Məktəbli dəm qazından ÖLDÜGöyçayda 11-ci sinif şagirdi bədbəxt hadisənin qurbanı olub.

Avrasiya.net AZƏRTAC-a istinadən xəbər verir ki, hadisə rayonun Şıxəmir kəndində baş verib.

İlkin məlumatlara görə, kənd sakini, 16 yaşlı İsmayılova Aysun Habil qızı yaşadığı evdə dəm qazından zəhərlənib. Kənd sakinlərinin verdiyi məlumata görə, hadisə baş verən günü qızın ailə üzvləri evdə olmayıblar. Ailə üzvləri qayıdarkən Aysun İsmayılovanın səhhətində narahatçılıq olduğunu görərək Göyçay rayon Mərkəzi Xəstəxanasına çatdırıblar. İlkin tibbi yardımdan sonra A.İsmayılova müalicə üçün Respublika Toksikoloji Mərkəzinə çatdırılıb. Həkimlərin müdaxiləsinə baxmayaraq, Aysun İsmayılovanın həyatını xilas etmək mümkün olmayıb.Valideynləri Aysun İsmayılovanın ölüm səbəbini qaz sızması ilə əlaqələndiriblər.

Faktla bağlı Göyçay rayon Prokurorluğu tərəfindən araşdırma aparılır. Ölümün hansı səbəbdən baş verməsi aparılan araşdırmaların sonunda bəlli olacaq.
20 Yanvar Azərbaycan xalqının istiqlal savaşının məhək daşıdır!Xalqın azadlıq istəyi milli düşüncənin ən fenomenal davranış modelidir. Tarixi şura söykənən bu davranış modeli xalqın var olmasını şərtləndirən ən başlıca amildir. 20 Yanvar hadisələri Azərbaycan xalqının Azadlığa gedən yolda ən böyük sınağı, ən parlaq nümunəsi hesab edilməlidir. Müstəqillik tariximizin ayrı-ayrı səhifələrini vərəqləyrkən Şeyx Məhəmməd Xiyabaninin Azadlıq verilmir, alınır fikirində nə qədər haqlı olduğunun şahidi oluruq.

20 Yanvar hadisələri zamanı Azərbaycan xalqının yüzlərlə günahsız vətəndaşı, şəhid edildi, yüzlərlə insan yaralandı, vətəndaşlarımızın xüsusi mülkiyyətdə olan əmlakları dağıdıldı, məhv edildi. Əsas məqsəd Azərbaycan xalqının iradəsini qırmaq onun Azadlıq istəyini boğmaq idi. Lakin Sovet İmperiyasının amansız davranışı xalqımızın Azadlıq istəyini daha da alovlandırdı. Xalqımızın Milli Azadlıq hərəkatı daha da geniş vüsət aldı. 20 Yanvar hadisələri xalqımızın yaddaşında eyni zamanda həm ümumxalq faciəsi, həm də müstəqillik, istiqlal və hürriyyət uğrunda xalqımızın apardığı milli azadlıq hərəkatının zirvəsi kimi Azərbaycan tarixinə həkk olundu. 20 Yanvar hadisələrinin baş vermə səbəblərini araşdırsaq görərik ki, bu faciənin baş verməsində Azərbaycan xalqının milli düşüncəsindən uzaq o dövrki rəhbərliyinin müdafiə olunması və eyni zamanda Dağlıq Qarabağın Ermənistana birləşdirilməsinə qarşı çıxan Azərbaycan xalqının Kreml tərəfindən cəzalandırılması əsas rol oynamışdır. 1990-cı il yanvarın 19-dan 20-nə keçən gecə birbaşa Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə SSRİ Müdafiə Nazirliyi, Dövlət Təhlükəsizlik Komitəsi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilərək , dinc əhalini ağır texnikadan və müxtəlif tipli silahlardan atəşə tutaraq kütləvi qətllər həyata keçirildi. Sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıqla müşayiət edilib. Tətbiq edilmiş fövqəladə vəziyyət haqqında əhali xəbərdar edilməmişdir.

1990-cı il yanvarın ortalarında SSRİ müdafiə və daxili işlər nazirliklərinin, habelə başqa xüsusi təyinatlı hərbi birləşmələrin 66 min nəfərdən çox əsgər və zabiti Bakı şəhərinə gətirilərək, Qala və “Nasoslu” aerodromlarında, Respublika stadionunda, Salyan qışlasında (kazarmasında) yerləşdirilmişdir. Azərbaycana göndərilən ordu hissələrinin tərkibinə Stavropoldan, Rostovdan, Krasnodardan səfərbər edilmiş erməni zabit və əsgərləri, hərbi məktəblərdə təhsil alan erməni kursantları da cəlb edilmişdir. Fövqəladə vəziyyət elan olunanadək və ondan sonra beynəlxalq hüququn hamılıqla qəbul edilmiş prinsipləri kobud surətdə ayaqlar altına atılmış, fövqəladə vəziyyətin tətbiqi və müddətləri barədə əhaliyə rəsmi xəbərdarlıq edilməyərək qanunsuz olaraq xalqı təzyiq altında saxlamağa çalışmışlar. Fövqəladə vəziyyətin yanvarın 20-də saat 00-da tətbiq edilməsinə baxmayaraq, qoşun hissələri yanvarın 19-da saat 21-dən etibarən birinci olaraq Türkan-Qala tərəfdən şəhərə yeridildi. “Bakı əməliyyatı”na rəhbərliyi birbaşa SSRİ müdafiə naziri Dmitri Yazov, SSRİ daxili işlər naziri Vadim Bakatin, SSRİ DTK sədrinin müavini Filip Babkov həyata keçirirmişlər. Adıçəkilən şəxslər Azərbaycan xalqının tarixində günahsız, əliyalın xalqa qarşı rəhimsiz davranan qatillər kimi qalıblar. Fövqəladə vəziyyətin tətbiqi əhaliyə elan olunanadək hərbi qulluqçuların qətlə yetirilməsi və yaralnması (82 nəfəri amansızcasına qətlə yetirmiş, 20 nəfəri ölümcül yaralamışdır). bu hadisələrin qabaqcadan düşünülmüş şəkildə həyata keçirilməsinin sübutudur. Qanlı yanvar hadisələri təkcə paytaxt Bakını deyil o cümlədən fövqəladə vəziyyətin elan olunmadığı rayonlarda Naxçıvanda, Neftçalada və Lənkaranda da həyata keçirildi. Ümumilikdə Respublikada 147 nəfər öldürülmüş (8 nəfər Lənkaranda öldürülmüşdür ), 744 nəfər yaralanmış, 841 nəfər qanunsuz həbs olunmuş, 200 ev və mənzil, 80 avtomaşın, o cümlədən təcili yardım maşınları, dövlət əmlakı və şəxsi əmlak məhv edilmişdir. Dövlət, ictimai və şəxsi əmlaka həmin dövrün qiymətləri ilə 5.637.286 rubl miqdarında maddi ziyan vurulmuşdur. Şübhəsiz ki, bu cinayət Beynəlxalq hüquqi məsuliyyətdən yayınmış hərbi cinayət idi. SSRİ rəhbərliyi tərəfindən həyata keçirilən bu bəşəri cinayəti həmin dövrlərdə obyektiv siyasi hüquqi qiymət alması qeyri-mümkün idi.

Təsadüfi deyil ki, SSRİ Baş Prokurorluğunun ədliyyə polkovniki V.Medvedyevin istintaq qrupu hərbçilərin hərəkətlərində cinayət tərkibinin olmaması nəticəsinə gəlmiş və 20 iyul 1990-cı il tarixində cinayət işinin xitam olunması barədə qərarı vermiş 100 cildlik istintaq materiallarının 68 cildi Bakıdan Moskvaya, keçmiş SSRİ Prokurorluğuna aparılaraq geri qaytarılmamışdır. Ümumili Lider Heydər Əliyev hakimiyyətə qayıdana kimi bu qanlı faciəyə siyasi hüquqi qiymət verilməmşidir. Lakin elə həmin dövrdə də 20 Yanvar hadisələrinə ilk rəsmi etiraz Ulu Öndər Heydər Əliyev tərəfindən səsləndirilmişdir. 21 yanvar 1990-cı il tarixində Sovet rejiminin qadağalarına baxmayaraq, həyatını təhlükə qarşısında qoyaraq Azərbaycanın Moskvadakı Daimi Nümayəndəliyinə gələn Heydər Əliyev qanlı faciənin təşkilatçılarını dünya ictimaiyyəti qarşısında ittiham etdi. Cəsarətli bəyanat verərək əliyalın xalqın qırılmasını hüquqa, demokratiyaya, humanizmə zidd, Moskvanın və respublika rəhbərlərinin günahı üzündən yol verilmiş kobud siyasi səhv kimi ifşa etmişdir. Heydər Əliyev Bakıya rus ordusunun yeridilməsi ilə bağlı SSRİ rəhbərliyinin qərarını kəskin tənqid edərək, rəsmi açıqlamanı tələb etdi: “Azərbaycana kənardan böyük ordu kontingenti yeridilmişdir. Respublikada neçə ordu birləşməsinin olduğu mənə yaxşı bəllidir. Azərbaycanda kifayət qədər - 4-cü ordu, Xəzər Hərbi Dəniz Donanması, desant qoşunlarının diviziyası, Hava Hücumundan Müdafiə Qoşunları, DİN-in daxili qoşun birləşmələri vardır. Oraya əlavə qoşun yeritmək nəyə lazım idi? Əgər belə zərurət var idisə, orada yerləşən hərbi hissələrdən də istifadə etmək olardı. Belə qərar qəbul edən Azərbaycan rəhbərliyi, hamıdan əvvəl isə Azərbaycanı qoyub qaçmış Vəzirov, öz xalqı qarşısında məsuliyyət daşımalıdır”

Həmin faciəvi günləri yaxşı xatırladığını bildirən Prezident İlham Əliyev bildirir: “Hamımız yaxşı xatırlayırıq ki, pensiyada olan Heydər Əliyev faciə baş verəndən dərhal sonra Azərbaycanın Moskvadakı Daimi Nümayəndəliyinə gəlmişdi, öz etiraz səsini ucaltmışdı. O vaxt Sovet İttifaqının çökməsinə hələ iki il vaxt qalırdı. Biz o vaxt Sovet İttifaqının rəhbərliyinə qarşı açıq ittihamları, demək olar ki, çox nadir hallarda görürdük. Bu, böyük cəsarət tələb edirdi. Heydər Əliyev həmişə olduğu kimi, o ağır günlərdə də xalqla bərabər, birlikdə idi”.

Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etmişdir. Bundan sonra isə Heydər Əliyevin təşəbbüsü ilə 29 mart 1994-cü il tarixində Azərbaycan Respublikası Milli Məclisi “1990-cı il yanvarın 20-də Bakıda törədilmiş faciəli hadisələr haqqında” Qərar qəbul etdi. Heydər Əliyev: “Mən bu faciəyə həmişə ürəkdən yanaraq həm də vətəndaşlıq borcumu yerinə yetirməyə çalışmışam və bu gün də həmin mövqedəyəm, sabah da həmin mövqedə olacağam. Birinci növbədə, ədalət naminə, eyni zamanda, Azərbaycan xalqının namusunu, şərəfini, milli mənliyini qorumaq naminə.”

20 Yanvar hadisələrinin qurbanları daimi dövlətin diqqət və qayğısı ilə qarşılanmışdır. Heydər Əliyevin Fərmanı ilə 1998-ci ildə “20 Yanvar Şəhidi” fəxri adı təsis edilib. Prezident İlham Əliyevin təşəbbüsləri sayəsində 20 Yanvar hadisələri ilə əlaqədar əlilliyi olan şəxslər və şəhid ailələri üçün effektiv sosial müdafiə sistemi formalaşıb. Həmçinin 20 Yanvar şəhidlərinin xatirəsinin əbədiləşdirilməsidə dövlət tərəfindən uğurla həyata keçirilmişdir. 1990-cı ilin yanvarında şəhid olmuş oğul və qızlarımızın xatirəsinin əbədiləşdirilməsi, adlarının uca tutulması, onların ailələrinin, övladlarının sosial müdafiəsinin gücləndirilməsi üçün Prezident İlham Əliyev tərəfindən mühüm addımlar atılmışdır. Dövlət Başçısının 19 yanvar 2006-cı il tarixli “20 Yanvar şəhidinin ailəsi üçün Azərbaycan Respublikası Prezidentinin təqaüdünün təsis edilməsi haqqında” Fərmanına əsasən, şəhid ailələrinə dövlət qayğısını artırmaq məqsədilə təqaüd verilir. Onların uyuduğu Şəhidlər Xiyabanında təmir və yenidənqurma işləri ilə yanaşı, Bakının Yasamal rayonundakı “20 Yanvar” dairəsində, Həsən bəy Zərdabi və Müzəffər Həsənov küçələrinin kəsişməsində Qanlı Yanvar şəhidlərinin xatirəsinə memorial abidə kompleksi ucaldılmışdır.

Azərbaycan xalqı azadlıq , müstəqillik uğrunda şəhid olmuş oğul və qızlarını unutmur. Hər il yanvarın 20 saat 12:00-da Azərbaycanın bütün ərazisində 20 Yanvar şəhidlərinin xatirəsi bir dəqiqəlik sükutla yad olunur, gəmilərdən, avtomobillərdən və qatarlardan səs siqnalları verilir, hüzn əlaməti olaraq dövlət bayraqları endirilir.

20 Yanvar hadisələri zamanı şəhid olmuş Azərbaycan övladlarının indi ruhu şaddır! 44 günlük müqəddəs Vətən müharibəsi nəticəsində Müzəffər Ali Baş Komandanın sərkərdərliyi ilə Azərbaycan torpaqları işğaldan azad edilərək şəhidlərimizin uğrunda canını fəda etdiyi məqsədə çatdıq!

Azərbaycan Respublikası Milli Məclisin
Təbii ehtiyatlar, energetika və ekologiya
komitəsinin sədri, millət vəkili Sadiq Qurbanov
Azərbaycanın yaratdığı reallıq şüurlara da hakim kəsilməkdədir ŞƏRHErmənistanın “Lragir” nəşri Nikol Paşinyanın Ermənistan-Azərbaycan sərhədlərinin delimitasiya və demarkasiyası ilə bağlı Rusiyanın xarici işlər naziri Sergey Lavrovun sözlərini olduğu kimi təkrarladığını yazır.

Nəşrin iddia edir ki, Ermənistan “qırmızı xətt”dən əl çəkib və Bakı üçün yeni təklifləri var.

Qəzetin yazdığına görə, hakim “Vətəndaş müqaviləsi” partiyası müxalif “Ermənistan” fraksiyasının parlamentin müzakirəsinə təqdim etdiyi “Delimitasiya və demarkasiya problemləri” haqqında qanun layihəsinin əleyhinə səs verib. Sitat: “Vətəndaş müqaviləsi” fraksiyasının təmsilçisi, deputat Ripsime Qriqoryan qeyd edib ki, delimitasiya Ermənistanla Azərbaycan arasındakı sərhədə aiddir, “Qarabağ məsələsi” isə ərazi bütövlüyü problemi deyil, xalqların öz müqəddəratını təyinetmə problemidir. Bu baxımdan, layihə müəlliflərinin bu iki məsələni bir-biri ilə əlaqələndirməsi Ermənistanın maraqlarına xidmət etmir və bu səbəbdən də qəbuledilməzdir”.

Qeyd edim ki, Nikol Paşinyanın fikirləri Ripsime Qriqoryanın mülahizələri ilə eyni olduğu üçün, təkrarlamağa ehtiyac duymuram. Və qənaətimə görə, hakim partiyanın nümayəndələrinin fikirlərindəki daxili auditoriyaya ünvanlanmış mülahizələri bir kənara qoyub, mahiyyətə diqqət yetirmək daha doğru olar. Beləliklə, Ermənistanın siyasi hakimiyyətinin təmsilçiləri, açıq şəkildə bəyan edirlər ki, “Qarabağ məsələsi” ərazi problemi deyil. Yəni bu o deməkdir ki, Ermənistan ərazi iddialarından faktiki olaraq əl çəkmək və Azərbaycanın ərazi bütövlüyünü tanımaq niyyətindədir. Digər tərəfdən, hazırda Rusiya sülhməramlılarının müvəqqəti səlahiyyət zonasına daxil olan Azərbaycan ərazilərində yaşayan bir ovuc erməninin, faktiki olaraq “öz müqəddəratını” təyin etməsi üçün heç bir əsas və şərait yoxdur. Azərbaycan bununla bağlı vazkeçilməz mövqeyini ifadə edib, həmçinin “Dağlıq Qarabağ” və “münaqişə” terminlərinin beynəlxalq siyasi leksikondan çıxarılmasına nail olub. Nikol Paşinyan və onun partiyasını təmsil edən deputatlar da, indi “Qarabağ bölgəsi”ndən danışırlar.

“Lragir” Ermənistanın “yeni təklifləri”nin əsasında da, məhz bu yanaşmanın yer aldığını bildirir. Məqalə müəlliflərinin qənaətinə görə, Ermənistan “Minsk qrupu formatından kənarda bütün danışıqlardan imtina etmək əvəzinə, Moskva və Bakıya ATƏT-in işini və “status”un müzakirəsini darmadağın etməyə imkan yaradır.

Xatırladım ki, “Lragir”də yayımlanan məqalədə yer alan mövqe, əsasən Ermənistanın revanşçı dairələrinin baxış bucağını əks etdirir. Qənaətimə görə, Ermənistan müxalifətinin parlamentin müzakirəsinə çıxardığı qanun layihəsinin qəbul edilməməsi, həmçinin ictimai rəydə hər hansı bir rezonansa səbəb olmaması, bu ölkədəki ictimai rəyin dəyərləndirilməsi baxımından da diqqətə alına bilər. Bir müddət öncə, sərhədlərin delimitasiyası ilə bağlı ən adi yanaşmaları belə aqressiya ilə qarşılayan revanşçılar getdikcə azsaylı dəstəklərindən də məhrum olurlar. Görümdüyü kimi, Azərbaycanın regionda yaratdığı reallıq təkcə sərhədlərə deyil, şüurlara da hakim kəsilməkdədir.

Elçin Mirzəbəyli
Azərbaycanda işsizlərin sayı açıqlanıbAzərbaycanda işsizlərin sayı açıqlanıb.

Dövlət Statistika Komitəsindən Avrasiya.net-ə verilən xəbərə görə, bu ilin yanvar ayının 1-i vəziyyətinə ilkin məlumatlara əsasən iqtisadi fəal əhalinin sayı 5303,9 min nəfər olub, onlardan 4988,2 min nəfərini məşğul əhali təşkil edib.

2021-ci il dekabrın 1-i vəziyyətinə muzdla çalışan işçilərin sayı 1704,9 min nəfər, o cümlədən iqtisadiyyatın dövlət sektorunda 905,7 min nəfər, qeyri-dövlət sektorunda isə 799,2 min nəfər təşkil edib. İqtisadiyyatın neft-qaz sektorunda 31,5 min nəfər, qeyri neft-qaz sektorunda isə 1673,4 min nəfər çalışıb.

Müəssisə və təşkilatlarda muzdla çalışan işçilərin 24 faizi məhsul istehsalı sahələrində, o cümlədən 7,6 faizi emal sənayesində, 7,4 faizi tikintidə, 3,6 faizi kənd təsərrüfatı, meşə təsərrüfatı və balıqçılıq sahələrində, 1,9 faizi mədənçıxarma sənayesində, 1,9 faizi su təchizatı, tullantıların təmizlənməsi və emalı, 1,6 faizi elektrik enerjisi, qaz və buxar istehsalı, bölüşdürülməsi və təchizatı sahələrində məşğul olub.

Xidmət sahəsində işləyənlərin 19,5 faizi təhsil, 18,6 faizi ticarət; nəqliyyat vasitələrinin təmiri, 8,1 faizi əhaliyə səhiyyə və sosial xidmətlərin göstərilməsi, 6,6 faizi dövlət idarəetməsi və müdafiə; sosial təminat, 5 faizi inzibati və yardımçı xidmətlərin göstərilməsi, 4,3 faizi nəqliyyat və anbar təsərrüfatı, 3,4 faizi peşə, elmi və texniki fəaliyyət, 3,2 faizi istirahət, əyləncə və incəsənət, 1,8 faizi maliyyə və sığorta fəaliyyəti, 1,7 faizi informasiya və rabitə, 1,7 faizi turistlərin yerləşdirilməsi və ictimai iaşə, 1,1 faizi digər sahələrdə xidmətlərin göstərilməsi və 1 faizi daşınmaz əmlakla əlaqədar əməliyyatlar sahələrində çalışıblar.

Prezident yeni məscidlərin tikintisindən danışdıAzad edilmiş torpaqlarda hazırda Heydər Əliyev Fondunun təşəbbüsü ilə dini abidələrimizin əsaslı təmiri, bərpa edilməsi və inşası prosesinə start verilib.

Avrasiya.net xəbər verir ki, bunu Azərbaycan Prezidenti İlham Əliyev yanvarın 18-də xeyriyyəçi Hacı Zeynalabdin Tağıyevin Bakıda ucaldılan abidəsinin açılışında bildirib.

“Şuşa şəhərində Yuxarı Gövhər Ağa, Aşağı Gövhər Ağa, Saatlı məscidləri Heydər Əliyev Fondu tərəfindən əsaslı bərpa edilib. Ağdam şəhərinin məscidi Heydər Əliyev Fondu tərəfindən əsaslı bərpa edilir. Zəngilan şəhərinin məscidi də həmçinin.

Eyni zamanda, Daşaltıda, Hadrutda və Şuşa şəhərində yeni məscidlərin tikintisi də məhz Heydər Əliyev Fondunun təşəbbüsü ilə həyata keçirilir. Təkcə sadaladığım dini abidələrimizin sayı 8-ə bərabərdir. Əminəm ki, digər layihələrdə də fəal iştirak edəcək”, - dövlət başçısı vurğulayıb.
Restoran tikdirmək istəyən baş həkim aldadıldıBakıda məşhur restoranların icarədarı olan şəxs həbs edilib. O, iki nəfərə qarşı dələduzluqda ittiham olunur. Aldadılan şəxslərdən biri məşhur klinikanın baş həkimidir.

Avrasiya.net Musavat.com-a istinadən xəbər verir ki, Cinayət Məcəlləsinin 178.3.2-ci maddəsi ilə təqsirləndirilən 36 yaşlı Nadir Babayev iki nəfəri iş qurmaq adı ilə aldatmaqda ittiham olunur.

İttihama görə, təqsirləndirilən şəxs Tamerlan adlı tanışından İstanbuldan məşhur “Paşabahçe", “Güral Porselen” və digər brend firmalara məxsus müxtəlif çeşidli qab-qacaq gətirərərk Bakıda satmağı və qazanc əldə etməyi təklif edib. Bu məqsədlə də ondan 95 200 manat pul alıb. O , başqa bir nəfərdən - “Loğman” klinikasının baş həkimindən isə restoran tikib işlətmək adı ilə 58 min manat pul alıb.

Həbs edilən Nadir bildirib ki, 2018-ci ilin əvvəllərindən İstanbul şəhərindən “Paşa Bahçeli”, “Gural Porselen” və digər adları yadında qalmayan brend firmaların qab-qacaq və digər mətbəx avadanlıqlarını gətirməklə və restoranlar şəbəkəsi işlətməklə məşğul olub.

Müttəhim söyləyib ki, yaxşı qazanc əldə etdiyindən gətirdiyi malların çeşidini çoxaltmaq və dövriyyəni artırmaq məqsədi ilə sinif yoldaşı Sami Əfəndiyevdən borc pul götürüb, əldə etdiyi qazancdan ona da hörmət edib. Bundan sonra bu işi zərərçəkmiş kimi tanınan Tamerlana təklif edib.

Nadir bu işdən hər ay Tamerlana 2000-5000 manat arası qazanc vəd verib. Tamerlan pulları hissə-hissə sürücüsü Hafiz vasitəsi ilə Nadirin sürücüsü Orxana çatdırıb. Nadir də qazancı sürücü vasitəsi ilə göndərib.

Nadir bildirib ki, Tamerlandan aldığı pulları və öz pullarını Türkiyədən mal almaq üçün Suad Çakıcıya verib. Onun sözlərinə görə, Suad Çakıcıya verdiyi ümumi məbləğ 270 min dollardır. O, həmin məbləğin bir hissəsini Bakıda, bir hissəsini isə Türkiyədə Çakıcıya verdiyini bildirib. Onun dediyinə görə, Çakıcı və digər şəxslər sonradan yoxa çıxıb və onu aldadıblar. Buna görə də Tamerlanın pulunu qaytara bilməyib.

Avtomobilini borcunun qarşılığında Tamerlana verdiyini deyən Nadir bildirib ki, 8 100 manat nağd pulu da zərərçəkmişə qaytarıb. Amma maddi imkanı olmadığı üçün qalan pulu qaytara bilmir. O, Tamerlana 34 800 manat borclu olduğunu etiraf edib.

İş üzrə digər zərərçəkmiş şəxs isə “Loğman” klinikasının baş həkimi İlqar Quliyevdir.

Nadir İlqar Quliyevlə qayınatası İbrahim İbrahimov vasitəsi ilə tanış olub. İbrahim İbrahimov klinikaya gedib-gələrkən Mustafa adlı həkimə kürəkəninin restoranlar şəbəkəsi işlətdiyini deyib. Həkim də söhbət zamanı bunu baş həkimə bildirib.

İbrahim İbrahimov qeyd edib ki, Nadir Bakıda fəaliyyət göstərən məşhur “8 kafe”, “İncir”, “Park Çinar”, “Tezbazar” restoranlarını işlədir.

Baş həkim İlqar Quliyev sahibi olduğu klinikanın birinci mərtəbəsində restoran açmağı Nadirə təklif edib. Təklifə əsasən restoran açılıb və aylıq icarə haqqı olaraq İlqar Quliyevə 800 manat ödənilib.

Axar.azAZRUENآذ


Restoran tikdirmək istəyən baş həkim aldadıldı
12 Punto 14 Punto 16 Punto 18 Punto
Bakıda məşhur restoranların icarədarı olan şəxs həbs edilib. O, iki nəfərə qarşı dələduzluqda ittiham olunur. Aldadılan şəxslərdən biri məşhur klinikanın baş həkimidir.

Axar.az Musavat.com-a istinadən xəbər verir ki, Cinayət Məcəlləsinin 178.3.2-ci maddəsi ilə təqsirləndirilən 36 yaşlı Nadir Babayev iki nəfəri iş qurmaq adı ilə aldatmaqda ittiham olunur.

İttihama görə, təqsirləndirilən şəxs Tamerlan adlı tanışından İstanbuldan məşhur “Paşabahçe", “Güral Porselen” və digər brend firmalara məxsus müxtəlif çeşidli qab-qacaq gətirərərk Bakıda satmağı və qazanc əldə etməyi təklif edib. Bu məqsədlə də ondan 95 200 manat pul alıb. O , başqa bir nəfərdən - “Loğman” klinikasının baş həkimindən isə restoran tikib işlətmək adı ilə 58 min manat pul alıb.

Həbs edilən Nadir bildirib ki, 2018-ci ilin əvvəllərindən İstanbul şəhərindən “Paşa Bahçeli”, “Gural Porselen” və digər adları yadında qalmayan brend firmaların qab-qacaq və digər mətbəx avadanlıqlarını gətirməklə və restoranlar şəbəkəsi işlətməklə məşğul olub.

Müttəhim söyləyib ki, yaxşı qazanc əldə etdiyindən gətirdiyi malların çeşidini çoxaltmaq və dövriyyəni artırmaq məqsədi ilə sinif yoldaşı Sami Əfəndiyevdən borc pul götürüb, əldə etdiyi qazancdan ona da hörmət edib. Bundan sonra bu işi zərərçəkmiş kimi tanınan Tamerlana təklif edib.

Nadir bu işdən hər ay Tamerlana 2000-5000 manat arası qazanc vəd verib. Tamerlan pulları hissə-hissə sürücüsü Hafiz vasitəsi ilə Nadirin sürücüsü Orxana çatdırıb. Nadir də qazancı sürücü vasitəsi ilə göndərib.

Nadir bildirib ki, Tamerlandan aldığı pulları və öz pullarını Türkiyədən mal almaq üçün Suad Çakıcıya verib. Onun sözlərinə görə, Suad Çakıcıya verdiyi ümumi məbləğ 270 min dollardır. O, həmin məbləğin bir hissəsini Bakıda, bir hissəsini isə Türkiyədə Çakıcıya verdiyini bildirib. Onun dediyinə görə, Çakıcı və digər şəxslər sonradan yoxa çıxıb və onu aldadıblar. Buna görə də Tamerlanın pulunu qaytara bilməyib.

Avtomobilini borcunun qarşılığında Tamerlana verdiyini deyən Nadir bildirib ki, 8 100 manat nağd pulu da zərərçəkmişə qaytarıb. Amma maddi imkanı olmadığı üçün qalan pulu qaytara bilmir. O, Tamerlana 34 800 manat borclu olduğunu etiraf edib.

İş üzrə digər zərərçəkmiş şəxs isə “Loğman” klinikasının baş həkimi İlqar Quliyevdir.

Nadir İlqar Quliyevlə qayınatası İbrahim İbrahimov vasitəsi ilə tanış olub. İbrahim İbrahimov klinikaya gedib-gələrkən Mustafa adlı həkimə kürəkəninin restoranlar şəbəkəsi işlətdiyini deyib. Həkim də söhbət zamanı bunu baş həkimə bildirib.

İbrahim İbrahimov qeyd edib ki, Nadir Bakıda fəaliyyət göstərən məşhur “8 kafe”, “İncir”, “Park Çinar”, “Tezbazar” restoranlarını işlədir.

Baş həkim İlqar Quliyev sahibi olduğu klinikanın birinci mərtəbəsində restoran açmağı Nadirə təklif edib. Təklifə əsasən restoran açılıb və aylıq icarə haqqı olaraq İlqar Quliyevə 800 manat ödənilib.

Sonra İlqar Quliyev Nadirin işlətdiyi “8 kafe” restoranında olan zaman ərazidə olan boş torpaq sahəsini görüb və orada restoran tikməyi təklif edib. Nadir onunla razılaşıb. Restoran tikmək üçün 104 min manat lazım olub. Həmin məbləğin 58 min manatı İlqar Quliyev tərəfindən Nadirə verilib. Nadir həmin pulu ayrı-ayrı işlərə xərcləyib. Bir hissəsini Türkiyədəki işinə, bir hissəsini evinə, bir hissəsini isə Bakıda işlətdiyi resotoranların xərcinə verib. Amma nəzərədə tutulan restoran tikilməyib.

Nadir bu işlərdə özünü təqsirli bilməyərək söyləyib ki, dələduzluq etmək niyyəti olmayıb. O, baş verənləri uğursuz biznes adlandırıb.

Tamerlan ifadəsində bildirib ki, Nadirə ilk dəfə pul verəndən sonra qazanc olaraq 2 min manat pul alııb. Qazancı alması, Nadirin dediyi brend malların həqqiətən də məşhur mağazalar şəbəkəsində də satılması onda inam yaradıb. Buna görə də ona hissə-hissə pul verməyə başlayıb.

Amma bir müddət sonra Nadir ona qazanc verməyib. Tamerlan Nadirlə görüşmək üçün Türkiyəyə gedib. 3 gün orada qalsa da, Nadir iş gördüyü Türkiyə vətəndaşlarını onunla görüşdürməyib. Tamerlan Nadir tərəfindən aldadıldığını başa düşüb. Nadir isə Türkiyə vətəndaşı olan şəxslər tərəfindən aldadıldığını deyib. Bakıya qayıdan Tamerlan Nadirdən şikayətçi olub. Tamerlan hazırda Nadirdən 34 800 manatını tələb edir.

İlqar Quliyev ifadəsində bildirib ki, kafe açmaq istəyən zaman Nadir ona kömək edib. Kafeyə avadanlıqlar almaq üçün Nadirə 7500 manat verdiyini deyən baş həkim qeyd edib ki, bu iş alındıqdan sonra təqsirləndirilən şəxsə inamı yaranıb. Buna görə də oğlu Fəridin Nadirlə birlikdə restoran işlətməsini istəyib.

Nadir baş həkimlə restoran işi görmək üçün qərar veriblər. Buna görə Nadir əvvəlcə baş həkimi işlədiyi “Əncir”, “8 kafe” və digər restoranlara aparıb. Orada vəziyyətlə tanış edib, yaxşı gəlir əldə etdiyini göstərib.

“Mənə dedi ki, bütün bu işlər mərkəzləşdirimiş şəkildə kompüterlə idarə edir. Restoranlara gedəndə bizi administratorlar qarşılayırdı, onlara göstəriş verirdi. Restoranlar yaxşı işləyirdi. Hətta oraya müğənnilər də gəlirdi. Buna görə də ona inandım.

Oğlum Fərid üçün iş axtarırdım. Maraqlı kafe olsa götürüb işlətmək istədiyimi, kafenin avadanlıqlarını şərikli alıb qazancı yarıbayarı bölməyi təklif etdim. Nadir “Sahil” metrostansiyasının yaxınlığında binanın altında icarəsi 5000 manat olan təmirli kafeni icarəyə götürməyi təklif etdi. Ora müəyyən qədər xərc çəkilməli idi. Sonra “Fəvvarələr bağı”nın yaxınlığında ikimərtəbəli obyektin 8000 manata icarəyə verildiyini bildirdi. 2-3 gün sonra isə Nadirlə görüşəndə dedi ki, ən yaxşısı boş torpaq sahəsinə pul qoymaq, restoran tikməkdir”- deyən baş həkim bildirib ki, bu iş üçün Nadirə 58 min manat verib və aldadılıb.

Məhkəmədə Nadirin dostu Orxanın ifadəsindən isə məlum olub ki, qeyd edilən restoranın tikintisi üçün cəhd edilib, amma tikinti qanunsuz olduğu üçün icra hakimiyyətinin əməkdaşları işi dayandırıb.

Məhkəmədə o da məlum olub ki, Nadir istintaq zamanı həbsdə olmayıb. Onun barəsində polis nəzarətinə verilmə qətimkan tədbiri seçilib. Amma o məhkəmədən gizləndiyi üçün axtarışa verilib.

Bakı Ağır Cinayətlər Məhkəməsinin hökmü ilə Nadir 6 il müddətinə azadlıqdan məhrum edilib. Zərərçəkmiş şəxslər vurulmuş ziyanın ödənilməsinə dair mülki iddia verməyiblər. Buna görə də məhkəmə onlara mülki mühakimə icraatı qaydasında iddia ərizəsi ilə cavabdehin olduğu yer üzrə məhkəməyə müraciət edə biləcəkləri izah edilib.
Kirovoqrad vilayəti azərbaycanlılarının radası təsis olunubUkraynanın Kirovoqrad vilayətində yaşayan azərbaycanlıların yeni diaspor təşkilatı təsis olunub. “Kirovoqrad vilayəti Ukrayna azərbaycanlıları Radası”nın təqdimat mərasimində şəhər rəsmləri, Ukrayna Azərbaycanlıları Radasının rəbərliyi, digər vilayətlərdə fəaliyyət göstərən diaspor fəalları, mətbuat nümayəndələri, burada təhsil alan gənclər və digər qonaqlar iştirak edib.

Ukrayna və Azərbaycanın Dövlət himnləri səsləndirildikdən sonra çıxış edən Ukrayna Azərbaycanlıları Radasının (UAR) Baş katibi Ceyhun Məmmədovun bildirib ki, diaspor təşkilatları iki ölkə arasında siyasi və mədəni körpü rolunu oynayır. Onlar məskunlaşdıqları ölkədə öz tarixi vətənlərinin, tarixi vətənlərində isə yaşadıqları ölkənin de-fakto mədəniyyət təmsilçiləridir. Baş katib bu şərəfli və məsuliyyətli işdə bütün vətənpərvər soydaşlara uğurlar arzulayıb.

Ölkələrimiz arasında mövcud olan dostluq münasibətlərinin inkişafına diqqət çəkən Ukrayna Azərbaycanlıları Radasının həmsədri Oleq Krapivin Azərbaycan Respublikası prezidenti, müzəffər Ali baş komandan İlham Əliyev cənablarının Ukrayna səfərinin əhəmiyyətindən danışıb. “Ölkə başçılarının imzaladıqları mühüm sənədlər strateji əməkdaşlığımızın daha da möhkəmlənmə xidmət edir” deyən UAR həmsədri dövlətlərarası münasibətlərin inkişafına paralel olaraq vilayətlərdə olan diasopr fəaliyyətinin də canlandırılmasının vacibliyini vurğulayıb.

Daha sonra UAR Baş katibi Ceyhun Məmmədov Azərbaycan Respublikasının Ukraynada fövqəladə və səlahiyyətli səfiri, Azərbaycanın xalq yazıçısı Elmira Axundovanın tədbir iştirakçılarına ünvanladığı təbrik məktubunu oxuyub.

Təqdimetmə mərasimində çıxış edən Kirovoqrad vilayəti dövlət administrasiyası rəhbərinin müavini Andriy Lisota azərbaycanlıların ölkənin ictimai-siyasi həyatındakı aktiv fəaliyyətinə yüksək qiymət verdiklərini bildirib.

Daha sonra çıxış edən, Ukraynanın 8-ci çağırış xalq deputatı Qorbunov Aleksandr, Kirovohrad vilayətinin Hərbi Komissarı Kuçer Yaroslav, UKO-nın Kirovohrad regional dəstəsinin komandiri Kozub İqor, KMTU-nun İqtisadiyyat və İdarəetmə fakültəsinin dekanı Volodymyr Zaichenko, MAU-nun Uçuş Akademiyasının rəhbəri, polkovnik Dresnal Artur, Poltava vilayəti Azərbaycanlıları Radasının sədri Fizuli Qəmbərov, Xerson vilayəti diaspor sədri Elman Ağayev, ictimai fəal Aydın Əhmədov və digərləri yeni təsis olunan təşkikata və rəhbəri Yusif Məmmədova uğurlar arzulayıb.

Şəhər və vilayət rəsmlərinə, UAR rəhbərliyinə və həmtısisçisi Oleq Krapivinə, gələn qonaqlara və bütün iştirakçılara təşəkkür edən Kirovoqrad vilayəti Ukrayna azərbaycanlıları Radasının rəhbəri Yusif Məmmədov bütün vətənpərvər qüvvələrlə birlikdə Azərbaycan naminə çalışmağa davam edəcəklərini bildirib.

Çıxışlardan sonra UAR həmtəsisçisi Oleq Kravipin Kirovohrad vilayəti dövlət administrasiyasının rəhbəri Çorna Mariyanı, Kirovohrad vilayət şurasının sədri Sergey Şulqanı, Kropivnitski Şəhər Şurasının sədri Andrey Raykoviçi, Ukraynanın Fövqəladə Hallar üzrə Dövlət Xidmətinin Kirovoqrad vilayəti üzrə Baş İdarəsinin rəisi Myronyuk Vitalini, Kirovohrad Vilayət Prokurorluğunun prokuroru İsa Tanrıverdiyevi, Ukrayna Milli Polisinin Strateji Təhqiqatlar Departamentinin Kirovoqrad vilayəti üzrə Strateji Araşdırmalar İdarəsinin rəis müavini, polis mayoru Zakir Bayramovu və Kirovoqrad rayonu Narkotiklərlə Mübarizə İdarəsinin xüsusilə ağır işlər üzrə böyük əməliyyat müvəkkili, polis mayoru Abdullayev Sevindiyi fəxri fərman və hədiyyələrlə təltif edib.

Rəsmi hissədən sonra qonaqların şərəfinə “Paxlava” restoranında ziyafət verilib.
Sabah Putinlə Rəisi görüşəcəkRusiya Prezidenti Vladimir Putinlə İran Prezidenti İbrahim Rəisi yanvarın 19-da Moskvada görüşəcək.

Bu barədə Kremlin Mətbuat Xidməti məlumat yayıb.

“Yanvarın 19-da Moskvada Rusiya Prezidenti Vladimir Putinlə İran Prezidenti İbrahim Rəisi arasında görüş olacaq”, - məlumatda deyilir.

Bildirilib ki, Putinlə Rəisi ikitərəfli əməkdaşlığa dair kompleks məsələləri, eləcə də aktual beynəlxalq və regional mövzuları müzakirə edəcək.
Ersin Tatar Azərbaycanla münasibətlərdən danışdıQuzey Kıbrıs Türk Cümhuriyyətinin (KKTC) Prezidenti Ersin Tatar BBN Türk-də yayımlanan "Ceviz Kabuğu" adlı proqrama qatılaraq, gündəmlə bağlı açıqlamalar verib, sualları cavablandırıb.

Avrasiya.net xəbər verir ki, Ersin Tatar BBN Türk-ə verdiyi açıqlamada, “Şərqi Aralıq dənizindəki sərvətlər ortaq sərvətdir. Hüquqlarımızı sona qədər qorumalıyıq”, deyib.

Rum tərəfinin Şərqi Aralıq dənizindəki zənginliyi öz xeyrinə çevirməsinə icazə verməyəcəklərini ifadə edən Tatar, “Bütün bunlar ortaq sərvətdir. Biz haqqımızı sona qədər qorumalıyıq. Bu sərvətlər ədalətli şəkildə paylaşılarsa, həm KKTC, həm də Türkiyə Cümhuriyyəti üçün böyük iqtisadi fayda verəcək” bildirib.

Ersin Tatar həmçinin qeyd edib ki, Şərqi Aralıq dənizinin sərvətlərinin Türkiyə üzərindən Avropa bazarına çıxarılması ən düzgün və məntiqli yoldur.

Prezident Kıbrısda iki ayrı xalqın olduğunu ifadə edərək, "Bundan sonra birlikdə yaşamaq, birləşmək mümkün deyil" deyib. Türk-rum balansının qorunmasının vacibliyinə diqqət çəkən Tatar, "Kıbrısın AB-yə qəbul edilməsinin Türkiyəyə əleyhinə tərəzini əyməkdir", deyərək Annan Planı’na rum tərəfinin "xeyr" deməsinə rəğmən birtərəfli qaydada AB-yə üzv olmağın böyük bir qanunsuzluq olduğunu bildirib. Tatar, “Bizim yeni bir siyasətimiz var ki, yalnız Kıbrısda iki ayrı suveren dövlət suveren bərabərlik əsasında razılığa gəldikdə kompromis ola bilər. Əks halda, illərlə sınanan, lakin nəticəsiz qalan federal çərçivə razılaşması, çoxluğun azlığı idarə edəcəyi və Türkiyə Cümhuriyyətinin Aİ-də olmadığı üçün zamanla Türkiyənin adadan çıxarılmasını nəzərdə tutur. Bütün bunlar danışıqlar protokollarında var”, - deyə o bildirib.

Ersin Tatar türk cümhuriyyətləri, xüsusilə də Azərbaycanla əlaqələrə toxunaraq, KKTC universitetlərində türk cümhuriyyətlərindən, xüsusən də Azərbaycandan çoxlu müəllim və tələbələrin olduğunu, Kıbrıs Türk xalqı ilə Azərbaycan xalqı arasında qarşılıqlı yaxınlaşmanın olduğunu bildirib.