Bayden Ukraynaya əlavə 600 milyon dollarlıq hərbi yardımı təsdiqləyib
Dərc olunub:
16-09-2022, 03:59
ABŞ Prezidenti Cozef Bayden Ukraynaya 600 milyon dollara qədər əlavə hərbi yardımın ayrılması barədə göstəriş verib.
“Report”un məlumatına görə, bu barədə Ağ Evin mətbuat xidmətinin yaydığı bəyanatda deyilir.
Qeyd olunub ki, Bayden ABŞ dövlət katibinə Ukraynaya kömək məqsədilə ABŞ Müdafiə Nazirliyinin müdafiə məhsulları və xidmətləri, hərbi təlim və təhsil üçün 600 milyon dollara qədər vəsait ayırmaq səlahiyyəti verib.
