Adına 5 şirkət, 155 min borc var, özünün isə xəbəri yoxdur - VİDEO

Sumqayıt şəhər sakini Zamiq Dadaşovun adına aldatma yolu ilə 5 şirkət açılıb. Ona Vergilər Nazirliyindən 155 min manat borcu olduğuna dair bildiriş gəlib.

Avrasiya.net xəbər verir ki, zərərçəkmişi öz xalası oğlu Qəzənfər Əliyev və onun dostları aldadıb. Adına nömrə alacaqlarını deyərək, qeyri- qanuni olaraq sənədə imza atdırıblar. Zərərçəkmiş bildirib ki, Sumqayıt şəhərində onun kimi çoxsaylı qurbanlar var.

Hazırda şəraitsiz vəziyyətdə yaşayan ailə çarəsiz qalıb.

Hazırda nə Zamiqi aldadan xalası oğlu ilə, nə də onun əlbir olduğu şəxslərlə əlaqə saxlamaq mümkündür.

Məsələ ilə bağlı zərərçəkmiş hüquq-mühafizə orqanlarına müraciət edib.