Ukraynada rusiyalı oliqarxın 420 milyon dollardan çox əmlakına həbs qoyulubUkraynada rusiyalı iş adamı Mixail Fridmanın “Alfa Bank”da 12,4 milyard qriven (420 milyon ABŞ dolları) məbləğində olan aktivlərinə həbs qoyulub.

“Report” TASS-a istinadən xəbər verir ki, bu barədə Ukraynanın Baş prokuroru İrina Venediktova məlumat verib.

O, bununla bağlı özünün feysbuk səhifəsində yazıb.
Yevlaxda 49 yaşlı qadın intihar edibYevlax rayonunda 49 yaşlı qadın intihar edib.

"Report"un məlumatına görə, hadisə Gülövşə kəndində qeydə alınıb.

Belə ki, Yevlax rayon sakini, 1973-cü il təvəllüdlü R.Cəfərova yaşadığı evin həyətində olan yardımçı tikilidə özünü asıb. Hadisənin səbəbi hələ ki məlum deyil.

Faktla bağlı araşdırma aparılır.
Azərbaycanda ilk dəfə İspaniya Futbol Akademiyasının filialı açılırAzərbaycan Prezidenti İlham Əliyevin rəhbərliyi altında ölkəmizdə idmanın inkişafı geniş vüsət alıb. Ölkəmiz son illərdə idmanın inkişafı istiqamətində mühüm uğurlar qazanıb, idmançılarımız isə Azərbaycanı beynəlxalq idman yarışlarında layiqincə təmsil ediblər.

AZƏRTAC-ın xüsusi müxbiri ilə söhbətində Azərbaycan-İspaniya Ticarət və Mədəniyyət Assosiasiyasının (ACAE) prezidenti, ölkənin şimal bölgəsinin diaspor nümayəndəsi Fərid Mustafayev bildirib ki, Azərbaycan Prezidentinin idmana olan sonsuz qayğısını görərək bizdə milli idmanımızın inkişafına dəstək olmağı qarşıya məqsəd qoyduq. Belə ki, ACAE-nin təşkilati və maddi dəstəyi ilə Azərbaycanda ilk dəfə İspaniyanın tanınmış “Antiguoko Futbol Akademiyası”nın filialını açdıq. Bu məsuliyyətli və önəmli işdə Azərbaycanın İspaniyadakı səfiri Ramiz Həsənova göstərdiyi kömək və dəstəyə görə minnətdarlığımı bildirirəm.

“Antiguoko Futbol Akademiyası” İspaniya futboluna bir çox ulduz oyunçular bəxş edib. Xabi Alonso, Mikel Arteta, Xavyer de Pedro və İurie Berçiçe də daxil olmaqla, “Real Sosyedad”, eləcə də digər komandalarda və İspaniya millisində oynamış bir sıra tanınmış futbolçular klubun yetirmələridir. Xabi Alonso və Mikel Artetan transferlərindən komissiyalarını “Antiguoko”nın obyektlərinin yenilənməsinə yönəldiblər”, - deyə ACEA rəsmisi əlavə edib.

F.Mustafayev deyib: “Gələn həftə rəsmi açılışı nəzərdə tutulan akademiyanın Azərbaycan filialı ölkəmizin futboluna önəmli töhfə verəcək. Belə ki, Akademiyanın yeniyetmə futbolçuları mütəmadi olaraq İspaniyada “Antiguoko” klubunun xətti ilə təlim və yarışlarda iştirak edəcəklər. “Antiguoko” yeniyetmə futbolçular arasında Avropa və dünya çempionatlarını təşkil edən akademiyalardandır. Şübhəsiz ki, “Antiguoko”nun Azərbaycandakı yetirmələri də gələcəkdə bilavasitə bu yarışlara qatılacaqlar. Bizim növbəti planımız yeniyetmələrin futbol üzrə dünya birinciliyini Azərbaycanda təşkil etməkdir”.

Azərbaycanın Əməkdar məşqçisi, UEFA-nın “A” lisenziyalı məşqçisı Zamin Əsədullayev AZƏRTAC-a müsahibəsində İspaniya akademiyasının Azərbaycan filialının yaranma tarixindən danışıb. O bildirib ki, 2019-cu ildə ACAE prezidenti Fərid Mustafayevin dəvəti ilə İspaniyaya səfər edərək, “Atletiko Bilbao”nun direktoru Rafael Alkorta ilə görüşdüm və komandanın fəaliyyəti ilə tanış oldum. “Real Sosyedad”ın düşərgəsinə də baş çəkdim, akademiyanın iş prinsipi ilə maraqlandım. İspaniyanın futbol klublarının iş prinsipi ilə tanış olandan sonra bu modelin Azərbaycanda tətbiqi barədə məndə fikir yarandı.

Təşəbbüskarı F.Mustafayev olan və Azərbaycanda “Sportour” futbol klubu ilə birgə fəaliyyət göstərəcək Azərbaycan filialının şüarı - “Hədəfimiz – Laliqadır”. Fəaliyyətimiz bu şüara uyğun qurulacaq.
Akademiyanın filialında ispan futbol modeli tətbiq ediləcək və Azərbaycanın istedadlı gənc futbolçularının “Antiguoko” vasitəsilə İspaniya klublarına çıxış imkanı yaradılacaq. Akademiyaya 5-15 yaşa qədər yeniyetmələr qəbul olunacaq.

Akademiyanın filialında ispan futbol modeli tətbiq ediləcək və Azərbaycanın istedadlı gənc futbolçularının “Antiguoko” vasitəsilə İspaniya klublarına çıxış imkanı yaradılacaq. Akademiyaya 5-15 yaşa qədər yeniyetmələr qəbul olunacaq.

Akademiyada məşqlərlə yanaşı, həftədə bir dəfə həm uşaqlar, həm də məşqçilər üçün ingilis dili kursları təşkil olunacaq. Bundan başqa məntiq və psixologiya ilə bağlı dərslər keçiriləcək. Bu dərslər ispan və digər xarici futbol klublarında tam rahatlıqla təmsil olunmalarına xidmət edəcək.
Partiya sədri Prezident Administrasiyasına çağırıldıAzərbaycan Respublikasının Prezidenti İlham Əliyevin təşəbbüsü ilə ölkəmizdə reallaşan siyasi dialoq prosesi çərçivəsində siyasi partiya rəhbərləri ilə təşkil olunan görüş və diskussiyalar davam etdirilir. Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin növbəti görüşü mayın 16-da Milli Dirçəliş Hərəkatı Partiyasının sədri Fərəc Quliyev ilə keçirilib.

Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsindən verilən məlumata görə, görüşdə Ədalət Vəliyev Prezident İlham Əliyevin rəhbərliyi ilə ölkəmizdə aparılan islahatlar, İkinci Qarabağ müharibəsi, yeni geosiyasi reallıqlar, Azərbaycanın dünya siyasi arenasında artan rolu, işğal nəticəsində Azərbaycana dəymiş ziyanın kompensasiyası, Qarabağa Böyük Qayıdış və digər aktual məsələlər barədə fikirlərini səsləndirib.

Şöbə müdiri siyasi dialoq, siyasi partiyaların cəmiyyətdə rolu, müxalifətlə konstruktiv əməkdaşlıq və yaranmış sağlam mühit haqqında geniş məlumat verib. Müvafiq istiqamətdə görülmüş işlərin əhəmiyyətini vurğulayan Administrasiya rəsmisi bildirib ki, Prezident İlham Əliyevin siyasi iradəsi ilə ölkəmizdə partiyaların inkişafı üçün yaradılan şərait bilavasitə ölkə rəhbərliyinin dövlət quruculuğu məsələlərində demokratik dəyərlərə verdiyi qiymətdən xəbər verir.

Bütün demokratik təşəbbüslərə rəğmən, sabitliyin pozulmasına xidmət edən təxribatlar təəssüf hissi doğurur, milli maraqların toxunulmazlığına təhdid yaradan radikal meyillər cəmiyyət tərəfindən qəbul edilmir və sərt tənqid olunur. Azərbaycanda uzun illər ərzində yaşanan siyasi sabitlik dayanıqlı inkişafın əsasıdır və bu sabitlik milli maraqlarımızın tərkib hissəsidir.

Bununla yanaşı, görüş əsnasında siyasi partiyaların gündəlik fəaliyyəti ilə bağlı müxtəlif səpkili məsələlər, partiyaların ictimai nüfuzu, qərargahla təmin olunması və maliyyə hesabatlarının təqdim edilməsi kimi mövzular ətrafında fikir mübadiləsi aparılıb.

Fərəc Quliyev 44 günlük Vətən müharibəsi zamanı yaranan birliyi yüksək qiymətləndirərək, cəmiyyətin, o cümlədən siyasi partiyaların nümayiş etdirdiyi həmrəylikdən danışaraq ümummilli və dövlətçilik məsələlərində özünün və rəhbərlik etdiyi siyasi partiyanın dövlətin yanında olduğunu xüsusi vurğulayıb.

Görüş zamanı dövlətimizin Ermənistanla sülh müqaviləsinin bağlanması istiqamətindəki mövqeyinin də partiya tərəfindən dəstəkləndiyi bildirilib. Fərəc Quliyev xarici siyasətdə atılan addımları təqdir edib, bu istiqamətdə aparılan siyasətin tezliklə bütövlükdə Qafqaz regionunda sabitliyi və dayanıqlı təhlükəsizliyi təmin edəcəyini diqqətə çatdırıb.

Həmçinin görüşdə ölkəmizdə pandemiya ilə mübarizədə görülmüş tədbirlər yüksək qiymətləndirilib. Bu sahədə qazanılan təcrübənin digər ölkələr üçün də nümunə olduğu vurğulanıb.

Administrasiya rəsmisi Ədalət Vəliyev görüşün sonunda konstruktiv əməkdaşlığın əhəmiyyətini bir daha vurğulayaraq, Fərəc Quliyevə və onun sədrlik etdiyi siyasi partiyaya dövlətçiliyimizin möhkəmləndirilməsi istiqamətində gələcək fəaliyyətində uğurlar arzulayıb.
Bakıda yeddi yaşlı qız internatda öldüBakıda internat məktəbində ölüm hadisəsi olub.

Lent.az-ın məlumatına görə, hadisə Sabunçu rayonu, Bilgəh qəsəbəsində yerləşən ruhi-əsəb internatında qeydə alınıb.

7 yaşlı Vəliyeva Svetlana Vüqar qızı qəflətən dünyasını dəyişib.

Onun hansı səbəbdən öldüyü hələlik bilinmir.

Faktla bağlı araşdırma aparılır.
“Kontakt Home”la bağlı araşdırma başladıDünyada baş verən iqtisadi proseslərin fonunda qeyri-ərzaq məhsullarının qiymətində dəyişikliklərlə əlaqədar İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti antiinihsar qanunvericiliyinin tələblərinin pozulmaması və haqsız rəqabətə yol verilməməsi üçün tədbirləri davam etdirir.

Qurumdan verilən məlumata görə, bu tədbirlər çərçivəsində Dövlət Xidməti tərəfindən mobil telefon cihazları bazarında fəaliyyət göstərən təsərrüfat subyektlərinə zəruri sənəd və məlumatların təqdim olunmasına dair sorğular göndərilib.

Sorğuda tələb olunan sənəd və məlumatları təqdim etməməklə araşdırmanın çevik və effektiv aparılmasına əngəl yaratdığı üçün “ABC-TELECOM” MMC (“Kontakt Home” əmtəə nişanı altında fəaliyyət göstərir) barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.

İşə baxılması barədə məlumatlar Dövlət Xidmətinin rəsmi internet səhifəsində

(//competition.gov.az/az/page/melumat-merkezi/faydali/baxilacaq-islerin-cedveli.) yerləşdirilib.
“AzerGold”un Müşahidə Şurasının tərkibi DƏYİŞDİRİLDİ“AzerGold” Qapalı Səhmdar Cəmiyyətinin Müşahidə Şurasının tərkibində dəyişiklik edilib.

Prezident İlham Əliyev bununla bağlı sərəncam imzalayıb.

Sərəncamla “AzerGold” Qapalı Səhmdar Cəmiyyətinin Müşahidə Şurasının tərkibi aşağıdakı redaksiyada verilir:

“Müşahidə Şurasının sədri

Mətin Eynullayev ‒ Azərbaycan İnvestisiya Holdinqinin İdarə Heyətinin sədri, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin rəisi

Müşahidə Şurasının üzvləri

Səməd Bəşirli – Azərbaycan Respublikasının İqtisadiyyat Nazirliyi Aparatının Sənaye şöbəsinin müdiri

Samir Qurbanov ‒ Azərbaycan Respublikasının Ekologiya və Təbii Sərvətlər Nazirliyinin tabeliyində Dövlət Mineral Xammal Ehtiyatlarından İstifadə Agentliyinin İdarə Heyətinin sədri

Vüqar Məcidli – Azərbaycan Respublikasının Maliyyə Nazirliyi Aparatının İqtisadi sahələrin maliyyəsi şöbəsinin müdiri

Rəşad İsmayılov – Azərbaycan İnvestisiya Holdinqinin Aktivlərin idarə olunması departamentinin Hasilat sənayesi və energetika şöbəsinin müdiri”.
Rəşad Dağlı dindarlardan bu meyxanasına görə üzr istəyib - VideoRəşad Dağlının Ayətullah Xomeyni ilə bağlı səsləndirdiyi fikirlərə görə, nəhayət, üzr istəməklə vəziyyətdən çıxmağa çalışdı.

Kult.az xəbər verir ki, buna səbəb Rəşad Dağlıya qarşı sosial şəbəkələrdə ağır ittiham və təhqirlərin səsləndirilməsi idi.

Rəşad Dağlı niyə təhqir olundu? O, hansı suça görə üzr istədi və ona ünvanlanan təhqirlərə dolayısı ilə haqq verdi? Meyxanaçı niyə məhz dindarlardan üzr istəməli idi?

Əvvəla, Xomeyni “beytül-müqəddəs” deyil, peyğəmbər də deyil, Axirəzzaman olmadığı da artıq hər kəsə aşkardır. Bəs, Rəşad Dağlı Xomeyniyə aid səsləndirdiyi fikirlərə görə niyə dindarlardan üzr istəməlidir?

Digər tərəfdən, Rəşad Dağlı Xomeynini konkret olaraq hədəf seçməyib və ümumiyyətlə, deyişmədə hədəf də İran, din və yaxud Xomeyni deyil. “Naqruzka” adlı qeyri-poetik və vulqar bir rədif üzərində deyişmə gedir – “nəfəri”, “heyəti” və s. kimi qulaq qafiyələrdən istifadə edib, bir-birinə cavab verirlər. Rəşad Dağlı – özünün də meyxanada dediyi kimi, qafiyədən bezib və “nəfəri”, “heyəti”, “xidməti”, “qeyrəti”yə “behcəti”ni qafiyə tutub:

“Demisən sən seyidi Kərbəlaya buraxmayın,

Xomeyni çöküb-qalıb, Behceti naqruzkadadır”.

Burda “Behcetinin naqruzkada” olduğunu uyğunlaşdırmaq üçün Xomeyninin “çöküb-qalması”ndan istifadə edilib, başqa heç bir poetik, dərin məna, siyasi çalar və yaxud hansısa klassik təşbeh, istixarə və s. yoxdur. Bu, adidən adi meyxana halıdır.

Xomeyni haqda da ağır, təhqiramiz ifadə işlədilməyib, “çöküb-qalıb” – “naqruzkanın” meyxana təfəkküründə “tərcümə olunan” fərqli formasıdır, yəni “çətinə düşüb”. Nə faciə baş verib?

Buna görə Rəşadın üzr istəməsi və məhz dindarlardan üzr istəməsi isə ümumiyyətlə nonsensdir: sanki ciddi bir “ideoloji-siyasi” səhv baş verib...

Buyurun, videoya baxın:
“Avroviziya”da saxtakarlıq - Tamaşaçıları belə aldadıblar“Avroviziya”da Azərbaycan nümayəndə heyətinin rəhbəri İsa Məlikov müsabiqənin finalındakı səsvermə ilə bağlı mübahisəli məqamlara aydınlıq gətirib.

Avrasiya.net xəbər verir ki, o, bu barədə "Facebook" hesabında geniş status paylaşıb.

Həmin paylaşımı olduğu kimi təqdim edirik:

"Dostlar, dünən bütün komandamız uzun yol qət etdiyindən, messencerimə daxil olan çoxsaylı sualları cavablandırmaq mümkün olmayıb. Beləliklə, səsvermə ilə bağlı vəziyyətlə əlaqədar məsələnin mahiyyətinə aydınlıq gətirmək istərdim.

Təyin edilmiş prosedurlara müvafiq olaraq, finalın nəticələri elan olunmazdan əvvəl kanalımızın müvafiq nümayəndələri tərəfindən müsabiqənin təşkilatçılarına səsvermə vərəqələri göndərilib. Prosedurlara əsasən, bu vərəqələr münsiflər heyətinin hər bir üzvü tərəfindən imzalanaraq notarial qaydada təsdiqlənib.

Qeyd etmək istərdim ki, notariusun iştirakı, təşkilatçıların irəli sürdüyü mütləq tələblərdən biridir və bu tələbə hər il qeyd-şərtsiz əməl olunur. Buna cavab olaraq, təşkilatçılar Azərbaycanın münsiflər heyətinin üzvlərinin səsverməsi ilə bağlı öz variantlarını göndərərək onun imzalanıb möhürlənməsini ultimativ formada tələb ediblər. Bizim münsiflər heyətimizin səsverməsinə təsir göstərilməsi cəhdləri heç cür izah olunmayıb. Qeyd edim ki, Azərbaycanın münsiflər heyəti 12 xalı Ukraynaya verib.

Mənim köməkçim tərəfindən dərhal etiraz məktubu göndərilib. Həmin məktubda biz bildirirdik ki, nümayəndəmiz bizim münsiflər heyətimizin verdiyi real xalları elan edəcək, biz 12 xalı Ukraynaya vermişik və bu barədə rəsmi bəyanat verəcəyik. Yalnız bundan sonra aldığımız cavabda bildirilirdi ki, ikinci yarımfinalda iştirak edən bəzi ölkələrin səsvermələrinin nəticələri onlara qəribə gəlib və qabaqcadan məlumat vermədən bizim münsiflər heyətimizi öz peşəkar rəyini bildirmək hüququndan məhrum ediblər, bəzi ölkələrin nəticələrini özlərinin düzgün hesab etdikləri şəkildə elan etməyi qərara alıblar.

Qeyd edim ki, bu barədə bizə qabaqcadan məlumat verməyi lazım bilməyiblər. Müsabiqənin təşkilatçıları bizim münsiflər heyətimizin öz qərarını dəyişməyəcəyini başa düşdükdə, canlı yayımda tamaşaçıları aldadaraq guya rabitədə nasazlığın baş verdiyini bildirib və Azərbaycanın münsiflər heyətinin verdiyi xalları özlərinin düzgün hesab etdikləri şəkildə elan ediblər. Bir daha qeyd edim ki, əslində, rabitə ilə əlaqədar heç bir nasazlıq baş verməyib.

Finaldan dərhal sonra EBU funksionerləri ilə görüş keçirilib. Bu görüşdə biz münsiflər heyətimizə münasibətdə yol verilən xoşagəlməz əməllərin hüquqi şəkildə əsaslandırılmasını, "qəribə səsvermə" ilə bağlı irəli sürdükləri iddiaların sübut olunmasını və təşkilatçıların bu cür yolverilməz davranışının səbəblərinin izah olunmasını tələb etmişik. Fikrimizcə, təşkilatçılar yaranan şübhələrlə bağlı bütün məlumatları bizə cümə axşamı, yəni bu şübhələrin yarandığı vaxt məlumat verməli idilər ki, bu vəziyyəti araşdıraraq zəruri hallarda təhqiqat aparmaq mümkün olsun. Əvəzində isə təşkilatçılar Azərbaycan tərəfini xəbərdar etmədən münsiflər heyətimizi peşəkar rəyini bildirmək hüququndan məhrub edib, onların adından yalan nəticələr elan ediblər.

EBU nümayəndəsi bildirdi ki, bu cür hallarda heç bir sübut təqdim oluna bilməz və irəli sürülən iddialar yalnız bəzi ölkələrə münasibətdə yaranan şübhələrə əsaslanır. Həmçinin, təşkilatçılar qeyd etdilər ki, şübhələndikləri ölkələrin siyahısını təqdim edə bilməzlər və yalnız ümumi bəyanat verəcəklər. Bundan əlavə, onlar bildirdilər ki, bu məsələ ilə əlaqədar hesabat hazırlayan EBU tərəfdaşından məlumat gözləyirlər. Təşkilatçılar bizə məsləhət gördülər ki, bu məsələni açıb-ağartmayaq, çünki Ukrayna onsuz da qalib gəlib və bizim verdiyimiz 12 xal heç nəyi dəyişməyib. Buna cavab olaraq bildirildi ki, bu məsələdə müsabiqənin qalibinin kimliyindən söhbət getmir. Biz təşkilatçılara suallar ünvanladıq: Münsiflər heyətimizin səsverməsi ilə əlaqədar şübhələrin yaranması barədə nəyə görə bizə qabaqcadan məlumat verilməyib? Əgər bu şübhələr bizim və digər beş ölkənin səsvermə hüququndan məhrum edilməsinə əsas yaradırdısa, nəyə görə bizi və həmin ölkələri diskvalifikasiya etməyiblər? Bu suallara biz əsaslı və inandırıcı cavab ala bilmədik.

Biz hələ də EBU tərəfindən bu sualların cavablandırılacağını, irəli sürdükləri iddiaları sübut edəcəklərini və Azərbaycanın münsiflər heyətinin adından saxta xalların verilməsi üçün hüquqi əsasların təqdim olunacağını gözləyirik".