Sadiq Qurbanov gənclərə müracət edib
Deputatlığa namizəd Sadiq Qurbanov Gənclər günü münasibətilə Azərbaycan gənclərinə müraciət edib.
Müraciətdə deyilir:
Hər zamanın, hər dövrün ən dəyərli neməti olan Gənclər!
Sizi 2 fevral-Gənclər Günü münasibətilə səmimi qəlbdən təbrik edir, həyatınızın bütün anlarında uğurlar arzulayıram!
Gənc və gələcək sözləri mahiyyət etibarilə bir-birinə çox yaxın ifadələrdir. Zamanın sürəti bütün dövrlərdə, istər müharibə,istərsə də sülh şəraitində gəncliyin fəaliyyəti ilə düz mütənasib olub.
Ümumiyyətlə, "Gənclik" anlayışı həyatın bütün sahələrində - elmdə, təhsildə, mədəniyyətd , xüsusən də Azərbaycan Respublikasının təhlükəsizliyini və müdafiəsini təmin edən əsgər və hərbi qulluqçuların fəaliyyətində atılan ilk addım, başlanğıc kimi qəbul olunur.
O dövlət xoşbəxtdir ki, onun sağlam gəncliyi var.
Bu baxımdan AZƏRBAYCAN ona görə xoşbəxt bir ölkədir ki,
onun gəncliyi müstəqilliyimizin əbədi və dönməz olması üçün gələcək hədəflər haqqında düşünür, çalışır, vuruşur, yeri gəldikdə Milli Qəhrəmanımız MÜBARİZ İBRAHİMOV kimi, BABƏK ABİDOV kimi canından belə keçir.
Əziz və dəyərli gənclər! Sizi bir daha Gününüz münasibətilə (hər gün sizindir) təbrik edir, Heydər Əliyev ideyalarına sadiq qalmağınızı arzulayıram!
Siz prezidentimiz İlham Əliyev və xanımı Mehriban xanım Əliyeva siyasətinin aparıcı qüvvəsisiniz!
Siz Azərbaycanın ümid yeri və gələcəyisiniz!
Biz sizinlə fəxr edir və qürur duyuruq!
Biz Sizə güvənirik!
Tanrı sizləri qorusun! AMİN!