Türkiyədə ağır qəza - 8 nəfər öldü, yaralılar var
Dərc olunub:
1-09-2022, 09:23
Türkiyədə ölümlə nəticələnən yol qəzası baş verib.
Avrasiya.net xəbər verir ki, hadisə Sivas-Malatya avtomobil yolunda qeydə alınıb.
İlkin məlumata görə, sərnişin mikroavtobusu ilə yük maşınının toqquşması nəticəsində 7 nəfər ölüb, daha 10 nəfər isə yaralanıb. Yaralılardan biri xəstəxanaya çatdırılsa da, onun həyatını xilas etmək mümkün olmayıb. Bununla da ölü sayı 8-ə çatıb.
Hadisə yerinə polis, jandarmeriya əməkdaşları, yanğınsöndürən və təcili yardım briqadaları göndərilib. Qəzanın baş vermə səbəbi hələlik məlum deyil.
Faktla əlaqədar araşdırma aparılır.
