İrandan ABŞ-a tankerlərlə bağlı - Xəbərdarlıq
Dərc olunub:
17-05-2020, 21:47
İran Xarici İşlər nazirinin müavini Abbas Araqçı ABŞ-ın maraqlarını təmsil edən İsveçrə səfirini nazirliyə çağırıb.
Axar.az xəbər verir ki, rəsmi Vaşinqtona Venesuelaya gedən İran tankerlərinin təqib olunması ilə bağlı xəbərdarlıq edilib.
Bundan başqa, İranın XİN rəhbəri Məhəmməd Cavad Zərif də BMT Baş katibi Antonio Quttereşə məktub göndərib.
"ABŞ beynəlxalq hüquqa, xüsusi halda gəmiçiliyin azadlığına hörmət etməlidir", - məktubda deyilib.
Qeyd edək ki, ABŞ-ın Venesuelaya göndərilən neft tankerlərinə maneə yaratmaq üçün 4 hərbi gəmisi və 1 təyyarəsini Karib dənizinə göndərdiyi iddia edilib.