Ruslar Türkiyəyə axışır

Ruslar Türkiyəyə axışırRusiyada qismən səfərbərlik elan ediləndən bəri ölkədən gedən insanların sayı haqda ilkin məlumat yayılıb.

Bu barədə ekspert Natiq Cəfərli qeyd edib.

O, müxtəlif məlumatlar əsasında ölkədən xaricə gedənləri sayının aşağıdakı kimi olduğunu bildirib:

- Antalyaya 441 min, İstanbula 200 minə yaxın;

- Gürcüstana 82 min;

- Qazaxstana 100 minə yaxın (çox yerdə sərhəd-keçid məntəqəsi yoxdur, tam sayı bilmək mümkün deyil);

- Ermənistana - 25 minə yaxın,

- Azərbaycan - dəqiq say elan edilməyib, amma reys sayına baxsaq 7 minə yaxın;

- Monqolustana 30 minə yaxın,

- Avropa Birliyi ölkələrinə 66 min.

“Yəni səfərbərlik elanından sonra 1 milyona yaxın insan Rusiyadan çıxıb. Ölkədə səfərbərliyə yararlı 25 milyon insan var. Rusiyadan qaçış ölkənin imicini yerlə-bir edir, vətəndaşların bir qisminin müharibəyə pis münasibətini göstərir, amma bu o demək deyil ki, Kreml 300-500 min yeni əsgər yığa bilməyəcək. Təbii ki, toplayacaq, bu isə Ukrayna üçün əlavə problemlər yarada bilər. Səfərbərliklə bağlı ancaq neqativ informasiya və videolarla heç kəs, əsas da ukraynanılar özünü aldatmasın.

Rusiya bu günə qədər işğal etdiyi hər yeri həyasızcasına özünə "rəsmən" qatdıqdan sonra əlinə nüvə raketini alıb təhdid edərək müharibəni "dondurmağa" çalışacaq, "dondura" bilsə, o 300-500 min əsgər Rusiyanın yeni "sərhədlərində" ətdən divar hörüb sərhəd qoşunlarına çevriləcəklər. Müharibə indiki sərhədlərdə "donsa", Rusiya nəfəs dərib 3-5 il sonra yenidən Odessa və digər bölgələrin işğalı üçün hərəkətə keçəcək.

Bir sözlə, Ukraynanın heç olmasa Xerson və Zaparojye vilayətini yaxın aylarda işğaldan azad etməsə, Ukraynanın bir dövlət kimi gələcəyi sual altına düşəcək, bu isə həm də bizim üçün, Cənubi Qafqaz üçün ən pis ssenaridir...” – ekspert qeyd edib.