilmiş gənclərimiz gənc yaşlarında uşaqlar üçün nümunə olublar, 18, 20, 25, 30, 35 yaşında nümunə olublar. Onlar bu məsuliyyəti dərk edirlər və həyatda özlərini elə aparmalıdırlar ki, bu yüksək məsuliyyət daim onların üzərində olsun, uşaqlar, yeniyetmələr onlara baxıb, onlar kimi olmaq istəsinlər. Müharibədə iştirak etmiş və qəhrəmanlıq göstərmiş on minlərlə Azərbaycan gəncinin üzərinə indi bax, bu məsuliyyət düşür və əminəm ki, gənclər bunu dərk edir və öz əməlləri ilə yeni yetişən nəsil üçün də nümunə olacaqlar."

Prezident İlham Əliyev biz gənclərin suallarına səmimi və ətraflı cavab verərək bizi maraqlandıran mövzulara toxundu. Bizim günümüzdə bizimlə birgə olan və öz dəyərlivaxtını bizə ayıran cənab Prezidentə təşəkkür edirəm!"
Bakıda daha iki məktəb koronaya görə bağlandıBakıda 20 nömrəli məktəb-liseyin fəaliyyəti fevralın 4-dən distant təhsil formasında davam etdiriləcək.

Avrasiya.net xəbər verir ki, Gigiyena və Epidemiologiya Mərkəzi tərəfindən COVİD-19 infeksiyasına yoluxma və qarşılıqlı təmas halları ilə bağlı məktəb-liseydə əyani tədris prosesinin 7 gün müddətinə distant təhsillə əvəz olunmasına qərar verilib.

Bundan başqa, analoji vəziyyətlə əlaqədar paytaxtdakı 177 nömrəli tam orta məktəb də distant tədrisə keçib.
Səlim Müslümovun həbs müddəti uzadıldıSabiq əmək və əhalinin sosial müdafiəsi naziri Səlim Müslümovun cinayət işi üzrə həbs qətimkan tədbirinin müddəti uzadılıb.

Avrasiya.net xəbər verir ki, Səbail Rayon Məhkəməsində həbs qətimkan tədbirinin uzadılması ilə bağlı bağlı istintaq orqanının təqdimatına baxılıb və həbs müddəti daha 1 ay artırılıb.

Qeyd edək ki, S.Müslümov Azərbaycan əmək və əhalinin sosial müdafiəsi naziri vəzifəsində işlədiyi müddətdə nazirliyin fəaliyyət istiqamətləri üzrə əlillərin və sağlamlıq imkanları məhdud uşaqların reabilitasiyası və sosial müdafiəsinin təşkil edilməsi, işəgötürənlərin əmək, məşğulluq və sosial müdafiə məsələləri ilə bağlı fəaliyyətlərinə dövlət nəzarətinin həyata keçirilməsi və digər səlahiyyətlərin yerinə yetirilməsi zamanı çoxsaylı sui-istifadə hallarına yol verməsinə dair faktlar DTX-də araşdırıl­ıb.

Toplanılan materiallar əsasında başlanılan cinayət işi üzrə Səlim Müslümovun xidməti vəzifələrinin icrası ilə əlaqədar özü üçün qanunsuz üstünlüklər əldə etmək məqsədilə qulluq səlahiyyətlərindən tamah niyyəti ilə qulluq mənafeyinə qəsdən zidd olaraq istifadə edib dövlətin qanunla qorunan mənafelərinə ağır nəticələrə səbəb olan zərər vurmasına, habelə onun tərəfindən tabeçiliyində işləyən vəzifəli şəxslərdən vasitəçi kimi istifadə etməklə müxtəlif rayonlarda əlillər üçün fərdi yaşayış və internat evlərinin tikinti-təmirinin aparılması işlərini yerinə yetirən fiziki və hüquqi şəxslərə ayrılmış pul vəsaitlərinin bir hissəsinin tələb edilərək alınmasına əsaslı şübhələr müəyyən edilib.

Həmçinin Səlim Müslümovun nazirliyin Dövlət Əmək Müfəttişliyi Xidməti tərəfindən ölkə ərazisində istehsal, sosial-məişət və iaşə təyinatlı obyektlərin inşası və yenidən qurulması zamanı əməyin mühafizəsi tələblərinə əməl olunması, onların istismara buraxılmasına razılığın verilməsi, əməyin mühafizəsi tələblərinə uyğunluğu ilə bağlı müəssisələrdə aparılmış yoxlamaların nəticələrinə görə müxtəlif vaxtlarda külli miqdarda pul vəsaitləri qismində təkrar rüşvət almasına dair məlumatlar əldə olunub.

Eyni zamanda, Daxili nəzarət şöbəsi tərəfindən ərazi strukturlarında aparılmış yoxlamaların nəticələri ilə bağlı onun həmin nazirliyin müxtəlif ərazi şöbələrinin rəhbərlərinin hər birindən 10 mindən 30 min manatadək külli miqdarda təkrar rüşvət almasına əsaslı şübhələr müəyyən edilib.

Səlim Müslümov Azərbaycan Respublikası Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə təqsirləndirilən şəxs qismində məsuliyyətə cəlb olunaraq barəsində məhkəmənin qərarı ilə həbs qətimkan tədbiri seçilib.
Milli-mənəvi dəyərlərimiz gənclərimizin yolunu işıqlandıran  ən böyük sərvətimizdirBu fikri Azərbaycan Ağsaqqallar Şurasının sədri, millət vəkili, professor Eldar Quliyev Şurada keçirilən növbəti iclas zamanı səsləndirib.

Eldar Quliyevin iştirakı ilə keçirilən tədbirdə sədrin birinci müavini, deputat, akademik Əhliman Əmiraslanov, müavinlər – deputat, professor Eldar İbrahimov, professor Elmira Süleymanova, Bayram Yusifov, professor Vahid Novruzov, həmçinin ölkəmizin bir sıra rayonlarının Ağsaqqallar Şuralarının sədrləri, o cümlədən Şuranın Aparat rəhbəri Ramin Həsənli, böyük məsləhətçi-hüquqşünas Kamal Əliyev və təşkilatın digər rəsmi şəxsləri Zahid Abbasov, Rafiq Rzayev, Elşad Quliyev iştirak ediblər.

İclasda Vətən uğrunda canlarından keçən şəhidlərimizin və Qazax Rayon Ağsaqqallar Şurasının mərhum sədri Sabir Məhərrəmovun xatirəsi bir dəqiqəlik sükutla yad edildikdən sonra çıxış edən Eldar Quliyev tədbir iştirakçılarını salamlayaraq Müzəffər Ali Baş Komandan İlham Əliyevin başçılığı altında rəşadətli Ordumuzun qazandığı möhtəşəm Qələbədən sonra işğaldan azad olunmuş torpaqlarımızda infrastrukturun bərpa olunması məqsədilə böyük quruculuq işlərinin getdiyini bildirib. O qeyd edib ki, biz ağsaqqallar da üzərimizə düşən vəzifələrin öhdəsindən layiqincə gəlməli, dövlətimizin apardığı siyasətə daim dəstək olmalı, xüsusilə də əhalimizin həssas təbəqəsi olan şəhid ailələrinə və qazilərə diqqətimizi əsirgəməməliyik. Hər bir şəhid ailəsinin və qazinin bizim üçün əziz olduğunu vurğulayan Eldar Quliyev təəssüf hissi ilə deyib ki, müharibə ilə heç bir əlaqəsi olmayan bəzi saxtakar insanlar bu müqəddəs adlardan sui-istifadə etməyə çalışırlar.

Belə hallarla qəti mübarizə aparmalı olduğumuzu bildirdikdən sonra Eldar Quliyev tədbir iştirakçılarına Azərbaycan Respublikasının Prezidenti cənab İlham Əliyevin “Biz neft kapitalını insan kapitalına çevirməlik” şüarını xatırladaraq qeyd edib ki, bu gün bizim gələcəyimiz olan Gənclər Günüdür və biz ağsaqqallar gənclərimzlə aparılan işlərimizi daha da intensivləşdirməli, onlara milli-mənəvi dəyərlərimizi dərindən aşılamalı, lazımi tövsiyə və məsləhətlərimizi verməliyik.

Unutmamalıyıq ki, milli-mənəvi dəyərlərimiz gənclərin yolunu işıqlandıran ən böyük sərvətimizdir, bu dəyərlərin əsas daşıyıcıları isə tarix boyu ağsaqqallar olublar. Daha sonra təhsil sahəsindəki problemlərə toxunan natiq xüsusilə bölgələrdə, əsasən, qızların məktəblərə buraxılmamağının, onların erkən yaşlarında ərə verilmələrinin yolverilməz olduğunu bildirib və bu problemlərin həllində ağsaqqalların yaxından iştirak etmələrinin vacibliyini vurğulayıb. Azərbaycan Ağsaqqallar Şurasının ideoloji fəaliyyət istiqamətləri ilə bağlı proqramından, təşkilatın 2022-ci il üçün hazırlanmış iş planından söhbət açan Eldar Quliyev Şuranın nümayəndə heyətinin Türk Dövlətləri Təşkilatı (TDT) Ağsaqqallar Şurasının sədri, Türkiyənin sabiq Baş naziri, Ədalət və İnkişaf Partiyasının sədr müavini Binəli Yıldırımın dəvəti ilə Türkiyəyə işgüzar səfərindən də bəhs edib. O, səfər çərçivəsində Binəli Yıldırımla, TDT-nin baş katibi Bağdad Amreyevlə və digər rəsmi şəxslərlə keçirilən məhsuldar görüşlərin, türk dövlətlərinin müvafiq qurumları arasında qurulan qarşılıqlı faydalı əməkdaşlığın əhəmiyyətindən söhbət açıb və bu əlaqələrin daha da artırılması, təcrübə mübadiləsinin aparılması üçün yaxın gələcəkdə onların da Azərbaycana dəvət olunacaqlarını bildirib.

Azərbaycan Ağsaqqallar Şurası sədrinin müavini Bayram Yusifov tədbir iştirakçılarını salamlayaraq iclasda iştirak edən, iş bölgüsü əsasında nəzarət etdiyi şəhər və rayon təşkilatlarının sədrlərinin böyük həyat təcrübəsinə malik ağsaqqallar olduğunu qeyd edib. O bildirib ki, ağsaqqal olan yerdə ruzi-bərəkət var, sabaha inam var, əmin-amanlıq var, ona görə də Allah heç bir ailəni, nəsli, cəmiyyəti, dövləti ağsaqqalsız etməsin. Bayram Yusifov ümummilli lider Heydər Əliyevin ölkə rəhbərliyində olmadığı dövrlərdə Azərbaycanın yaşadığı xaos, hərc-mərclik və digər problemlərə toxunaraq qeyd edib ki, həmin vaxt ölkənin müdrik insanları – ağsaqqallar yığışaraq xalqın adından Ulu Öndərə müraciət etdilər və o, əsl ağsaqqallıq nümayiş etdirərək xalqımızın təkidli tələbi ilə hakimiyyətə qayıtdı, Azərbaycanı parçalanmaq təhlükəsindən, bir çox bəlalardan xilas etdi. Həmçinin 44 günlük Vətən müharibəsindən bəhs edən natiq vurğulayıb ki, indi həyatımızın ən parlaq səhifəsini yaşayırıq və bu sevinci, bu qüruru bizə bəxş etdiyinə görə Müzəffər Ali Baş Komandana, igid əsgər və zabitlərimizə, qazilərimizə, qəhrəman Azərbaycan xalqına minnətdarlığımızı bildirir, şəhidlərimizin ruhu qarşısında baş əyirik. Bayram Yusifov onu da qeyd edib ki, bizim gələcəyimiz etibarlı əllərdədir, çünki Azərbaycan Respublikasının Prezidenti cənab İlham Əliyevin rəhbərliyi dövründə çox vətənpərvər, igid, cəsarətli və yüksək intellektli gənc nəsil yetişib. Sonda natiq bildirib ki, biz də hər zaman bütün işlərdə möhtərəm Prezidentimizə dəstək olmalı, onun ətrafında dəmir yumruq kimi birləşərək daha xoşbəxt Azərbaycan naminə öz səylərimizi əsirgəməməliyik.

Azərbaycan Ağsaqqallar Şurası sədrinin müavini, professor Elmira Süleymanova qısa nitqlə çıxış edərək ruhən gənc olan ağsaqqalları Gənclər Günündə ürəkdən salamlayıb və qeyd edib ki, ölkəmizdə hələ də pandemiyanın davam etməsinə baxmayaraq, təşkilatda əvvəlki illərlə müqayisədə canlanma və inkişaf var. O belə gözəl insanlarla işlədiyi üçün şad olduğunu bildirərək, hər kəsə möhkəm sağlamlıq və gələcək fəaliyyətində uğurlar arzu edib.

Tədbirdə çıxış edən Gəncə Şəhər Ağsaqqallar Şurasının sədri, professor Xalid Qurbanov, Şəmkir Rayon Ağsaqqqallar Şurasının sədri, I Qarabağ müharibəsinin iştirakçısı Bilal Məmmədov, Samux Rayon Ağsaqqqallar Şurasının sədri Gəray Bayramov və digər rayon sədrləri öz fəaliyyətlərindən bəhs edərək, gələcəkdə də ölkəmizin ictimai-siyasi və sosial-mədəni həyatında yaxından iştirak edəcəklərini, Azərbaycanın inkişafı üçün əllərindən gələni əsirgəməyəcəklərini bildiriblər.

Sonda Eldar Quliyev Azərbaycan Ağsaqqallar Şurasının İdarə Heyətinin üzvü, Miniatür Kitab Muzeyinin təsisçisi və rəhbəri, Əməkdar Mədəniyyət İşçisi Zərifə xanım Salahovanı 90 illik yubileyi münasibətilə İdarə Heyətinin üzvləri adından təbrik edib və tədbirdə iştirak edən şəhər, rayon sədrlərinə yeni vəsiqələr təqdim edərək, onlara gələcək fəaliyyətlərində uğurlar arzulayıb.

Belçikalı deputat: “Türk Ağsaqqalları Birliyinin Türk dünyasına pəncərə olacağına heç bir şübhəm yoxdur”“İnanıram ki, Türk Ağsaqqalları Birliyi Türk dünyası ilə bağlı akademik, sosial, siyasət, mədəniyyət istiqamətində önəmli addımlar atacaq və layihələr həyata keçiricək. Mənim buna heç bir şübhəm yoxdur. Artıq birlik Türkiyədə, Moldovada uğurlu tədbirlər təşkil edib”.

Avrasiya.net xəbər verir ki, bu sözləri Belçika parlamentinin deputatı Şevket Temiz Azərbaycanda təsis edilən Türk Ağsaqqalları Birliyinin (TAİB) önəmindən danışarkən deyib.

O bildirib ki, Belçika Parlamentinin deputatı olaraq birliyin həyata keçirəcəyi layihələrdə iştirak etməyə hazırdır: “Mən öz təcrübələrimə dayanaraq nəcib fəaliyyətə töhfələrimi verə bilərəm. Bu yalnız fəaliyyətə öz müsbət təsirini göstərər və məni də çox sevindirər. Türk Ağsaqqalları Birliyi Türk dünyasına bir pəncərə olacağına heç bir şübhəm yoxdur. Birlikdə inkişaf potensialı görürəm. Başda birliyin təsisçisi Ramin Əhmədov olmaqla, bütün üzvləri təbrik edir, müvəffəqiyyət arzulayıram”.
Ulyanovskda azərbaycanlı qubernatorun müşaviri təyin olundu“Ulyanovsk Regional Azərbaycan Milli-Mədəni Muxtariyyəti” (URAMMM) ictimai təşkilatının sədri İslam Hüseynov bu vilayətin qubernatoru Aleksey Russkixin ictimai əsaslarla müşaviri təyin edilib.

Bu barədə Diasporla İş üzrə Dövlət Komitəsindən məlumat verilib.

URAMMM sədri İslam Hüseynov bildirib ki, bununla bağlı qubernator Aleksey Russkix 31 yanvar 2022-ci il tarixli müvafiq sərəncam imzalayıb.

Göstərdiyi etimada görə qubernatora minnətdarlığını bildirən soydaşımız bu addımı Azərbaycan diasporunun Ulyanovsk vilayətindəki uzunmüddətli fəaliyyətinə verilən yüksək qiymət adlandırıb. “Qubernator komandasında olmaq böyük şərəf və məsuliyyətdir. Ulyanovsk vilayətinin qarşısında, o cümlədən millətlərarası sferada bir çox mürəkkəb və maraqlı məsələlər durur. Onların həllinə öz töhfəmi verməyə ümid edirəm”, - deyə diaspor təşkilatının sədri söyləyib.

Qeyd edək ki, İ.Hüseynov 2005-ci ildən Ulyanovsk vilayətində Azərbaycan diaspor təşkilatının rəhbəridir. Ulyanovsk vilayətinin qubernatoru yanında Millətlər Şurasının üzvüdür. Onun rəhbərliyi ilə URAMMM müntəzəm olaraq Ulyanovsk vilayətində mədəniyyət, idman, xeyriyyə və təhsil layihələrini həyata keçirir. Bu layihələr əsasında Ulyanovsk Xalqlar Dostluğu Parkının ərazisində Azərbaycanın ekspozisiyası bərpa edilib, xalqımızın ümummilli lideri Heydər Əliyevin abidəsi ucaldılıb və onun adını daşıyan meydan salınıb. URAMMM fəalları Heydər Əliyevin adını daşıyan 78 nömrəli Ulyanovsk orta məktəbinin şagird-müəllim kollektivinə xüsusi diqqət və qayğı ilə yanaşırlar.

Xatırladaq ki, Azərbaycan Prezidenti İlham Əliyevin müvafiq sərəncamı ilə İslam Hüseynov “Tərəqqi” medalı ilə təltif edilib. Soydaşımız həmçinin Ulyanovsk vilayəti hökumətinin “Xalqlar dostluğu” medalına layiq görülüb.
Ramiz Mehdiyev getməlidirmi? GetməlidirOnun AMEA-nın prezidenti vəzifəsinin öhdəsindən gələ bilməməsi göz qabağındadır. Ölkə ictimaiyyətinin əksəriyyəti tamamilə haqlı olaraq belə düşünür. Onun 2019-cu ildə bu elmi quruma rəhbər seçilməsindən sonra akademiyada elmi mühitin yerini yalnız intriqalar, qalmaqallar, həqiqi elm adamlarının buranı tərk etməsi kimi bir çox neqativ hallar tutub. Ona görə də istər elm adamları, istərsə də bütövlükdə cəmiyyət R.Mehdiyevin bu cür qeyri-elmi “macəra”larından yorulub. Deməli, Ramiz Mehdiyev AMEA-dan mütləq getməlidir. Bu qeydsiz-şərtsizdir.

Ancaq Ramiz Mehdiyevə görə əsəbləri tarıma çəkilənlərin hətta AMEA-nın özünün də ləğv edilməsi tələbi ilə çıxış etmələrini isə heç də rasional yanaşma hesab etmirəm. Ümumiyyətlə, ”AMEA bizə lazımdırmı?", “Bu qurum niyə ləğv olunmur?" kimi fikirləri gündəmə gətirməyi indiki mərhələdə zərərli mövqe kimi qiymətləndirirəm. Vaxtilə nəhəng elm adamlarımız tərəfindən təməli qoyulmuş bu böyük elmi müəssisə son illərdə məhz Ramiz Mehdiyevin ucbatından iflic duruma düşübsə, indi bu bizə heç bir əsas vermir ki, AMEA-nı ləğv edək və onun tərkibindəki elmi-tədqiqat institutlarını da universitetlərin balansına verək.

Çünki nə həmin tədqiqat instutları, nədəki universitetlərimiz birdən-birə bu cür transformasiyaya hazır deyil. Bununçün zamana ehtiyac var, tədrici islahatlara ehtiyac var. Öncə zəmin hazırlanmalıdır. Hazırkı məqamda isə əsas məsələ elmimizin başı üzərindən “Damokl qılıncı” kimi asılmış Ramiz Mehdiyevin AMEA-nın rəhbəri postundan dərhal uzaqlaşdırılmasıdır. Ramiz Mehdiyevin gedişi ilə elmimizin yolu açılacaq.

Əlisahib Hüseynov,
Milli Həmrəylik Partiyasının sədri
“AzerGold”da müşavirə keçirilib“AzerGold” Qapalı Səhmdar Cəmiyyətində (QSC) 2021-ci ilin yekunları və qarşıda duran vəzifələrə həsr olunmuş onlayn müşavirə keçirilib.

Avrasiya.net xəbər verir ki, müşavirədə çıxış edən “AzerGold” QSC-nin İdarə Heyətinin sədri Zakir İbrahimov ötən ilin Cəmiyyət üçün əlamətdar dövrə, şirkətin fəaliyyətə başlamasının 5-ci ildönümünə təsadüf etdiyini xatırladıb. Səhmdar Cəmiyyətin bu illər ərzində kifayət qədər uğurlu yol qət etdiyini deyən sədr ötən il Prezident İlham Əliyevin Çovdar İnteqrəolunmuş Regional Emal Sahəsinə gerçəkləşdirdiyi tarixi səfərinin şirkətin fəaliyyətinə verilən ən yüksək qiymət və əlavə stimul olduğunu diqqətə çatdırıb. Zakir İbrahimov dövlət başçısının dağ-mədən sahəsinin ölkənin qeyri-neft sektorunda aparıcı sahəyə çevrildiyini xüsusilə vurğuladığını və şirkətin fəaliyyətinə dair bir sıra vacib tapşırıqlar verdiyini qeyd edib.

İdarə Heyətinin sədri bildirib ki, Cəmiyyətin strategiya sənədi çərçivəsində əlvan və qara metal yataqlarının yol xəritəsinə uyğun vaxtında və səmərəli icrası ilə dağ-mədən sənayesi qeyri-neft sektorunun əsas sahəsi kimi iqtisadiyyatın davamlı tərəqqisinə əlavə töhfələr veriləcək. Eyni zamanda, işğaldan azad edilən ərazilərimizdə əlvan metal ehtiyatlarının potensialı bu sahənin gələcək inkişafında böyük rol oynayacaqdır. Z.İbrahimov ötən il Cəmiyyət tərəfindən “Tutxun” qızıl təzahürü sahəsində başlanılan ilkin tədqiqat işlərinin gələcəkdə təkcə Kəlbəcər deyil, bütövlükdə Şərqi Zəngəzur iqtisadi rayonunun sosial-iqtisadi inkişafına müsbət təsir edəcəyinə əmin olduğunu qeyd edib, şirkətin bundan sonrakı mərhələlərdə də dövlət tərəfindən bu istiqamətdə aparılacaq vahid siyasətə bütün resursları vasitəsilə dəstək verəcəyini vurğulayıb.

İdarə Heyətinin sədri strateji hədəflər çərçivəsində ötən il də hasilat, satış, geoloji kəşfiyyat, eləcə də digər sahələrdə işlərin plandan daha artıq və tam qrafik üzrə yerinə yetirildiyini müşavirə iştirakçılarının diqqətinə çatdırıb. Müşavirədə qızıl, polimetal və dəmir filizi yataqları üzrə görülmüş işlər, qiymətli metalların beynəlxalq və daxili bazarlarda satışı, geoloji kəşfiyyat və tədqiqat işləri, maliyyə göstəriciləri, törəmə şirkətlərin fəaliyyəti və digər istiqamətlər üzrə əldə edilmiş nəticələr barədə məlumat verilib.

Qeyd edilib ki, ötən il yataqların mineral-xammal resurslarından istifadənin səmərəliliyinin yüksəldilməsi və istehsalat proseslərinin optimallaşdırılması üzrə bir sıra vacib addımlar atılıb. Hesabat ilində hasilat göstəriciləri 61.5 min unsiya qızıl, 134.4 min unsiya gümüşə çatdırılıb. Beləliklə, qızıl hasilatı plandan 11%, gümüş hasilatı isə 55% daha artıq icra edilib. 2020-ci illə müqayisədə 2021-ci ildə qızıl hasilatı üzrə 2.5%, gümüş hasilatı üzrə 10.9% artım qeydə alınıb.

İclasda, həmçinin ölkədə metallurji xammal bazasının formalaşdırılması istiqamətində nəzərdə tutulmuş layihələr də müzakirə edilib. Qısa müddət ərzində dəmir filizi yataqlarının hasilata verilməsi və metal qırıntılarını əvəzləyən, həmçinin daha keyfiyyətli metallurji məhsulların istehsalı üçün xammala tələbatın təmin edilməsi istiqamətində atılacaq addımlar və ölkə iqtisadiyyatına veriləcək töhfələrdən bəhs olunub. İdarə Heyətinin sədri bu məqsədlə fəaliyyətin 2 mərhələ üzrə təşkil edilməsinin planlaşdırıldığını qeyd edib. Birinci mərhələdə yüksək dəmir tərkibli filiz konsentratının, ikinci mərhələ üzrə isə birbaşa reduksiya edilmiş dəmirin (və ya isti briketləşdirilmiş dəmirin) istehsalının nəzərdə tutulduğunu diqqətə çatdırıb.

Daha sonra müvafiq şöbələrin rəhbərləri cari ildə görülmüş işlər və layihələrin icra vəziyyətinə dair təqdimatlarla çıxış ediblər.

Z.İbrahimov yeni yataqların istismarına hazırlıq çərçivəsində görülən işlərin sürətləndirilməsi, ehtiyatların artırılması istiqamətində geoloji kəşfiyyat işlərinin daha da intensivləşdirilməsi, bütün sahələr üzrə artım dinamikasının qorunub saxlanılması, qızıl və gümüş məhsullarının daxili pərakəndə satışı, zərgərlik bazarının inkişafına töhfələrin verilməsi, kadr hazırlığı, Cəmiyyətin əsas prioritet sahələrindən biri olan korporativ sosial məsuliyyət və ətraf mühitin mühafizəsi tədbirləri barədə müvafiq tapşırıqlarını verib. Müşavirədə 2022-ci ilin birinci yarımilində görüləcək işlər diqqətə çatdırılıb və tədbirə yekun vurulub.
QHT-lərə Dövlət Dəstəyi Agentliyində Fatma Səttarova ilə görüş keçirilibQeyri-Hökumət Təşkilatlarına Dövlət Dəstəyi Agentliyinin ofisində Müharibə, Əmək və Silahlı Qüvvələr Veteranları Təşkilatının sədri, İkinci Dünya müharibəsinin iştirakçısı Fatma Səttarova ilə görüş keçirilib.

Avrasiya.net xəbər verir ki, görüşdə Agentliyin İcraçı direktoru Aygün Əliyeva Fatma Səttarovanı 100 illik yubileyi münasibəti ilə təbrik edib, səmimi arzularını çatdırıb.

O, Azərbaycanın ictimai həyatında uzunmüddətli səmərəli fəaliyyətinə görə Prezident İlham Əliyev tərəfindən “İstiqlal” ordeni ilə təltif edilməsini Fatma Səttarovanın dövlətçiliklə bağlı işlərinə verilən yüksək dəyər kimi qiymətləndirib.

Gənclər günündə keçirilən görüşü “Nəsillərin görüşü” kimi dəyərləndirən Aygün Əliyeva 100 ilin adamının keçdiyi həyat yolunun və fəaliyyətinin gənclərə əsl nümunə və örnək olduğunu vurğulayıb.

Fatma Səttarova Agentlikdə olmasından və bu görüşdən məmnun olduğunu bildirib. Səmimi şəraitdə keçirilən görüşdə Fatma Səttarova onun həyat fəaliyyətinə dövlət qayğısından, Prezident İlham Əliyevlə görüşündən bəhs edib. Sonra Agentliyin əməkdaşlarının suallarını cavablandırıb, onlara öz tövsiyələrini verib.

Daha sonra Müharibə, Əmək və Silahlı Qüvvələr Veteranları Təşkilatının sədr müavini, ehtiyyatda olan polkovnik Cəlil Xəlilov təşkilatın fəaliyyət göstərdiyi uzun illər ərzində ölkəmizin ictimai-siyasi həyatında fəal iştirak etdiyini və bu gün də yüksək fəallığı ilə seçilən aparıcı ictimai qurumlardan biri olduğunu vurğulayıb. Natiq Respublika Veteranlar Təşkilatının hazırda gənclərin hərbi vətənpərvərlik tərbiyəsinin yüksəldilməsi, onların dövlətimizə və xalqımıza sədaqət ruhunda yetişmələri istiqamətində ardıcıl və səmərəli fəaliyyətindən, veteranların sosial müdafiəsinin gücləndirilməsi sahəsində görülən işlərdən, 44 günlük Zəfər müharibəsinin 500 nəfər gənc veterenı artıq təşkilatın üzvü olduğundan, Təşkilatın xarici ölkələrin müvafiq təşkilatları ilə əməkdaşlıq əlaqələrinin genişləndirilməsindən danışıb.

Sonda 100 illik yubileyi münasibəti ilə Fatma Səttarovaya Agentlik tərəfindən xatirə hədiyyəsi təqdim edilib.