Ermənilərin 30 ilə yaxın işğal altında saxladıqları Laçının mərkəzini, eləcə də Zabux və Sus kəndlərini tərk edərkən ərazini viran qoymaları, mina basdırmaları, evləri və meşələri yandırmaları bir yandan ənənəvi erməni xislətinin, vəhşi qəbilə vandalizminin göstəricisidirsə, digər yandan isə həm cılız qisasçılıq hissinin təsdiqidir, həm də yaxın gələcəkdə Laçına – öz dədə-baba yurdlarına qayıdacaq azərbaycanlılara qarşı təşkil edilən uzunmüddətli terror aktıdır. Onlar 44 günlük İkinci Qarabağ müharibəsindəki məğlubiyyətlərindən doğan acizlik, əziklik hissini bu cür bəsit və cılız qisasçılıq hərəkətləri ilə kompensasiya etməyə çalışırlar.

Eyni zamanda da öz tarixi torpaqlarına geri dönən azərbaycanlıların həm ekoloji fəsadlarla üzləşməsi üçün, həm də mina partlayışlarından əziyyət çəkməsi üçün tarixi düşmənlərimiz öz erməni xislətlərinə sadiq qalaraq bu cür barbar üsullara əl atırlar. Onlar Kəlbəcərdə törətdikləri vəhşilikləri indi də Laçında təkrarlayırlar. Və ən pisi də budur ki, ermənilərin bütün bu vandalizm hərəkətləri UNESCO-nun, beynəlxalq humanitar və ekoloji təşkilatların, Rusiya sülhməramlılarının və Minsk Qrupunu yenidən dirçəltmək, proseslərə qoşmaq istəyən ABŞ kimi, Fransa kimi həmsədr ölkələrin gözləri qarşısında baş verir.

Beynəlxalq təşkilatlar meşələrin yandırılmasını, evlərin viran qoyulmasını, infrastrukturun məhv edilməsini, ərazilərin minalanmasını görür, lakin susurlar, seyrçi qalırlar. Kimsə erməni vandallarına “dur!” demək istəmir. Olduqca qəribə və həm də əcaib bir situasiya ilə üzləşmişik. Sanki hamı erməni vandalizmini, erməni faşizmini, erməni terrorizmini görməzdən gəlir. Ortada “erməni amili”, “erməni kartı” olduğuna görə bütün beynəlxalq təşkilatlar, böyük dövlətlər ermənilərin Azərbaycan ərazilərində törətdikləri vəhşi əməllərə göz yumur və “ikili standart”lardan çıxış edirlər.

Amma rəsmi Bakı Laçını tərk etməkdə olan ermənilərin vandal hərəkətlərinin qarşısını almaq üçün hər hansı profilaktik tədbirlər görməyə, önləyici addımlar atmağa başlasa, o zaman dərhal Azərbaycana qarşı təzyiqlər göstərməyə, ölkəmizi ermənilərə qarşı qeyri-humanist davranmaqda və sairdə ittiham edəcəklər. Əfsuslar olsun ki, biz hal-hazırda bax, bu cür riyakar və mənəviyyatsız bir beynəlxalq münasibətlər sistemi ilə üz-üzəyik. Ancaq bütün bunlara rəğmən biz yenə də erməni vandalizmini ifşa etməyə və beynəlxalq təşkilatları real fakt qarşısında qoymağa davam etməliyik. UNESCO kimi mötəbər təşkilatlardan ermənipərəst mövqedən əl çəkməyi tələb etməliyik.

Tarixi-mədəni abidələri qorumaq, ətraf mühitə vurulan zərərlərin qarşısını almaq bu təşkilatların bilavasitə əsas vəzifəsidirsə, o zaman buyursunlar, vəzifələrinin icrası ilə məşğul olsunlar. Xaricdəki diaspor təşkilatlarımız da sözügedən beynəlxalq qurumların mərkəzi ofislərinin qarşısında kütləvi aksiyalar keçirə, onların erməni vandalizminə qarşı susqunluğuna və hərəkətsizliklərinə öz etirazlarını bildirə bilərlər. Bir sözlə, dünyanın diqqətini erməni vəhşiliklərinə cəlb etmək üçün bütün məqbul vasitələrdən istifadə etməliyik.

Əlisahib Hüseynov,
Milli Həmrəylik Partiyasının sədri
Dünya iqtisadiyyatına inteqrasiya uğurla davam edirSon illər təkcə işğaldan azad olunmuş bölgələrimiz, sərhədyanı rayonlarımız və böyük şəhərlərimiz deyil, ümumilikdə bütün bölgələrimizdə intensiv quruculuq-abadlıq işləri geniş vüsət alıb. Prezidentin bölgələrə səfərləri də ardıcıl xarakter daşıyır. Bölgələrimizdə aparılan sürətli və keyfiyyətli işlər dövlətimizin başçısının şəxsi nəzarətində altındadır. İstər yolların tikintisi, istərsə də elektrik enerjisi, su, qaz təchizatı ilə bağlı çox böyük layihələr icra edilib. Prezident İlham Əliyevin bölgələrə səfərləri müntəzəm xarakter daşıyır. Bölgələrdə aparılan işlərə nəzarəti Prezident İlham Əliyev bilavasitə özü aparır.

Dövlətimizin başçısı İlham Əliyevin və birinci xanım Mehriban Əliyevanın ziyarət etdikləri “Diri Baba” türbəsi bütün Qafqazlarda nadir abidələrdəndir. Diri Baba” türbəsi öz nadirliyi ilə bütün Qafqaz bölgəsində seçilir. Yaşı 500 ildən çox olan bu türbə əsrlər boyu Azərbaycan xalqı tərəfindən müqəddəs yer kimi tanınıb.
Basqal yalnız İsmayıllının və Şirvan bölgəsinin deyil, ümumilikdə ölkəmizin qədim yaşayış yerlərindən biridir. Basqal ölkəmizin qədim kəndlərindən biridir. Dövlətimizin başçısının dediyi kimi, əlbəttə, Basqalın tarixi siması qorunmalıdır lakin, burada yaşayan insanlar üçün daha yaxşı şərait yaradılmalıdır, iş yerlərinin açılması üçün yeni imkanlar olmalıdır. Basqal qəsəbəsində 179 otaqlı müasir otelin açılışı bölgənin turizm potensialını böyük dərəcədə genişləndirəcək. Basqaldakı oteldə 300-ə yaxın iş yeri açılır və orada işləyənlər də yerli sakinlərdır.

Yeni iş yerlərinin açılması prosesi Azərbaycanda daim aparılır. Ağsu rayonunda böyük aqroparkın fəaliyyəti bölgə iqtisadiyyatına töhfə verir. Orada da 200-ə yaxın iş yeri açılıb. Əhalinin artması iş yerlərinə tələbatı artırır. Özəl sektor üçün yaradılmış şərait yeni iş yerlərinin açılmasına kömək edir. Kənd təsərrüfatının inkişafı ilə bağlı əvvəlki illərdə qəbul edilmiş qərarlar öz bəhrəsini verir. Dövlətimizin başçısı Basqalda Azərbaycan Televiziyasına müsahibəsində bu barədə ətraflı danışdı. Yalnız onu deyə bilərik ki, işğaldan azad olunmuş bölgələrimizdə istehsal edilən xalis balın ümumi çəkisi artıq ixrac mövzusunu gündəmə gətirib. Qarabağ və Şərqi Zəngəzur iqtisadi rayonlarında heyvandarlıq, quşçuluq, taxılçılıq, meyvəçilik və digər fəaliyyət sahələrinin çox böyük potensialı var. Ümumi daxili məhsulumuzun əksər hissəsini özəl sektor formalaşdırır, həm yerli şirkətlər, həm xarici investorlar, xarici şirkətlər. Belə olan halda dünyada gedən istənilən iqtisadi proses bizə də təsirsiz ötüşmür.

Azərbaycan Prezidenti İlham Əliyev Ermənistanın götürdüyü öhtəliklərə əməl etmələrinin vacibliyini bildirib. Azərbaycan şəhidinin qanı düşmənlərə baha başa gəldi və onlar bunu unutmamalıdır. Əgər yenə də buna oxşar təxribat törədilərsə, cavab da eyni olacaq və heç kim bizə mane ola bilməz, heç kim bizi durdura bilməz. “Qisas” əməliyyatı Ermənistana bir daha göstərdi ki, bizi heç kim və heç nə dayandıra bilməz, nə kiminsə bəyanatı, nə kiminsə açıqlaması, nə hansısa telefon zəngi. Dəfələrlə Ermənistana xəbərdarlıq etmişdik ki, odla oynamasınlar, yeni reallıqları qəbul etsinlər və hərbi təxribatlara əl atmasınlar.

Laçın şəhərindən, Zabux və Sus kəndlərindən qanunsuz məskunlaşmış insanlar çıxarılmalıdır. Onların orada qalması hərbi cinayətdir. Çünki o, Cenevrə konversiyalarının qaydalarına ziddir. İşğalçı ölkə işğal edilmiş torpaqlarda qanunsuz məskunlaşma apara bilməz. Bu, hərbi cinayətdir. Laçın şəhərinin, Sus, Zabux kəndlərinin camaatı yaxın zamanlarda öz doğma yerlərinə qayıdacaqdır.
Qarabağda yaşayan ermənilər düzgün addım atmalıdırlar, başa düşməlidirlər ki, onların gələcəyi ancaq Azərbaycan cəmiyyətinə inteqrasiyadan keçir. Ermənistan öz təsir imkanlarını itirmək üzrədir, Azərbaycan hakimiyyətinin müsbət təsiri artır və artacaq. Qarabağ Azərbaycanın ayrılmaz hissəsidir, tarixi nöqteyi-nəzərdən, beynəlxalq hüquq nöqteyi-nəzərindən tərkib hissəsidir.

Prezident İlham Əliyev Azərbaycan daxilində heç kəsin müstəsna hüquq tələb etmək hüququnda olmadığını da vurğuladı: “Qarabağda yaşayan ermənilərin nə statusu olacaq, nə müstəqilliyi olacaq, nə də ki, hansısa xüsusi imtiyazı olacaq. Azərbaycan vətəndaşları necə, onlar da elə. Azərbaycan vətəndaşlarının hüquqları necə qorunursa, onların da elə. Azərbaycanda yaşayan xalqların hüquqları necə qorunursa, onların da elə. Ancaq budur yol”.

Bütün bunlar deməyə əsas verir ki, yaxın vaxtlarda azad olunmuş bütün ərazilərlə birlikdə Kəlbəcər, Laçın və Zəngilan rayonlarında da vətəndaş məmnunluğuna xidmət edən bütün zəruri infrastruktur qurulacaq, kənd təsərrüfatı inkişaf edəcək, doğma yurdlarımız öz sahiblərinə qovuşacaq!


Cavid Əliyev
Xətai rayonu, 86 №li tam orta məktəbin direktoru
Ermənistan matəmə qərq olduBu gün Ermənistanda ticarət mərkəzində baş vermiş partlaşıya görə ilk matəm günüdür.

Avrasiya.net xəbər verir ki, matəmlə əlaqədar səhər saatlarında dövlət qurumlarının binaları üzərindəki bayraqlar yarıya endirilib.

Qeyd edək ki, avqustun 14-də günorta saatlarında İrəvanda “Surməlu” ticarət mərkəzində güclü partlayış və yanğın baş verib. Hadisə nəticəsində 16 nəfər həlak olub, 62 nəfər yaralanıb. Faciə ilə əlaqədar Ermənistanda 17-18 avqust tarixlərində matəm elan olunub.
AB-də hər kəs Ərdoğana möhtacdır - EtirafRusiya ilə Türkiyə arasında qarşılıqlı ticarətin artmasından narahat olan bəzi Avropa Birliyi (AB) ölkələri Ankaradan Moskva ilə münasibətləri ilə bağlı izahat tələb edir.

Avrasiya.net xəbər verir ki, bu barədə “Faynənşl Tayms” qəzeti məlumat yayıb.

Nəşr bildirir ki, adının çəkilməsini istəməyən AB rəsmisinin sözlərinə görə, Rusiya ilə Türkiyə arasında ticarət dövriyyəsinin artması Brüsseldə yaxşı qarşılanmayıb:

Türkiyə Ticarət Nazirliyinin rəsmisi isə nəşrə açıqlamasında ölkəsinin Moskva ilə ticarət həcmlərində önəmli dəyişikliyin olmadığını deyib.

Türkiyə tərəfinin statistik məlumatlarına əsasən, may-iyul ayları arasında Türkiyənin Rusiyaya ixracı 2,04 milyard dollar təşkil edib. Bu da 2021-ci ilin eyni dövrü ilə müqayisədə 642 milyon dollar çoxdur.

İyul ayında isə Rusiyanın ixrac həcmi əvvəlki ilə nisbətən 75% artaraq 730 milyon dollara çatıb.

Başqa bir AB rəsmisi isə proseslərə münasibət bildirərkən AB-də hər kəsin bu və ya digər səbəbdən Türkiyəyə ehtiyacı olduğunu vurğulayıb:

“AB Ərdoğanın istedadını diqqətdə saxlamalıdır. Biz ona ancaq qaydalara əməl etməli olduğunu deyə bilərik".
Xəzər dənizində batan şəxsin meyiti tapılıbBu barədə Avrasiya.net-ə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, dənizdə ("Nardaran-2" sularda xilasetmə məntəqəsindən kənarda, nəzarətsiz ərazidə) batan 1 nəfərin axtarışları başa çatıb. FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən həyata keçirilən axtarışlar nəticəsində batan şəxsin meyiti tapılaraq çıxarılıb və aidiyyəti üzrə təhvil verilib.
Bakıda 16 yaşlı qız itkin düşübAvrasiya.net xəbər verir ki, hadisə Binəqədi rayonunda qeydə alınıb.

Belə ki, rayonun İsfahani küçəsi döngə 3, ev 3-də yaşayan 2006-ci il təvəllüdlü Nağıyeva Nəzrin Vüsal qızı avqustun 14-də yaşadığı evdən çıxaraq itkin düşüb.

Hadisə ilə bağlı Binəqədi Rayon Polis İdarəsinin 43-cü Polis Bölməsində araşdırma aparılır.
Bakıda ərəb idman edərkən ölübBakıda əcnəbi vətəndaş idman edərkən ölüb.

“Report”un əldə etdiyi məlumata görə, hadisə avqustun 16-sı səhər saat 06:30 radələrində paytaxtın Xətai rayonu, Xəqani Rüstəmov küçəsinin yaxınlığında yerləşən Ağ şəhər bulvarında qeydə alınıb.

Belə ki, Küveyt vətəndaşı, 1964-cü il təvəllüdlü Faisal Aha Albahar idmanı məqsədilə qaçarkən qəflətən ölüb.

Faktla bağlı Xətai Rayon Prokurorluğunda araşdırma aparılır.
PKK liderlərindən biri MƏHV EDİLDİTürkiyə Milli Kəşfiyyat Təşkilatının (MİT) Suriyanın şimalında keçirdiyi xüsusi əməliyyat nəticəsində PKK terror təşkilatının liderlərindən biri, Dijvar Silopi ləqəbi ilə tanınan Muhsin Yaqan zərərsizləşdirilib.

Avrasiya.net xəbər verir ki, bu barədə Türkiyə mediası məlumat yayıb.

Bildirilib ki, zərərsizləşdirilən terrorçu xüsusi əməliyyatın keçirildiyi Qamışlı rayonunda qruplaşmanın rəhbəri olub.

Məlumata görə, Yaqan Türkiyə ilə sərhəddə təhlükəsizlik qüvvələrinə qarşı bir sıra terror aktlarının planlaşdırılmasında və həyata keçirilməsində iştirak edib.
Çempionlar Liqası: 8 qollu gecə, türklər sevinmədiUEFA Çempionlar Liqasında pley-off mərhələsinə start verilib.

Avrasiya.net xəbər verir ki, ilk oyun günündə 3 qarşılaşma keçirilib.

Belə ki, Xorvatiyanın "Dinamo" (Zaqreb) komandası Norveçdə "Budö Qlimt"in qonağı olub. Görüş meydan sahiblərinin minimal hesablı qələbəsi ilə başa çatıb.

Türkiyə təmsilçisi "Trabzonspor" Danimarkada "Kopenhagen"lə üz-üzə gəlib və 1:2 hesabı ilə məğlub olub. Digər qarşılaşmada isə Şotlandiya "Reyncers"i evdə Niderlandın PSV klubu ilə məhsuldar heç-heçə edib - 2:2.

Çempionlar Liqası, pley-off mərhələsində ilk oyunlar

16 avqust

"Budo Qlimt" (Norveç) - "Dinamo" (Zaqreb, Xorvatiya) - 1:0

Qol: Pelleqrino, 37

"Kopenhagen" (Danimarka) - "Trabzonspor" (Türkiyə) - 2:1

Qollar: Viktor Klaesson, 9 (1:0), Lukas Lerager, 48 (2:0), Anastasios Bakasetas, 79 (2:1)

"Reyncers" (Şotlandiya) - PSV (Niderland) - 2:2

Qollar: İbrahim Sanqare, 37 (0:1), Antonio Çolak, 40 (1:1), Tom Lourens, 70 (2:1), Armando Obispo, 78 (2:2)

Qeyd edək ki, cavab qarşılaşmaları avqustun 24-də baş tutacaq.