Gənc alim Əpoş Vəliyev deputatlığa namizədliyini irəli sürüb
Dərc olunub:
2-01-2020, 11:22
Tanınmış gənc alim, Filologiya üzrə fəlsəfə doktoru Əpoş İslam oğlu Vəliyev (Elyar İslamoğlu) deputatlığa namizədliyini irəli sürüb. Bu barədə Ə. Vəliyev özü Facebook hesabında məlumat verib.
“Göydə Allah, yerdə xalqım.
9 saylı Binəqədi ikinci seçki dairəsindən şəxsi təşəbbüsümlə deputatlığa namizədliyimi verdim.
Seçici imzalarının toplanmasına başlayıram.
Əziz Binəqədi, 9 saylı seçki dairəsinin seçiciləri,
qapınızı alın açıqlığı, üz ağlığı ilə döyəcəm. Çünki, hər zaman xalqımın yanında oldum, xalqımın səsini, problemlərini aidiyyatı qurumlara çatdırmağa çalışdım. İnşallah, birlikdə bacaracağıq. Qarşımızda görülməli çox işlər var".
