Eldar Həsənov əməliyyat olundu

Hazırda DTX-nın Hospitalında olan sabiq səfir Eldar Həsənovun üzərində cərahiyyə əməliyyatı keçirilib.

Avrasiya.net gununsesi.info-ya istinadən xəbər verir ki, sabiq səfir bağırsaq keçməzliyindən əziyyət çəkirmiş.

Hazırda vəziyyəti stabildir.

Xatırladaq ki, E.Həsənov Dövlət Təhlükəsizliyi Xidməti tərəfindən saxlanılıb. Səbail Rayon Məhkəməsi tərəfindən onun barəsində həbs qətimkan tədbiri seçilib.

E.Həsənova qarşı Cinayət Məcəlləsinin 308.2-ci (Vəzifə səlahiyyətlərindən sui-istifadə) və 308-1.1-ci (Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə) maddələri üzrə ittiham irəli sürülüb.

E.Həsənovun sonuncu vəzifəsi Azərbaycanın Serbiya, Monteneqro, Bosniya və Hersoqovinadakı səfiri olub.