Hindistan Pakistana başsağlığı verib
Dərc olunub:
Dünən, 06:35
Hindistan Xarici İşlər Nazirliyi Pakistandakı partlayışla əlaqəsi olduğu iddialarını təkzib edib.
Bu barədə nazirliyin açıqlamasında bildirilib.
Qeyd edilib ki, İslamabaddakı məsciddə baş verən partlayış pislənilir və Hindistan başsağlığı verir.
Nazirlik vurğulayıb ki, "Pakistanın ölkənin sosial strukturunu sarsıdan problemləri ciddi şəkildə həll etmək əvəzinə, öz daxili bəlalarına görə başqalarını günahlandıraraq özünü aldatmağa üstünlük verməsi təəssüf doğurur. Hindistan əsassız olduğu qədər də mənasız olan bu cür ittihamları rədd edir".
Qeyd edək ki, Pakistanda məsciddə partlayış nəticəsində 31 nəfər həlak olub, 169 nəfər yaralanıb.
